Սահմանափակումներով բովանդակություն
Հաշվի առնելով մեր համայնքի բոլոր անդամների կարծիքը՝ մենք սահմանափակում ենք որոշակի առցանց բովանդակություն։ Սա վերաբերում է տների ու փորձառությունների նկարագրություններին և պատկերներին։ Այս էջում ներկայացված է Airbnb համայնքի կանոնների ընդհանուր ուղեցույց, որն ընդգրկում է ոչ բոլոր հնարավոր իրավիճակները։
Airbnb-ում բովանդակություն հրապարակելով՝ դուք ընդունում եք Airbnb-ի՝ բովանդակության նկատմամբ կիրառվող քաղաքականությունը։
Նշում
Մենք իրավունք ենք վերապահում ամբողջությամբ կամ մասամբ հեռացնելու ցանկացած բովանդակություն, որը խախտում է Airbnb-ի՝ բովանդակության նկատմամբ կիրառվող քաղաքականությունը։ Կրկնվող կամ կոպիտ խախտումների դեպքում կարող ենք նաև սահմանափակել, կասեցնել կամ հեռացնել համապատասխան Airbnb հաշիվը։
Ինչ ենք թույլ տալիս
Մերկության տեսարաններ պարունակող կամ սեռական բնույթի բովանդակություն տարածքում, եթե այդ մասին նախապես զգուշացվում է։ Մենք թույլատրում ենք մերկ մարմին պատկերող որոշակի գործեր, սեռական բնույթի բովանդակություն կամ սեռական թեմաներով առարկաներ, եթե այցը կամ փորձառությունը հասանելի չէ 18 տարեկանից ցածր տարիքի անձանց, և եթե դրանց առկայության մասին նշված է տարածքի նկարագրության մեջ։
Հյուրերը չպետք է Airbnb-ի միջոցով ամրագրված այցի ժամանակ անակնկալի գան կամ անհարմար զգան չափահասների համար նախատեսված անսպասելի բովանդակությունից։ Մեր Ռեսուրս կենտրոնում խորհուրդներ կգտնեք գրավիչ հայտարարության էջ ստեղծելու վերաբերյալ։
Ինչը թույլ չենք տալիս
- Կանոններ խախտող բովանդակություն։ Ցանկացած բովանդակություն, որը խախտում է Airbnb-ի՝ բովանդակության նկատմամբ կիրառվող քաղաքականությունը կամ Հեղինակային իրավունքի քաղաքականությունը։
- Բռնություն կամ դաժանություն ներկայացնող բովանդակություն տարածքում։ Հյուրընկալողները հյուրերի հետ համօգտագործվող տարածքներում չպետք է ցուցադրեն ֆիզիկական վնաս պատճառելու պատկերներ, եթե դրանք չունեն պատմական կամ մշակութային նշանակություն։ Նման բովանդակության ցուցադրման համար անհրաժեշտ է գրավոր բացատրություն տալ տարածքի նկարագրության մեջ։
- Բռնության և դաժանության պատկերների առկայություն տարածքի նկարագրության մեջ։ Հյուրընկալողները տարածքի նկարագրության մեջ չպետք է ներառեն ֆիզիկական վնաս պատճառելու պատկերներ։
- Բացահայտ սեռական բնույթի բովանդակություն Airbnb-ում։ Բացահայտ սեռական բնույթի պատկերներ (լուսանկարներ կամ տեսանյութեր) չեն թույլատրվում Airbnb-ում։ Այնուամենայնիվ, սեռական ենթատեքստով որոշ պատկերներ և բացահայտ սեռական բնույթ կրող, անպարկեշտ մտքեր առաջացնող կամ մերկություն պատկերող արվեստի գործեր՝ լուսանկարից կամ տեսանյութից բացի այլ միջոցներով արտահայտված (օրինակ՝ նկարներ, քանդակներ և այլն), թույլատրվում են Airbnb-ում, եթե դրանք օգտագործվում են տարածքում կամ փորձառությունում հայտնաբերված սեռական թեմաներով տարրեր բացահայտելու նպատակով։
- Սեռական բնույթի արտահայտություններ։ Հյուրընկալողներին արգելվում է օգտագործել այնպիսի բանավոր կամ գրավոր արտահայտություններ, որոնց նպատակը սեռական գրգռում առաջացնելն է, կամ որոնք նկարագրում են սեռական գործողություններ կամ պարունակում են այդպիսի գործողությունների հղումներ։
Օգնությո՞ւն է հարկավոր
Եթե ականատես եք լինում կամ առնչվում եք այնպիսի վարքի, որը հակասում է մեր կանոններին, հայտնեք մեզ այդ մասին։
Առնչվող հոդվածներ
- Հյուրընկալող
Կա՞ն սահմանափակումներ որպես մնալու տեղ հրապարակվող տարածքների վերաբերյալ
Airbnb-ն ողջունում է մեր կայքում բազմազան հայտարարությունների հրապարակումը, եթե դրանք համապատասխանում են մեր չափանիշներին։ - Հյուր
Ինչպես գրել տեղին և անաչառ կարծիքներ
Մենք ուզում ենք ձեզ հավաստիացնել, որ Airbnb-ում ձեր կարդացած կարծիքները ճշգրիտ են և արտաքին ազդեցություններից զերծ։ Կարծիքներն օգտակար են, մ… Ինչպես են գործում կարծիքները
Կարծիքները հետադարձ կապ տրամադրելու հիանալի միջոց են հյուրընկալողների և հյուրերի համար։ Այստեղ տեղեկություններ ունենք, թե ինչպես և ինչով կար…