Տրոհված այցերի ամրագրում

Տրոհված այցերը թույլ են տալիս երկարատև այցերը տրոհել 2 տարբեր տարածքների միջև։ Յուրաքանչյուր տրոհված այց զուգակցում է 2 հաջորդական այց ձեր ամսաթվերի ժամանակային միջակայքում՝ թույլ տալով ուղևորության ընթացքում ուսումնասիրել տարբեր տարածքներ, թաղամասեր կամ նույնիսկ տարբեր ուղղություններ։

Որտեղ են ցուցադրվում տրոհված այցերը

Երբ որոնում եք մեկ շաբաթ կամ ավելի տևողությամբ այցեր, տրոհված այցերն ավտոմատ հայտնվում են որոնման արդյունքների վերջում՝ Բոլոր տարածքները կատեգորիայում, եթե կան որոնման չափանիշներին համապատասխանող 300-ից քիչ հայտարարություններ։ Պարզապես անցեք ներքև, որպեսզի տեսնեք մի շարք տարբերակներ և կարողանաք ուղևորությունը տրոհել միմյանց համեմատաբար մոտ գտնվող 2 տարածքների միջև։

Կարող եք տրոհված այցի համար տներ գտնել նաև 14 տարբեր կատեգորիաներ դիտարկելիս, այդ թվում՝ «Քեմփինգներ», «Դիզայներական տներ», «Ազգային պարկեր», «Դահուկավազք», «Սերֆինգ», «Արևադարձային» և այլն։ Այսպիսի զուգակցումների շնորհիվ կարող եք նմանատիպ սեփականություններ կամ նմանատիպ միջոցառումներ վայելել 2 տարբեր վայրերում։

Ինչպես են աշխատում տրոհված այցերը

Տրոհված այցերը կներկայացնեն ձեր ուղևորությունը 2 առանձին տարածքներում անցկացնելու տարբերակներ (օրինակ՝ մեկ շաբաթ առաջին տարածքում և հաջորդ շաբաթը՝ երկրորդում)։ Ահա որոշ բաներ, որոնք պետք է իմանալ․

• Տրոհված այցերը կցուցադրվեն որոնման արդյունքներում՝ ըստ ձեր մուտքագրած ամսաթվերի։ Տների զույգի ընտրության գործընթացն ամբողջովին ավտոմատ է։
• Տրոհված այցերը սահմանափակված են 2 հաջորդական այցերի զուգակցմամբ։ Առաջին այցի մեկնման ամսաթիվը կհամընկնի երկրորդ այցի ժամանման ամսաթվին։
• Տրոհված այցերում կցուցադրվեն միայն այն հայտարարությունները, որոնք համապատասխանում են զտիչների միջոցով նշված ձեր չափանիշներին (գին, ննջասենյակների քանակ, հարմարություններ և այլն)։
• Տրոհված այցերի տները քարտեզի վրա նշվում են եզակի պատկերակով և 2 տարածքներն իրար միացնող անիմացիոն աղեղով։ Այդպես կկարողանաք տեսնել, թե որտեղ են գտնվում երկու տարածքները, և իմանալ, թե այդ 2-ից որում է լինելու ձեր առաջին այցը։

Ինչպես ամրագրել տրոհված այց

Ինչպես ամրագրել միայն մեկ տարածք

Եթե ուզում եք այցի համար ամրագրել միայն մեկ տարածք, կարող եք ավարտել վճարման գործընթացը տարածքներից մեկի համար, այնուհետև դուրս գալ մյուսի համար վճարման գործընթացից։ Առաջին տարածքն ամրագրված կմնա ձեր հաշվում։ Այնուհետև կարող եք այլընտրանքային տարածքներ որոնել մնացած ամսաթվերի համար։

Տրոհված այցերը թույլ չեն տալիս ամսաթվերի փոփոխություն կատարել վճարման ընթացքում։ Եթե ցանկանում եք փոփոխել ամսաթվերը, կարող եք բացել այդ տարածքի հայտարարությունն առանձին, կարգավորել ամսաթվերը և ամրագրել առանձին, ինչպես սովորաբար անում եք։ Դուք կհեռացվեք տրոհված այցի տարբերակից։

Տրոհված այց ամրագրելուց հետո

• Տրոհված այցի դեպքում յուրաքանչյուր տարածք ամրագրվում է առանձին և ցուցադրվում է որպես 2 հաջորդական ուղևորություն ձեր «Ուղևորություններ» ներդիրում։
• Մտափոխվելու դեպքում կարող եք չեղարկել ամրագրումներից մեկը կամ երկուսը, սակայն կկիրառվեն յուրաքանչյուր տարածքի համար սահմանված չեղարկման կանոնները։
• Տրոհված այցի յուրաքանչյուր տարածք պատկանում է առանձին հյուրընկալողի, և դուք պետք է տրոհված այցի յուրաքանչյուր տարածքի համար առանձին հաղորդակցվեք յուրաքանչյուր հյուրընկալողի հետ։