Ի՞նչն է համարվում սենյակ

Սենյակները հարմար են այն հյուրերին, որոնք նախընտրում են մի փոքր առանձնանալ, բայց, այնուամենայնիվ, ցանկանում են հանդիպել նոր մարդկանց և տարածքը վայելել տեղացու պես։ Սենյակի դեպքում հյուրերը տանը կունենան իրենց առանձին ննջասենյակը, ինչպես նաև կկարողանան օգտվել այլոց հետ համօգտագործվող տարածքներից։ Օրինակ՝ հյուրերն իրենց սենյակ հասնելու համար կարող են անցնել ներքին տարածքներով, որոնցից օգտվում է մեկ այլ անձ։

Ի՞նչ է պահանջվում, որպեսզի տարածքը ներկայացվի որպես սենյակ

Հայտարարությունը պետք է համապատասխանի հետևյալ պահանջներին, որպեսզի տարածքը հյուրերին որպես սենյակ ցուցադրվի Airbnb-ում, օրինակ՝ որոնման արդյունքներում, «Սենյակներ» կատեգորիայում, ձեր հայտարարության էջում և այլ տեղերում․

• Առաջարկվող տարածքը դռնով ննջասենյակ է, որը նախատեսված է այցի ընթացքում բացառապես հյուրի կողմից օգտագործման համար
• Հյուրը մուտք ունի դեպի հետևյալ ընդհանուր տարածքներից առնվազն մեկը կամ մի քանիսը՝ լոգասենյակ, խոհանոց կամ հյուրասենյակ
• Քանի որ հյուրերին առաջարկվում է տան համատեղ օգտագործում, կարևոր է, որ նրանք իմանան, թե ով է հյուրընկալողը, ուստի նա պետք է ներկայանա իր իսկական անունով։ Չի թույլատրվում ներկայանալ ձեռնարկության անվանումով, կեղծանուններով և այլ անուններով
• Բազմաբնակարան շենքերում առանձին սենյակները, կոնդոմինիումները, թաունհաուսները և բնակարանները կարող են համարվել առանձին սենյակներ, եթե բավարարեն վերը թվարկված պահանջները

Ո՞ր տարածքները չեն համարվում սենյակ

• Լոֆթը, սենյակը կամ այլ տարածք, որը չունի տան մյուս տարածքներից առանձնացնող դուռ
• Համօգտագործվող սենյակը, որտեղ հնարավոր է, որ հյուրի ննջասենյակից օգտվեն նաև ուրիշները
• Վրանը, ավտոտունը, airstream-ը, ավտոբուսը, ավտոմեքենան կամ բնակելի ավտոֆուրգոնը
• Հյուրանոցը, բուտիկ-հյուրանոցը, ապարտ-հոթելը, պանսիոնատը, հոսթելը, համատեղ բնակարանը, սպասարկվող բնակարանը, հյուրատունը, տնակը բնության գրկում, առողջարանը կամ հանգստավայրը
• B&B-ն կարող է ցուցադրվել կամ չցուցադրվել որպես առանձին սենյակ։ Օրինակ՝ այն չի համարվի այդպիսին, եթե նման լինի բուտիկ-հյուրանոցի կամ հոսթելի կամ չհամապատասխանի վերը նկարագրված պահանջներին։
• Բնակարանի առանձնացված հատվածները կամ հյուրատները, որոնք ունեն ընդհանուր բակ, բայց մնացած առումներով ինքնաբավ տարածքներ են

Եթե ձեր հայտարարությունը չի հայտնվում սենյակների որոնման արդյունքներում

Եթե նշեք, որ ձեր տարածքը սենյակ է, սակայն այն չբավարարի վերը նշված պահանջները, ապա հնարավոր է, որ ձեր հայտարարությունը որոնման արդյունքներում կամ այլ կերպ չցուցադրվի որպես սենյակի հայտարարություն «Սենյակներ» կատեգորիայում։ Փոխարենը՝ ձեր տարածքը կարող է նկարագրվել որպես մնալու տեղ և հայտնվել ցանկացած տեսակի տարածքի որոնման արդյունքներում։

Եթե վերը նշված պահանջներին համապատասխան փոփոխություններ կատարեք հայտարարության մեջ, մենք դրանք կստուգենք և կորոշենք՝ արդյոք տարածքը պետք է հավանական հյուրերին ներկայացվի որպես սենյակ։

Եթե ձեր տարածքը չի բավարարում վերը նշված պահանջները, կարող եք փոփոխել տարածքի և (կամ) սեփականության տեսակը՝ տարածքների նկարագրություններից ընտրելով ձեր տարածքին համապատասխանող տարբերակը։ Եթե հյուրընկալում եք ձեր տանը կից տարածքում, բայց չեք համապատասխանում վերը նշված պահանջներին, խորհուրդ ենք տալիս հայտարարությունը խմբագրել Սեփականության տեսակը բաժնում, եթե օգտագործում եք սեղանադիր համակարգիչ, կամ, շարժական սարքի դեպքում, Սեփականություն և հյուրեր բաժնում։ Օրինակ՝ կարող եք ընտրել Երկրորդական հարկաբաժին՝ որպես ձեր տարածքը լավագույնս բնութագրող, իսկ որպես սեփականության տեսակ ընտրել Հյուրերի առանձնաբաժին։