Հյուրընկալողների և հյուրերի անվտանգությունը

Այցերի, փորձառությունների և շփման անվտանգությունն ապահովելու նպատակով մեր համայնքում որոշակի գործողություններ և վարքագծեր արգելված են։

Ինչ ենք թույլ տալիս

• Ինքնապաշտպանություն։ Եթե այցի ընթացքում կամ փորձառության ժամանակ երբևէ ֆիզիկական հարձակման եք ենթարկվել, ձեզ թույլատրվում է համաչափ ուժով պաշտպանվել մինչև վտանգի դադարումը
• Թույլատրված զենքեր։ Բացառությամբ պայթուցիկ, հրկիզիչ սարքերի և գրոհային զենքերի՝ որպես հյուր կարող եք ձեզ հետ բերել օրինական հիմքով ձեզ պատկանող զենքեր կամ ոչ մահացու զենքեր միայն այն դեպքում, եթե դրանք անվտանգ ձևով պահեք և դրանց առկայության մասին տեղեկացնեք ձեր հյուրընկալողին նախքան ժամանումը Որպես հյուրընկալող՝ կարող եք օրինական հիմքով ձեզ պատկանող զենքը պահել ձեր տարածքում՝ պայմանով, որ կապահովեք դրա անվտանգությունը։ Զենքի մասին պետք է հայտնել նաև այն դեպքում, եթե դա պահում եք տեսանելի տեղում, կամ եթե հյուրերը կարող են հայտնաբերել այն։ Իմանալ ավելին տարածքում զենք պահելու վերաբերյալ մեր կանոնների մասին։

Ինչը թույլ չենք տալիս

• Սպառնալիքներ կամ դաժան վերաբերմունք։ Այլ անձանց, այդ թվում՝ մտերիմ գործընկերների, երեխաների, կենդանիների, հիվանդ կամ հաշմանդամ մարդկանց նկատմամբ սպառնալիքները, բռնությունները կամ դաժան վերաբերմունքը տեղ չունեն մեր համայնքում։
• Սեռական ոտնձգություն և անթույլատրելի վարք։ Ցանկացած տեսակի սեռական ոտնձգությունը և սեռական բռնությունը արգելվում են։ Ընդունելի չեն որևէ տեսակի անցանկալի կամ ինքնակամ հպումները, սիրախաղերը և սեռական բնույթի պահվածքը, անձնական հարաբերությունների կամ սեռական նախասիրությունների շուրջ զրույցները։
• Վտանգավոր կամ անօրինական պահվող կենդանիներ։ Արգելվում են բոլոր այն կենդանիները, որոնց տեսակները կամ ցեղատեսակները պահելը անօրինական է հայտարարության կամ փորձառության վայրում։ Այցի ընթացքում հավանական վտանգ ներկայացնող տնային, ընտանի և վայրի կենդանիները պետք է պատշաճ կերպով պահվեն իրենց վանդակներում, և դրանց մասին պետք է տեղեկացվի նախապես։ Կարիք չկա տեղեկացնելու այն կենդանիների մասին, որոնք վտանգ ներկայացնելու նշաններ ցույց չեն տվել, քանի որ այս գործիքը «վտանգավոր կենդանիների» համար է։ Իմանալ ավելին վտանգավոր կենդանիների վերաբերյալ մեր կանոնների մասին։
• Պայթուցիկ, հրկիզիչ սարքեր կամ գրոհային զենքեր։ Այս իրերը երբեք չի թույլատրվում ունենալ տարածքում կամ փորձառության ժամանակ, նույնիսկ եթե դրանք ունենալը օրինական է ձեր տարածքում։
• Անապահով կամ չբացահայտված զենքեր։ Օրինական հիմքով տնօրինվող ցանկացած զենք պետք է պատշաճ կերպով ներկայացվի և ապահով պահվի։

Մենք ձեզ կօգնենք

Արտակարգ իրավիճակի դեպքում օգնություն ստանալու համար դիմեք արտակարգ իրավիճակների տեղական ծառայություններին կամ իրավապահ մարմիններին։

Անվտանգությանն առնչվող այլ խնդիրների դեպքում մենք շուրջօրյա հասանելի ենք։ Օգնության կենտրոնում ավելին կարդացեք այն մասին, թե ինչպես կապվել մեզ հետ։

Մենք լրջորեն ենք մոտենում ինքնասպանության և ինքնավնասման սպառնալիքներին և կարող ենք դիմել իշխանություններին՝ խնդրելով առողջական վիճակի ստուգում անցկացնել, եթե մեզ տեղեկացնեն, որ առկա է անվտանգությանը սպառնացող անմիջական վտանգ։ Եթե դուք կամ մեկ ուրիշը վտանգված կամ անապահով եք զգում, օգնության համար նախ դիմեք տեղական իրավապահ մարմիններին։

Ինչպես միշտ, եթե ականատես եք լինում կամ հանդիպում եք այնպիսի վարքի, որը, ձեր կարծիքով, հակասում է մեր կանոններին, հայտնեք մեզ այդ մասին։