Airbnb շահակտրոնի օգտագործման պայմաններ

Հետևյալ Պայմանները և դրույթներն են կիրառվում Airbnb հարթակում շահակտրոններ («Airbnb շահակտրոններ») օգտագործելու համար։ Շահակտրոնի հետ միասին նաև այլ լրացուցիչ պայմաններ են գործում Airbnb շահակտրոնների օգտագործման համար։ Airbnb շահակտրոնները մեկանգամյա օգտագործման են և գումարի վերադարձ չեն նախատեսում։ Շահակտրոնները չեն փոխանակվում կանխիկի, նվեր քարտերի հետ, չեն կիրառվում նախորդ գնումների նկատմամբ և չեն կարող փոխանցվել կամ համատեղվել մեկ այլ առաջարկի, շահակտրոնի կամ զեղչի հետ։ Խարդախության, կեղծիքի, մեր Ծառայությունների մատուցման պայմանների, Վճարային ծառայությունների մատուցման պայմանների խախտման կամ տեխնիկական սխալների մասին կասկածների դեպքում Airbnb-ն իրեն իրավունք է վերապահում կիրառելու իրավիճակի շտկման ցանկացած միջոց, այդ թվում՝ այս շահակտրոնի չեղարկումը։ Վերաամրագրման համար տրվող հատուկ շահակտրոնների վերաբերյալ լրացուցիչ պայմաններին ծանոթացեք ստորև։

Վերաամրագրման շահակտրոններ

Երբ հյուրընկալողը անսպասելիորեն չեղարկում է ձեր ամրագրումը, կամ մեկ այլ ճամփորդական խնդիր խափանում է այցը, Airbnb-ն կարող է AirCover-ի շրջանակներում ձեզ տրամադրել վերաամրագրման շահակտրոն։ Շահակտրոնը վավեր է միայն այն այցի համար, որի ժամանման ամսաթիվը շահակտրոնի թողարկման ամսաթվից հետո մեկ տարվա ընթացքում է։

Վերաամրագրման շահակտրոնների գործողության ժամկետը լրանում է թողարկումից 30 օր հետո։ Լրացուցիչ տեղեկություններ տրված են Airbnb-ի հաղորդագրության մեջ, որտեղ նշված է շահակտրոնի վավերականության ժամկետը։ Վերաամրագրման շահակտրոնները կարող են օգտագործվել միայն այն այցի ամրագրման համար, որի արժեքը (ներառյալ հարկերը կամ վճարները) հավասար է վերաամրագրման շահակտրոնի արժեքին կամ ավելի մեծ է։