Հյուրերի ուզած հարմարությունները

Հյուրերը հաճախ զտում են Airbnb-ի որոնման արդյունքները, որպեսզի գտնեն կոնկրետ առանձնահատկություններով և հարմարություններով տարածքներ։ Դուք կարող եք այնպես անել, որ ձեր հայտարարությունն աչքի կընկնի՝ ներառելով այն ամենը, ինչ առաջարկում եք։

Սրանք այն հարմարություններն են, որոնք հյուրերն առավել հաճախ են որոնում։*

1. Լողավազան

2. Wi-Fi

3. Խոհանոց

4. Անվճար կայանատեղի

5. Ջակուզի

6. Օդորակիչ կամ ջեռուցում

7. Լվացքի մեքենա կամ չորանոց

8. Ինքնուրույն ժամանում

9. Հեռուստացույց կամ մալուխային հեռարձակում

10. Բուխարի

Կարող եք հեշտությամբ հարմարություններ ավելացնել ձեր հյուրընկալման հաշվի Հայտարարությունների ներդիրում։ Պարզապես բացեք Ձեր տարածքը և Հարմարություններ, հետո հպեք պլյուս նշանին։ Ձեր տանը եղած հարմարության կողքին ընտրեք Ավելացնել։ Կարող եք նաև ստեղծել ֆոտոշրջայց և ավելացնել մանրամասներ ըստ սենյակի, այդ թվում՝ հարմարություններ, տեղեկություններ առանձնության մասին և քնելու պայմաններ։

Հյուրերն ակնկալում են, որ ձեր տարածքում կլինեն հարմարավետ այցի համար անհրաժեշտ այս հիմնական պարագաները՝

• զուգարանի թուղթ

• ձեռքի և մարմնի օճառ

• մեկ սրբիչ յուրաքանչյուր հյուրի համար

• մեկ բարձ յուրաքանչյուր հյուրի համար

• սպիտակեղեն յուրաքանչյուր հյուրի մահճակալի համար

Նախատեսեք լրացուցիչ քանակ ավելի մեծ խմբերի և ավելի երկար այցերի համար։ Կարող եք հաղորդագրություն ուղարկել ձեր հյուրերին և հարցնել, թե ինչի կարիք ունեն։

Մի քանի նախազգուշական միջոցներ ձեզ կօգնեն նվազեցնել ռիսկերը ձեր տանը։

Բոլոր հյուրընկալողներին հորդորում ենք տեղադրել ծխի և շմոլ գազի հայտնաբերիչներ այն տարածքներում, որտեղ օգտագործվում են այրող կենցաղային սարքեր։ Կարող եք նաև առաջարկել կրակմարիչ և առաջին օգնության հավաքածու։

Իմացեք ավելին ձեր տարածքը հյուրերի համար պատրաստելու մասին

Հատուկ կարիքներով հյուրերը հաճախ որոնում են այնպիսի հարմարություններ, ինչպիսիք են առանց աստիճանների մուտքը, լոգասենյակում ամրացված բռնաձողերը և հատուկ կարիքներով անձանց համար նախատեսված կայանատեղին։ Այս հարմարությունները ձեր հայտարարության մեջ ներառելը կօգնի հյուրերին որոշել՝ արդյոք ձեր տարածքը հարմար է իրենց։

Կարդացեք հատուկ կարիքներով անձանց հարմարությունների վերաբերյալ մեր ցուցումները

Հեռավար աշխատող հյուրերը ճանապարհորդելիս գնահատում են հետևյալ առանձնահատկությունները և հարմարությունները՝

• արագ և հուսալի Wi-Fi
• առանձին մուտքով անձնական աշխատանքային տարածք
• էրգոնոմիկ լրասարքեր, օրինակ՝ նոթբուքի կանգնակ
• լավ լուսավորություն
• գրասենյակային պարագաներ, այդ թվում՝ գրիչներ, թուղթ և ունիվերսալ լիցքավորիչ

Իմանալ ավելին հեռավար աշխատանքին աջակցելու մասին

Ընդունեք ավելի շատ հյուրեր երեխաների կամ տնային կենդանիների հետ՝ տրամադրելով օգտակար հարմարություններ, օրինակ՝

• բարձր մանկական աթոռ
• նորածնի ճամփորդական մահճակալ
• ճաղեր մանուկների անվտանգության համար
• կահույքի ծածկոցներ
• տնային կենդանիների սննդի և ջրի ամաններ
• սրբիչներ՝ կենդանիների թաթերը դռան մոտ սրբելու համար
• մաքրման լրացուցիչ պարագաներ

Անպայման ցուցադրեք ձեր կատարած փոփոխությունները՝ թարմացնելով հարմարությունները և հրապարակելով տարածքի նկարագրությունն ու լուսանկարները։ Ընդամենը մի քանի առավել պահանջված տարրեր ավելացնելը կարող է մեծ նշանակություն ունենալ հյուրերին ձեր տարածքում ավելի հարմարավետ զգալու հարցում և հանգեցնել հիանալի կարծիքների։