Առաջարկները կցուցադրվեն որոնման հարցումը մուտքագրելուց հետո։ Առաջարկներին ծանոթանալու համար օգտագործեք վեր և վար սլաքները։ Ընտրելու համար սեղմեք Enter։ Եթե ընտրել եք բառակապակցություն, ապա որոնման կներկայացվի այդ բառակապակցությունը։ Եթե առաջարկը հղում է, դիտարկիչում կբացվի այդ էջը։
Համայնքի քաղաքականությունը

Ինչպես լինել լավ հարևան

Պետք է հարգալից լինել ոչ միայն Airbnb համայնքի, այլև՝ մեզ շրջապատողների նկատմամբ։ Այդ հարգանքը նշանակում է խուսափել անդորրը խանգարող երեկույթներից, աղմկալից միջոցառումներից կամ անհանգստություն պատճառող այլ վարքից ու գործողություններից՝ հարևաններին չանհանգստացնելու համար։

Ինչ ենք թույլ տալիս

  • Հյուրընկալողների կողմից մշակված կանոններ։ Հյուրընկալողներին խրախուսում ենք տան կանոններում, տարածքի նկարագրություններում և Airbnb-ի միջոցով վարած նամակագրություններում հստակ բացատրել, թե ինչ են իրենք ակնկալում իրենց հյուրերից։ Airbnb-ն սահմանում է նվազագույն ստանդարտներ, բայց հյուրընկալողներին խորհուրդ է տրվում ներառել լրացուցիչ տեղեկություններ կամ իրենց թաղամասին հարմարեցված ուղեցույցներ։
  • Պրոֆեսիոնալ հյուրընկալման միջոցառումներ։ Միայն պրոֆեսիոնալ հյուրանոցային բիզնեսները, օրինակ՝ հյուրանոցները կամ B&B-ները կարող են խոշոր միջոցառումներ առաջարկել՝ պայմանով, որ դրանք չխանգարեն շրջակա համայնքին կամ այլ կերպ անհանգստություն չպատճառեն այլոց։

Ինչը թույլ չենք տալիս

  • Անհանգստություն պատճառող երեկույթներ և միջոցառումներ։ Այն երեկույթները կամ հավաքույթները, որոնք սպառնում են շրջակա համայնքի անվտանգությանը կամ անհանգստացնում են շրջակայքին, չեն թույլատրվում՝ անկախ մասնակիցների քանակից։ Մանրամասներ մեր երեկույթների և միջոցառումների կանոնների մասին։
  • «Երեկույթների համար նախատեսված տուն» հայտարարություններ։ Բացառությամբ հյուրանոցային բիզնեսի պրոֆեսիոնալների՝ հյուրընկալողները չպետք է տարածքի նկարագրությունում կամ այլ տեղեկություններում խրախուսեն կամ այլ կերպ թույլատրեն երեկույթներ կամ միջոցառումներ։
  • Համայնքին պատճառվող անհանգստություններ։ Չեն թույլատրվում անհանգստացնող վարքագիծն ու գործողությունները, այդ թվում՝ հարևանների մոտ չափազանց շատ ծխելը կամ ծխելն այն վայրերում, որտեղ դա արգելված է, չարտոնված վայրերում աղբ թափելը, ավելորդ աղմուկը կամ հարևանի մուտքը դեպի իր տուն խոչընդոտելը։

Մենք ձեզ կօգնենք

Եթե դուք կամ մեկ ուրիշը վտանգված կամ անապահով եք զգում, օգնության համար նախ դիմեք տեղական իրավապահ մարմիններին։ Բացի այդ, եթե ականատես եք լինում կամ առնչվում այնպիսի վարքի, որը հակասում է մեր կանոններին, խնդրում ենք մեզ տեղեկացնել այդ մասին։

Թեպետ այս ուղեցույցները չեն ներառում բոլոր հնարավոր սցենարները, դրանք նախատեսված են Airbnb-ի համայնքի կանոնների վերաբերյալ ընդհանուր գաղափար կազմելու համար։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում