Անցեք առաջ՝ առաջարկվող արդյունքներին ծանոթանալու համար

    Airbnb 2022 – ամառային թողարկում. ինչ պետք է իմանան հյուրընկալողները

    Մենք ստեղծում ենք ձեր հայտարարությունները բացահայտելու և հյուրերի համար AirCover ավելացնելու նոր եղանակներ։
    Հեղինակ՝ Airbnb, ամսաթիվ՝ 11 մյս, 2022 թ.
    6 րոպե տևողությամբ տեսանյութ
    Թարմացվել է՝ 11 մյս, 2022 թ.

    Առանձնահատկություններ

    Ուղերձ Airbnb-ի գլխավոր գործադիր տնօրեն և համահիմնադիր Բրայան Չեսկիից

    Airbnb-ում ներկայացված ձեր տներից յուրաքանչյուրն ինքնատիպ է։ Սակայն վերջին 25 տարիների ընթացքում ճանապարհորդությունների ավանդական որոնումը դժվարացրել է դրանք գտնելը։ Դա պայմանավորված է նրանով, որ մարդիկ պետք է որոնման դաշտում մուտքագրեն վայր և ամսաթվեր, և նրանք տեսնում են միայն այն արդյունքները, որոնք համապատասխանում են դաշտի մեջ նշվածին։

    Այսօրվանից սկսած՝ մարդկանց համար ավելի հեշտ ենք դարձնում ձեր տները գտնելը՝ Airbnb կատեգորիաների միջոցով։ Այժմ, երբ հյուրերը բացեն Airbnb-ն, նրանք անմիջապես կտեսնեն 4 միլիոն տների ավելի քան 50 կատեգորիա, որոնք ընդգծում են այն, ինչով առանձնանում է յուրաքանչյուր տունը՝ ոճը և հարմարությունները, տեղադրությունը, մոտակայքում առկա զբաղմունքները՝ գոլֆը, սերֆինգ, դահուկավազք և այլն։

    Նույնիսկ եթե հյուրերը որոնեն կոնկրետ վայր, մենք կատեգորիաներ ցույց կտանք լրացուցիչ տներով, որոնք իրենք գուցե երբեք չգտնեին։ Ժամանակի ընթացքում մենք կավելացնենք ավելի շատ կատեգորիաներ, քանի որ կարծում ենք, որ յուրաքանչյուր տան և յուրաքանչյուր հյուրընկալողի համար կարող է լինել կատեգորիա։ Եվ սա դեռ ամենը չէ։

    Քանի որ հիմա մարդիկ շատ ավելի երկար են ճանապարհորդում, քան երբևէ նախկինում, մենք ուզում էինք ավելի շատ տարբերակներ տրամադրել այդպիսի ուղևորությունների համար։ Ուստի մեկնարկում ենք «Տրոհված այցեր» նորարարական գործառույթը, որը մեկ ուղևորության ընթացքում զուգակցում է երկու տուն։ Սա նշանակում է, որ ավելի երկար այցեր որոնելիս հյուրերը կտեսնեն ձեր տների՝ միջինում մինչև 40%-ով ավելին։ Բացի այդ, AirCover պաշտպանությունը, որը նախորդ աշնանը ներկայացրինք հյուրընկալողներին, այժմ գործում է նաև հյուրերի համար։

    Այս բոլոր գործառույթները մեկ թարմացման մեջ ներառելով՝ այս թողարկումը ներկայացնում է տասնամյակի ընթացքում Airbnb-ի ամենամեծ փոփոխությունը։

    —Բրայան Չեսկի

    Airbnb կատեգորիաներ

    Մենք ներկայացնում ենք որոնման նոր եղանակ, որը կառուցված է Airbnb կատեգորիաների շուրջ։ Airbnb-ում հյուրերին ներկայացվում են 56-ից ավելի կատեգորիաներ, որոնք խմբավորում են տները համադրված հավաքածուների մեջ՝ ըստ յուրահատուկ ոճի, տեղադրության կամ մոտակայքում հասանելի զբաղմունքի։

    Կատեգորիաները ցուցադրում են տներ՝ շքեղ տեսարաններով կամ ոգեշնչող դիզայնով, լճի կամ ազգային պարկի հարևանությամբ, և տներ, որոնցից հեշտ է հասնել սիրված քաղաքներ կամ գոլֆի դաշտեր։ Սրանք ընդամենը մի քանիսն են այն կատեգորիաներից, որոնք ներառում են 4 միլիոն յուրահատուկ տներ, ինչը հնարավոր է դարձել ձեր օգնությամբ։

    Երբ հյուրերը որոնեն կոնկրետ նպատակակետով, նրանք հայտարարություններ կգտնեն «Բոլոր տները» կոչվող կատեգորիայում։ Նրանց կցուցադրվեն նաև լրացուցիչ կատեգորիաներ՝ հիմնված այդ գտնվելու վայրի վրա, ինչը թույլ կտա նրանց գտնել անհավանական տներ որոնման տարածքում կամ դրա սահմաններից մի փոքր դուրս։ Եվ հայտարարությունները կարող են հայտնվել մի քանի կատեգորիաներում։ Այսպիսով, եթե Թահո լճի մոտ գտնվող ձեր տունն ունի պրոֆեսիոնալ խոհանոց, ապա հայտարարությունը կարող է հայտնվել ոչ միայն այդ վայրում առաջարկվող տների որոնման արդյունքներում, այլև «Լճի մոտ» և «Մեծ խոհանոցներ» կատեգորիաներում։

    Առավելություններն է՛լ ավելի մեծ են այն տների համար, որոնք դուրս են գտնվում հիմնական զբոսաշրջային ուղղություններից։ Կատեգորիաների միջոցով հյուրերը գտնում են յուրահատուկ տներ այն վայրերում, որոնք նրանք այլապես չէին որոնի։ Օրինակ՝ «Կրեատիվ տարածքներ» կատեգորիայում որոնող երաժիշտը կարող է ամբողջական ձայնագրման ստուդիայով տուն գտնել Ջորջիայում։

    Կատեգորիաները կարող են նաև ոգեշնչել հյուրերին նոր վայրերում մնալու։ Որոնման նախորդ եղանակներով Միացյալ Թագավորությունում արձակուրդ ամրագրող անձը կարող էր մտածել միայն Լոնդոնում կամ իրեն ծանոթ վայրերում մնալու մասին։ Այսօր նա կարող է որոնել իրեն հետաքրքրող կատեգորիաներով և որոշել մնալ Օքսֆորդից ոչ հեռու գտնվող գյուղական տանը կամ Մանչեսթերի մոտ գտնվող միկրոտնակում։

    Յուրաքանչյուր կատեգորիայում տներն անցնում են համադրման գործընթաց։ Airbnb-ում տեղադրված միլիոնավոր ակտիվ հայտարարությունները գնահատվում են մեքենայական ուսուցման միջոցով, որը վերլուծում է վերնագրերը, նկարագրությունները, լուսանկարների մակագրերը, հյուրընկալողների տրամադրած դասակարգված տվյալները և հյուրերի կարծիքները։

    Այս նոր կատեգորիաները որոնման այս նոր եղանակի սկիզբն են միայն։ Ժամանակի ընթացքում մենք կներմուծենք ավելի շատ կատեգորիաներ, որոնք կցուցադրեն ձեր սեփականությունների եզակի առանձնահատկությունները և տեղադրությունը։

    Ինչ կարող եք անել որպես հյուրընկալող.

    • Հայտարարությունները շարունակում են դասակարգվել ըստ մի շարք գործոնների, այդ թվում՝ որակի, գնի, պահանջարկի, գտնվելու վայրի որոնումների դեպքում՝ մոտիկության և լուսանկարների որակի։ Ուստի համոզվեք, որ ձեր հայտարարությունն արդիական է, ամբողջական և ճշգրիտ։
    • Կատեգորիա ներկայացնող տարածքների լուսանկարները, որոնք կարող են ոգեշնչող լինել, սովորաբար ավելի բարձր դիրքում են ցուցադրվում տվյալ կատեգորիայում։ Ձեր հայտարարության մեջ անպայման ավելացրեք լավ լուսանկարներ։
    • Ձեր հայտարարության կարգավորումներում ընդգծեք տարածքի առանձնահատկությունները, օրինակ՝ դրա պատմական նշանակությունը կամ դիզայնի հատկանիշները։
    • Ավելին իմացեք Airbnb կատեգորիաների մասին։

    Տրոհված այցեր

    Քանի որ հյուրերից շատերն են ավելի երկար այցեր փնտրում, տարածքների քանակը, որտեղ հնարավոր կլինի մնալ ամբողջ ուղևորության ընթացքում, կարող է սահմանափակ լինել։

    Նախկինում, եթե ձեր տարածքը հասանելի չէր հյուրի այցի նախընտրած ամսաթվերին, այն չէր ցուցադրվի արդյունքներում։ Ահա թե ինչու մենք ստեղծեցինք «Տրոհված այցեր» նորարարական գործառույթը, որը թույլ է տալիս ուղևորությունը տրոհել երկու տների միջև։ Արդյունքում, 14 գիշեր կամ ավելի երկար այցեր փնտրելիս հյուրերը գտնում են մինչև 40%-ով ավելի շատ հայտարարություններ։*

