Airbnb-ի ամրագրումների չեղարկումներն ու գումարի վերադարձը հիմնականում կարգավորվում են հայտարարության մեջ նշված չեղարկման կանոններով։ Հազվադեպ հանգամանքներում, երբ լայնամասշտաբ իրադարձությունները անհնար են դարձնում կամ օրենքով արգելում են ամրագրման ավարտումը, կարող է կիրառվել Խոշոր կործանարար իրադարձությունների վերաբերյալ քաղաքականությունը («Քաղաքականություն»)։ Քաղաքականության կիրառման դեպքում հյուրերը կարող են չեղարկել իրենց ամրագրումը և ստանալ գումարի վերադարձ, ճամփորդական բոնուս և (կամ) այլ տեսակի հատուցում՝ անկախ ամրագրման չեղարկման կանոններից, իսկ հյուրընկալողները կարող են չեղարկել առանց վճարների և այլ բացասական հետևանքների, թեև չեղարկված ամրագրման ամսաթվերը տարածքի օրացույցում կարգելափակվեն։
Քաղաքականությունը վերաբերում է տների, սերվիսների և փորձառությունների ամրագրումներին, և կիրառվում է ընթացիկ կամ ուժի մեջ մտնելու ամսաթվին կամ դրանից հետո ժամանմամբ ամրագրումների նկատմամբ՝ բացառությամբ այն դեպքերի, երբ Airbnb-ն այլ բանի մասին է տեղեկացրել օգտատերերին։ Խոշոր կործանարար իրադարձությունների վերաբերյալ քաղաքականությունն ապահովագրություն չէ։
Քաղաքականությունը գործում է հետևյալ իրադարձությունների դեպքում, եթե դրանք ազդում են ձեր ամրագրած տարածքի գտնվելու վայրի վրա, տեղի են ունենում ամրագրումից հետո և անհնար կամ անօրինական են դարձնում ապագա կամ ընթացիկ ամրագրման ավարտումը (այս Քաղաքականության մեջ նշվում են որպես «իրադարձություններ»)՝
Առողջապահության ոլորտում հայտարարված արտակարգ իրավիճակներ և համաճարակներ։ Կառավարության կողմից հայտարարված համաճարակներ, համավարակներ և առողջապահության ոլորտում արտակարգ իրավիճակներ։ Դա չի ներառում էնդեմիկ հիվանդությունները (օրինակ՝ գրիպը) կամ սովորաբար որևէ տարածաշրջանի հատուկ հիվանդությունները (օրինակ՝ մալարիան Թաիլանդում)։ Խոշոր կործանարար իրադարձությունների վերաբերյալ քաղաքականությունը չի տարածվում COVID-19-ի վրա։
Կառավարության կողմից սահմանված ճամփորդական սահմանափակումներ։ Պետական մարմնի կողմից սահմանված պարտադիր սահմանափակումներ, օրինակ՝ տարհանման հրաման կամ ապաստանում պատսպարվելու վերաբերյալ հրաման։ Դա չի ներառում ոչ պարտադիր ճամփորդական նախազգուշացումները և պետական մարմինների նմանատիպ ցուցումները։
Ռազմական և այլ թշնամական գործողություններ։ Ռազմական գործողություններ, թշնամական գործողություններ, արշավանքներ, քաղաքացիական պատերազմ, ահաբեկչություն, պայթյուններ, ռմբակոծություններ, ապստամբություններ, զանգվածային անկարգություններ և խռովություններ։
Կենսապահովման հիմնական համակարգերի խոշորամասշտաբ խափանումներ։ Հիմնական կոմունալ ծառայությունների, օրինակ՝ ջեռուցման, ջրամատակարարման և էլեկտրամատակարարման երկարատև անջատումներ, որոնք ազդում են տվյալ վայրում գտնվող տների ճնշող մեծամասնության վրա։
Անկանխատեսելի բնական աղետներ և վտանգավոր եղանակային երևույթներ։ Անկանխատեսելի բնական աղետներ, օրինակ՝ երկրաշարժեր և ցունամիներ, և անկանխատեսելի վտանգավոր եղանակային երևույթներ, օրինակ՝ պտտահողմեր։ Դրանք չեն ներառում տվյալ վայրի համար կանխատեսելի իրադարձությունները, ինչպես նկարագրված է ստորև։
Երբ տեղի է ունենում խոշորամասշտաբ իրադարձություն, մենք գնահատում ենք իրավիճակը՝ պարզելու, թե արդյոք կիրառվում է Խոշոր կործանարար իրադարձությունների վերաբերյալ քաղաքականությունը։ Այդ դեպքում մենք ակտիվացնում ենք Քաղաքականությունը ազդակիր տարածքի և ժամկետների համար՝ ակնկալելով, որ իրադարձության հետևանքով ամրագրումների ավարտումը օրենքով կարգելվի կամ անհնարին կդառնա։ Սահմանված տարածքից և ժամկետներից դուրս ամրագրումները կարող են չհամապատասխանել պահանջներին, թեև հյուրընկալողները առանց բացասական հետևանքների կարող են չեղարկել, եթե չկարողանան հյուրընկալել։ Մենք շարունակաբար հետևում ենք այս իրավիճակներին և անհրաժեշտության դեպքում կարգավորում ենք ընդգրկույթը՝ փոփոխվող պայմաններն արտացոլելու համար։ Եթե կարծում եք, որ այս Քաղաքականությունը վերաբերում է ձեր ամրագրմանը, դիմեք մեզ՝ պահանջներին համապատասխանելու վերաբերյալ տեղեկություններ ստանալու համար։
Մենք հասկանում ենք, որ ձեր վերահսկողությունից դուրս գտնվող այլ հանգամանքներ կարող են խափանել ձեր ծրագրերը։ Այստեղ չնշված ցանկացած այլ իրավիճակում ձեր ամրագրումը կարգավորվում է հյուրընկալողի՝ հայտարարության մեջ նշված չեղարկման կանոններով։
Քաղաքականության մեջ չընդգրկված իրադարձությունների ընդհանուր օրինակներ են՝
Այն ամրագրումների համար, որոնք ընդգրկված չեն Քաղաքականության մեջ, հյուրերին և հյուրընկալողներին հորդորում ենք գտնել փոխադարձաբար ընդունելի պայմանավորվածություն, օրինակ՝ գումարի լրիվ կամ մասնակի վերադարձ կամ ամրագրման ամսաթվերի փոփոխություն։ Նկատի ունեցեք, որ ամրագրման չեղարկման կանոններից դուրս ցանկացած գումարի վերադարձ կատարվում է հյուրընկալողի հայեցողությամբ։ Airbnb-ն այդպիսի դեպքերում չի միջամտում և չի երաշխավորում գումարի վերադարձ։
Եթե ամրագրման նկատմամբ կիրառվում է Խոշոր կործանարար իրադարձությունների վերաբերյալ քաղաքականությունը, հյուրընկալողները կարող են չեղարկել առանց վճարների և այլ բացասական հետևանքների։ Եթե հյուրընկալողը չեղարկի այս քաղաքականության համաձայն, չեղարկված ամրագրման ամսաթվերը կարգելափակվեն նրա հայտարարության օրացույցում։ Եթե ամրագրումը չեղարկվում է սույն Քաղաքականության համաձայն, ապա հյուրընկալողը վերջնավճար չի ստանում ամրագրման չեղարկված ամսաթվերի համար, կամ, եթե վերջնավճարն արդեն կատարվել է, վերադարձվող գումարը պահվում է հաջորդ վերջնավճարից (վերջնավճարներից)։
Անկախ այն բանից՝ արդյոք ամրագրման համար գործում է այս Քաղաքականությունը, հյուրընկալողներն առանց վճարների և այլ բացասական հետևանքների կարող են չեղարկել որոշակի հիմնավոր պատճառներով, օրինակ՝ տարածքին հասցված խոշոր վնասի պատճառով։ Հյուրընկալողները պարտավոր են չեղարկել ամրագրումը, եթե իրենց տարածքը պիտանի չէ բնակության համար կամ չի համապատասխանում հյուրի ամրագրածին։ Դա չանելը կարող է հանգեցնել հայտարարության ժամանակավոր կասեցմանը, առկա ամրագրումների չեղարկմանը և հյուրերին գումարի վերադարձին, քանի դեռ տարածքը պիտանի չէ բնակության համար և չի համապատասխանում տարածքի նկարագրությանը։ Դա նաև խախտում է մեր հյուրընկալողների համար սահմանված հիմնական կանոնները և կարող է հանգեցնել հետևանքների, ընդհուպ մինչև հաշվի հեռացմանը։
Այս Քաղաքականությունը չի սահմանափակում հյուրընկալողների և հյուրերի՝ տեղական կանոնակարգերով սահմանված իրավունքները, և այս Քաղաքականության շրջանակներում Airbnb-ի ցանկացած որոշում չի ազդում նրանց օրինական իրավունքների վրա։