Ստեղծեք տեսանյութ ֆիզիկական մասնակցությամբ փորձառության համար

Հետևելով այս պարզ ուղեցույցին՝ կարող եք յուրահատուկ և գրավիչ տեսաթրեյլեր ստեղծել ֆիզիկական մասնակցությամբ ձեր փորձառության էջի համար։ Այս ծառայությունն անվճար հասանելի է ֆիզիկական մասնակցությամբ փորձառություններ հյուրընկալողներին։

Գործընթացը հեշտ է։ Պարզապես հարկավոր է մեզ ուղարկել մի շարք տեսահոլովակներ, որոնք ընդգծում են ձեր փորձառության ամենահիշարժան պահերը։ Այնուհետև պրոֆեսիոնալ մոնտաժողների թիմը թրեյլեր կպատրաստի և կավելացնի այն ձեր էջում։

Տեսագրեք տարբեր տեսանյութեր, որոնք ցույց կտան ձեր փորձառության տարբեր կողմերը։ Յուրաքանչյուր հոլովակի իդեալական տևողությունը 10-ից 15 վայրկյան է։ Բոլոր տեսահոլովակները պետք է նկարահանվեն դիմանկարի դիրքով, ինչը նշանակում է, որ տեսագրելիս միշտ պետք է հեռախոսը ուղղաձիգ դիրքում պահեք։

Որպես սկիզբ՝ ահա մի քանի գաղափար այն մասին, թե ինչ է պետք նկարահանել.

• Մանրամասներ այն մասին, թե ինչով է ձեր փորձառությունն աչքի ընկնում

• Փորձառության անցկացման վայրը կամ միջավայրը

• Փորձառության ընթացքում օգտագործվող պարագաները և իրերը՝ խոշոր պլանով նկարված

• Ձեր և հյուրերի շփումները

• Փորձառության վերջնական պրոդուկտը կամ եզրակացությունը

Համոզվեք, որ ցույց եք տվել ձեր փորձառության տարբեր կողմերը տարբեր անկյուններից և հեռավորություններից (օրինակ՝ աչքի մակարդակով, վերևից, հեռվից և մոտիկից)։

• Օգտագործեք սմարթֆոն, օրինակ՝ iPhone կամ Android։ Նոր մոդելները գերազանց որակով են նկարահանում։

• Պլանավորեք, թե ինչն եք ուզում տեսագրել, երբ փորձարկեք ձեր փորձառությունն ընկերների կամ ընտանիքի համար։

• Տարածքից հեռացրեք ավելորդ իրերը, որպեսզի հյուրերը կենտրոնանան ամենակարևորի վրա։

• Ընկերներից մեկին խնդրեք մի քանի հոլովակ նկարահանել, որպեսզի ունենաք նաև ձեր մասնակցությամբ որոշ կադրեր։

• Մասնակցի թույլտվություն։ Նախքան հոլովակները վերբեռնելը ստացեք դրանցում երևացող անձանց թույլտվությունները, որպեսզի նրանք տեղյակ լինեն հոլովակների հրապարակային ցուցադրման մասին։

• Հետկադրային ձայն կամ ֆոնային երաժշտություն։ Ձայնագրեք միայն այն, ինչ հյուրերը սովորաբար լսում են փորձառության ընթացքում։ Հետկադրային ձայն կամ ֆոնային երաժշտություն մի ավելացրեք հոլովակներում։

• Տարբերանշաններ կամ հեղինակային իրավունքով պաշտպանված այլ պատկերներ։ Խնդրում ենք խուսափել բրենդային իրերի, օրինակ՝ պատկերանշանով շապիկների կամ գլխարկների ցուցադրումից։

• Ալկոհոլ։ Խնդրում ենք չնկարահանել ալկոհոլ օգտագործող հյուրերի։ Եթե ձեր փորձառությունը ենթադրում է խմիչքի օգտագործում (օրինակ՝ շրջայց բարերով կամ գինու համտես), կարող եք ցույց տալ, թե ինչպես են խմիչքը լցնում բաժակները կամ բաժանում սեղանի շուրջ։

• Հակաօրինական վարք։ Տեսահոլովակներում չպետք է պատկերվեն վտանգավոր կամ սեռական բնույթի տեսարաններ (այդ թվում՝ մերկություն), ցանկացած տեսակի թմրանյութերի օգտագործում կամ այլ արգելված գործողություններ։

• Երեխաներ։ Եթե 18 տարեկանից փոքր հյուրեր են հայտնվում կադրում, համոզվեք, որ նրանց ուղեկցում է որևէ մեծահասակ։

• Airbnb-ի՝ բովանդակության նկատմամբ կիրառվող քաղաքականություն։ Խուսափեք ցանկացած բովանդակությունից, որը խախտում է Airbnb-ի՝ բովանդակության նկատմամբ կիրառվող քաղաքականությունը կամ Հեղինակային իրավունքի քաղաքականությունը։

• Տարածաշրջանային բացառություններ։ Մայրցամաքային Չինաստանում ֆիզիկական մասնակցությամբ փորձառությունների կազմակերպիչները չեն կարող օգտվել այս գործառույթից։

• Ընտրեք 5-ից 10 գերադասելի հոլովակներ և վերբեռնեք դրանք՝ օգտվելով «Ձեր փորձառությունները» բաժնի «Տեսանյութեր» ներդիրից։ Ուղարկեք միայն բնօրինակ, չխմբագրված տեսահոլովակներ. մոնտաժողները չեն կարող օգտագործել տեսանյութեր, որոնք ֆիլտրերով կամ էֆեկտներով մշակվել են։

• Մոնտաժողները ձեր հոլովակներից կպատրաստեն տեսաթրեյլեր։

• Տեսաթրեյլերի ստեղծման համար պահանջվում է 2 շաբաթ։ Երբ պատրաստ լինի, նրանք այն կվերբեռնեն անմիջապես ձեր հայտարարության էջում։

Եթե հարցեր ունեք թրեյլերի վերաբերյալ կամ ուզում եք փոխել այն, խնդրում ենք լրացնել այս ձևը, և մեր թիմը կկապվի ձեզ հետ։