Գնանշման ռազմավարության սահմանում
Գնանշման և ազատ ամսաթվերի պարբերաբար վերանայումը կօգնի մնալ մրցունակ և հասնել ձեր եկամուտների նպատակներին։ Ահա մի քանի ձև, որոնց միջոցով կարող եք մշակել ձեր գնային ռազմավարությունը։
Վերանայեք պարբերաբար
Գների և հասանելիության կարգավորման ժամանակ կա մի քանի առաջնահերթություն, որոնց պետք է ուշադրություն դարձնել։
- Բացեք ավելի շատ գիշերներ։ Դա կմեծացնի ձեր հայտարարության տեսանելիությունը որոնման ընթացքում։ Եթե ձեր կարգավորումներն արգելափակում են ամսաթվերը, կգտնեք դրանք արգելահանելու վերաբերյալ խորհուրդներ։ Օրինակ, եթե այցի նվազագույն տևողությունը 5 գիշեր է, և ամրագրումների միջև ունեք 4 չամրագրված գիշեր, կտեսնեք խորհուրդ, թե ինչպես կրճատել ուղևորության նվազագույն տևողությունն այդ գիշերների համար։
- Թարմացրեք ձեր ազատ ամսաթվերի կարգավորումները։ Դա կօգնի հյուրընկալել ձեզ հարմար ժամանակացույցով։ Հեշտությամբ փոփոխեք ուղևորության տևողությունը, նախնական ծանուցումը, նախապատրաստման ժամանակը և այլն։
- Ստուգեք գնանշման խորհուրդները և նմանատիպ հայտարարությունները։ Այս գործիքներն օգնում են մրցունակ գին սահմանել տարբեր օրերի, տարվա եղանակների և հատուկ իրադարձությունների համար։ Եթե օգտագործում եք «Խելացի գնանշում» գործառույթը, ապա չեք տեսնի գնանշման խորհուրդները կամ նմանատիպ հայտարարություններ։
«Ես սիրում եմ նայել նմանատիպ հայտարարություններ, որպեսզի կարողանամ համեմատել իմ գները, համոզվել, որ դրանք շատ բարձր կամ ցածր չեն, և գտնել իդեալական «ոսկե միջինը»,- ասում է Քարենը՝ սուպերտանտեր Կանադայի Նելսոն քաղաքում։
Գները ճշգրտելիս նկատի ունեցեք հյուրերի կողմից վճարվող ընդհանուր գինը՝ ներառյալ ձեր ավելացրած վճարները։
Պատրաստվեք ցածր պահանջարկով ժամանակահատվածների
Նույնիսկ ամենասիրված տարածքները կարող են ունենալ հանգիստ ժամանակահատվածներ՝ ավելի քիչ ամրագրումներով։ Ահա մի քանի եղանակ, որոնց օգնությամբ ձեր հայտարարությունը կարող է աչքի ընկնել։
- Առաջարկեք զեղչեր։ Շաբաթական և ամսական զեղչերը կարող են օգնել լրացնել ձեր օրացույցը և կրճատել այցերի միջև ընկած ժամանակահատվածները։ Վերջին պահի զեղչը կարող է գրավիչ լինել այն հյուրերի համար, որոնք ամրագրում են ժամանման ամսաթվից 1-ից 28 օր առաջ։
- Կրճատեք նախնական ծանուցման ժամանակը։ Հյուրերին թույլատրեք ամրագրել ժամանմանը մոտ, ինչը կօգնի ստանալ ավելի շատ ամրագրումներ։ Ընտրեք ամրագրման և ժամանման միջև ժամանակահատված, որը կարող է լինել նույնիսկ նույն օրը՝ կախված նախապատրաստական աշխատանքների ծավալից։
- Թույլատրեք կարճաժամկետ այցեր։ Կրճատելով այցի նվազագույն տևողությունը՝ կգրավեք կարճ արձակուրդ նախընտրող հյուրերի։ Կարող եք սահմանել այցի նվազագույն տևողություն՝ ըստ ժամանման օրվա։
«Ես որոշակիորեն տեսնում եմ ավելի շատ դեպքեր, երբ այցերի տևողությունն ավելի կարճ է լինում»,- ասում է Ջիմին՝ սուպերտանտեր Կալիֆոռնիայի Փալմ Սփրինգս քաղաքում։ «Դրանք վերջին պահին ամրագրված այցեր են, որոնք մարդիկ ոչ միշտ են նախապես պլանավորում․ պարզապես մտածում են, որ կարելի է 2 օր լավ հանգստանալ։ Ճկունությունը գրավիչ է»։
Առավելագույնս օգտագործեք ակտիվ ժամանակահատվածները
Airbnb-ի մի քանի գործիքներ կօգնեն առավելագույնս շահել բարձր պահանջարկի պայմաններում։ Ահա մի քանի մարտավարական հնարքներ, որոնք կարելի է հաշվի առնել։
- Ուշադրություն դարձրեք տոներին և հատուկ իրադարձություններին։ Թարմացրեք ձեր հասանելիությունը և գները մեծ համերգներից, փառատոններից, սպորտային միջոցառումներից առաջ, որպեսզի ավելացնեք ամրագրումները և մեծացնեք եկամուտները։ Օրացույցում ներկայացված են տոները և կարևոր իրադարձությունները ձեր տարածաշրջանում։
- Ավելացրեք վաղ ամրագրման զեղչ։ Նվազեցրեք գինը 1-ից մինչև 24 ամիս առաջ կատարված ամրագրումների համար, որպեսզի գրավեք նախօրոք պլանավորող հյուրերի։
- Ընդլայնեք ձեր ազատ ամսաթվերի պատուհանը։ 3-ամսյա նվազագույն սահմանաչափը գերազանցելը նշանակում է, որ ձեր հայտարարությունը կհայտնվի որոնման ավելի շատ արդյունքներում։ Հնարավոր է օրացույցը բացել մինչև 2 տարվա կտրվածքով։
«Երբեմն ես մարդկանց թույլատրում եմ ամրագրել ամառային արձակուրդներից մեկ տարի կամ Սուրբ Ծննդյան տոներից 6 ամիս առաջ»,- ասում է Էննը՝ սուպերտանտեր Իսպանիայի Տառագոնա քաղաքում։ «Նախօրոք ամրագրելու հակված մարդիկ, որպես կանոն, չեն չեղարկում։ Դա նույնպես կարևոր է, քանի որ այդ դեպքում կիմանաք, թե ինչ սպասումներ ունենալ»։
Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։
Հյուրընկալողները վճարվել են հարցազրույցներին մասնակցելու համար։
Այս հոդվածում պարունակվող տեղեկությունները կարող են փոխված լինել հրապարակումից հետո։