Ինչ է ակնկալվում հյուրընկալողներից և նրանց տներից

Յուրաքանչյուր հյուրընկալող պետք է համապատասխանի այս հիմնական ստանդարտներին՝ հյուրերին հարմարավետ և հուսալի այց ապահովելու համար։

• Հուսալի հաղորդակցություն. հյուրընկալողները պետք է արագ արձագանքեն և պատրաստ լինեն ողջամիտ ժամկետում պատասխանելու հյուրերի կամ Airbnb-ի հարցերին և հետևելու Airbnb-ի տրամադրած անհրաժեշտ քայլերին՝ խնդիրները շտկելու համար։
• Ճշգրիտ հայտարարություններ․ հյուրընկալողի սեփականությունը, գտնվելու վայրը, տարածքի տեսակը, առանձնության աստիճանները և հարմարությունները պետք է ճշգրտորեն արտացոլեն այն ամենը, ինչ ամրագրման պահին գրված է տարածքի նկարագրության մեջ։ Հյուրընկալողներն ընդունված ամրագրման մանրամասները կարող են փոփոխել միայն հյուրերի համաձայնության դեպքում։
• Ապահով տներ․ հյուրընկալողները պատասխանատու են տարածքի անվտանգությունն ապահովելու համար։ Մուտքի բոլոր հիմնական կետերի համար պետք է տրամադրվեն բանալիներ կամ մուտքի կոդեր։
• Հուսալի ժամանումներ․ հյուրընկալողները պետք է հյուրերին տրամադրեն ճիշտ տեղեկություններ՝ ժամանելիս տարածք մուտք գործելու համար (օրինակ՝ մուտքի ճիշտ կոդեր, հստակ ուղղություններ)։ Այն հյուրընկալողները, որոնք պլանավորում են հյուրերին դիմավորել ժամանման պահին, պետք է ներկայանան պայմանավորված ժամին։ Պետք է պահպանել մինի-սեյֆերի կամ մուտքի կոդերի անվտանգությունը դրանք օգտագործելիս (օրինակ՝ ամրագրումների միջև փոխեք կոդերը)։
• Մաքուր տարածքներ․ հյուրընկալողի սեփականությունը պետք է զերծ լինի առողջությանը սպառնացող հայտնի վտանգներից (օրինակ՝ բորբոս, միջատներ, վնասատուներ), համապատասխանի մաքրության բարձր չափանիշի և մաքրվի այցերի միջև։
• Անվտանգ այցեր. հյուրընկալողները պատասխանատու են անվտանգությանը սպառնացող վտանգներից զերծ տարածք պահելու համար (օրինակ՝ հրդեհի արգելափակված ելքեր, էլեկտրական ցնցումների ռիսկեր, առնետի թույն)։ Տարածքին բնորոշ վտանգները (օրինակ՝ բարձունքներ, ջրային տարածքներ) պետք է նշված լինեն տարածքի նկարագրության մեջ։ Բացի այդ, հյուրընկալողները պետք է հետևեն գործող բոլոր օրենքներին և կանոնակարգերին (օրինակ՝ տարածքը պետք է համապատասխանի հրդեհային անվտանգության կանոնների կիրառելի պահանջներին)։ Իմացեք ավելին տարածքներում անվտանգության ապահովման վերաբերյալ ցուցումների մասին։
• Հավաստագրում․ Airbnb-ն պահանջում է, որ բոլոր հյուրընկալողներն ունենան հյուրընկալելու թույլտվություն և պահպանեն գործող բոլոր օրենքների պահանջները։ Չի թույլատրվում երրորդ կողմի միջոցով հյուրանոց կամ երրորդ կողմին պատկանող բնակարան ամրագրել և այն հրապարակել Airbnb-ում։ Հյուրընկալողները պետք է հաշվի առնեն թայմշերների կամ նմանատիպ կացավայրերի համար սահմանված հատուկ կանոնները, երբ որոշում են՝ առաջարկել նմանատիպ բնակարաններ Airbnb-ում, թե ոչ։
• Կենդանիների բարեկեցություն․ կենդանիների շահագործմամբ իրականացվող այցերը կամ փորձառությունները տեղ չունեն մեր համայնքում (օրինակ՝ ճանապարհամերձ կենդանաբանական այգիներ, մրցանակներ նախատեսող որսորդական փորձառություններ)։ Հյուրընկալողները պետք է հետևեն Airbnb-ի՝ կենդանիների բարեկեցության ապահովման վերաբերյալ ցուցումներին։ Իմացեք ավելին հյուրընկալողների համար սահմանված հիմնական կանոնների մասին։

Իմացեք ավելին հյուրընկալողների համար սահմանված հիմնական կանոնների մասին։

Մենք ձեզ կօգնենք

Եթե ականատես եք լինում կամ առնչվում եք այնպիսի վարքի, որը հակասում է մեր կանոններին, հայտնեք մեզ այդ մասին։