    Երբ հյուրը տուն է որոնում մեկ շաբաթ կամ ավելի երկար տևողությամբ ուղևորության համար, տրոհված այցերն ավտոմատ հայտնվում են որոնման արդյունքներում։ Հյուրը կկարողանա ընտրություն կատարել իր այցի ողջ ընթացքում հասանելի առանձին հայտարարությունների և այն տարբերակների միջև, որոնք տրոհում են ուղևորությունը միևնույն նպատակակետում գտնվող երկու տարածքի միջև։

    Նախկինում, եթե հյուրը տուն էր որոնում մեկ ամիս տևողությամբ ուղևորության համար, բայց ձեր տունն այդ ժամանակահատվածում ազատ էր ընդամենը երկու շաբաթով, ձեր տարածքը չէր երևա որոնման արդյունքներում։ «Տրոհված այցեր» գործառույթի շնորհիվ՝ ձեր հայտարարությունը կարող է զուգակցվել մեկ այլ հայտարարության հետ՝ հյուրին ամբողջ ուղևորության ընթացքում մնալու տեղով ապահովելու համար, հետևաբար այն տարբերակ է դառնում ավելի շատ հյուրերի համար։

    Յուրաքանչյուր «Տրոհված այց» զուգակցում է երկու սեփականություն, որոնց գտնվելու վայրերը, սեփականության տեսակները և հարմարությունները համընկնում են որոնվածին։ Եթե, օրինակ, ընտանիքը որոնում է հատուկ կարիքներով անձանց համար հարմարություններով տուն, ասենք՝ առանց աստիճանների մուտքով կամ ավելի լայն դռնախորշերով, ապա «Տրոհված այցերը» կներառի այսպիսի հարմարություններով երկու տարածք։

    Քարտեզի վրա «Տրոհված այցեր» բացելիս շարժվող գիծը վիզուալ կերպով միացնում է երկու տարածքները՝ հյուրերին ցույց տալու դրանց միջև հեռավորությունը և այցերի հաջորդականությունը։ Երբ հյուրն ընտրում է տրոհված այց, նա ուղղորդվում է պարզ ինտերֆեյսի միջոցով յուրաքանչյուր տարածքն առանձին-առանձին ամրագրելու, նույն կերպ, ինչպես ամրագրվում են սովորական այցերը։

    Ինչ կարող եք անել որպես հյուրընկալող.

    • Տարածքները կարող են ընդգրկվել «Տրոհված այցեր» գործառույթում, եթե ունեն առնվազն երեք ազատ գիշեր, այնպես որ գուցե ուզենաք համապատասխանաբարփոփոխել ձեր օրացույցը։
    • Ավելի շատ տրոհված այցերում ընդգրկվելու համար խորհուրդ ենք տալիս այցի առավելագույն տևողությունը դարձնել առնվազն յոթ գիշեր։
    • Այժմ ճիշտ ժամանակն է նաև ընդգծելու ավելի երկար այցերի համար պահանջված հարմարությունները՝ արագ և հուսալի Wi-Fi-ը, նոթբուքով աշխատելու տեղը և հատուկ կարիքներով անձանց համար հարմարությունները։
    • Ավելին իմացեք այն մասին, թե ինչպես գրավել ավելի երկար այցերով հետաքրքրվող հյուրերին։

    AirCover. պաշտպանություն բոլոր հյուրընկալողների և հյուրերի համար

    Airbnb-ն ուժեղ է, քանի դեռ մեր հյուրընկալողները վճռական են հյուրերին լավագույնն առաջարկելու հարցում։ Մինչ ավելի շատ հյուրեր ավելի շատ վայրեր են հայտնաբերում Airbnb-ում, մենք ուզում ենք, որ նրանք իմանան, որ եթե ինչ-որ բան այնպես չընթանա, դուք կփորձեք միասին լուծում գտնել։

    Այն հազվագյուտ դեպքերում, երբ ձեր վերահսկողությունից դուրս ինչ-որ բան տեղի ունենա, և չկարողանաք լուծել խնդիրը, Airbnb-ն կօգնի ձեզ։ Ահա թե ինչու ենք մենք ավելացնում AirCover պաշտպանությունը յուրաքանչյուր հյուրընկալողի և յուրաքանչյուր հյուրի համար։ Դրա շնորհիվ բոլորը վստահորեն կհյուրընկալեն և այցեր կամրագրեն Airbnb-ի միջոցով։

    2021 թվականի նոյեմբերին մենք ներկայացրինք Հյուրընկալողների AirCover-ը՝ ամբողջական և անվճար պաշտպանություն յուրաքանչյուր հյուրընկալողի համար, միայն Airbnb-ում։ Հյուրընկալողների AirCover-ը տրամադրում է Հյուրընկալողի պաշտպանություն գույքային վնասից 1 միլիոն ԱՄՆ դոլարի չափով և Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով։**

    Այժմ, եթե լուրջ խնդիր առաջանա հյուրի այցի ընթացքում, և դուք չկարողանաք լուծել այն, AirCover-ը տրամադրում է չորս տեսակի պաշտպանության միջոց յուրաքանչյուր հյուրի համար՝ յուրաքանչյուր այցի ընթացքում․

    1. Ամրագրման պաշտպանության երաշխիք։ Այն քիչ հավանական դեպքերում, երբ ձեզ անհրաժեշտ է չեղարկել հյուրի ամրագրումը ժամանմանը նախորդող 30 օրվա ընթացքում, մենք ձեր հյուրի համար Airbnb-ի հաշվին կգտնենք նմանատիպ կամ ավելի լավ տուն կամ կփոխհատուցենք գումարը։
    2. Ժամանման երաշխիք։ Եթե հյուրը չի կարողանում մտնել ձեր տարածք, և դուք չեք կարողանում լուծել խնդիրը, օրինակ՝ հյուրին չի հաջողվում կապ հաստատել ձեզ հետ, ապա նրա համար Airbnb-ի հաշվին կգտնենք նմանատիպ կամ ավելի լավ տուն նրա ամրագրած այցի ամսաթվերի համար կամ կփոխհատուցենք գումարը։
    3. Համապատասխանության երաշխիք։ Եթե հյուրի այցի ընթացքում որևէ պահի պարզվի, որ տարածքը չի համապատասխանում գովազդվածին, օրինակ՝ սառնարանը չի աշխատում, և դուք չեք կարող հեշտությամբ սարքել այն, կամ տանն ավելի քիչ ննջասենյակներ կան, քան նշված է հայտարարության մեջ, ապա հյուրը կարող է երեք օրվա ընթացքում հաղորդել այդ մասին, և մենք նրա համար Airbnb-ի հաշվին կգտնենք նմանատիպ կամ ավելի լավ տուն կամ կվերադարձնենք գումարը։
    4. Անվտանգության շուրջօրյա գիծ։ Եթե հյուրը երբևէ անապահով զգա իրեն, նրան կտրամադրվի անվտանգության հարցերով հատուկ պատրաստություն անցած գործակալների ծառայություններից օրվա և գիշերվա ցանկացած ժամի առաջնահերթորեն օգտվելու հնարավորություն։

      Ծանոթացեք ամբողջական մանրամասներին այն մասին, թե ինչպես է AirCover-ը պաշտպանում յուրաքանչյուր հյուրի ամրագրումը, և ինչ կիրառելի բացառություններ կան։

      Հիշեցնենք, որ AirCover-ը միշտ ներառված է և անվճար՝ ինչպես ձեզ, այնպես էլ ձեր հյուրերի համար։ Դրա գործառույթները հասանելի են նաև անմիջապես Airbnb հավելվածի և կայքի միջոցով, ինչը հյուրերին թույլ է տալիս անհրաժեշտության դեպքում կապվել ձեզ հետ կամ օգնություն ստանալ համայնքի աջակցման թիմից։

      Ինչ կարող եք անել որպես հյուրընկալող.

      • Շարունակեք արագ արձագանքել հյուրերի հարցումներին. դուք միշտ ամենալավը կարող եք ցրել հյուրերի մտահոգությունները։
      • Գտեք Հյուրերի AirCover-ի մասին հարցերի պատասխանները։
      • Եթե դա դեռ չեք արել, աչքի անցկացրեքՀյուրընկալողների AirCover-ի միջոցով ձեզ հասանելի անվճար առավելությունները։

      *Ըստ Airbnb-ի ներքին փորձարկման տվյալների՝ 14/4/2022-ի դրությամբ։

      **Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ են առաջարկում Airbnb Travel, LLC-ի միջոցով կամ հյուրընկալում են մայրցամաքային Չինաստանում և Ճապոնիայում, որտեղ գործում են Չինաստանում հյուրընկալողների պաշտպանության պլանը, Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը։ Հյուրընկալողի պաշտպանությունը գույքային վնասից առնչություն չունի Հյուրընկալողի պատասխանատվության ապահովագրության հետ։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով, և կան նաև այլ դրույթներ, պայմաններ և բացառություններ։

      Այս հոդվածում պարունակվող տեղեկությունները կարող են փոխված լինել հրապարակումից հետո։

      Առանձնահատկություններ

      Airbnb
      11 մյս, 2022 թ.
      Հոդվածն օգտակա՞ր էր։

      Միգուցե հավանեք նաև

      Միգուցե հավանեք նաև

      Ուսումնասիրեք ավելի շատ թեմաներ