COVID-19-ի պատճառով չեղարկման տարբերակներ

2020 թ. մարտի 14-ին կամ ավելի շուտ կատարված ամրագրումներ

Եթե ամրագրումը կատարվել է 2020 թ. մարտի 14-ին կամ ավելի շուտ, և COVID-19-ն ազդում է ձեր ճամփորդական ծրագրերի վրա, դուք կարող եք պարզել, թե չեղարկման և գումարի վերադարձման ինչ տարբերակներ կան՝ բացելով չեղարկել ամրագրումը և ընտրելով Իմ ճամփորդական ծրագրերը փոխվել են COVID-19-ի համավարակի պատճառով։

Ձեր հանգամանքներից կախված՝ կտեսնեք հետևյալ տարբերակներից մեկը կամ մի քանիսը.

• Գումարի վերադարձ՝ ըստ հյուրընկալողի չեղարկման կանոնների
• Ամբողջ գումարի վերադարձ՝ ուսումնասիրման համար պաշտոնական փաստաթղթեր ներկայացնելուց հետո
• Ճամփորդական բոնուս հարգելի պատճառների դեպքում
• Հյուրընկալողին խնդրել վերադարձնել ամբողջ գումարը

2020 թ. մարտի 14-ից հետո և 2022 թ. մայիսի 31-ից առաջ կատարված ամրագրումներ

Եթե ամրագրումը կատարվել է 2020 թ. մարտի 14-ից հետո և 2022 թ. մայիսի 31-ից առաջ, և COVID-19-ն ազդում է ձեր ճամփորդական ծրագրերի վրա, կգործեն հյուրընկալողի չեղարկման կանոնները։ Սակայն, եթե հիվանդ եք COVID-19-ով, ամրագրման համար գործում է մեր Հարգելի պատճառների կիրառման քաղաքականությունը։

Եթե ձեր ամրագրումը չի համապատասխանում ամբողջ գումարի վերադարձման պահանջներին, միշտ կարող եք հաղորդագրություն ուղարկել հյուրընկալողին՝ պարզելու, թե արդյոք նա պատրաստ է Խնդիրների լուծման կենտրոնի միջոցով լրացուցիչ գումար վերադարձնելու ձեզ։

2022 թ․ մայիսի 31-ին կամ դրանից հետո կատարված ամրագրումներ

Եթե ամրագրումը կատարվել է 2022 թ․ մայիսի 31-ին կամ դրանից հետո, և COVID-19-ն ազդում է ձեր ճամփորդական ծրագրերի վրա, կգործեն հյուրընկալողի չեղարկման կանոնները։ Հարգելի պատճառների կիրառման քաղաքականությունը չի ընդգրկում այս ամրագրումների՝ COVID-19-ով պայմանավորված չեղարկումները՝ բացառությամբ Հարավային Կորեայում կատարված տեղական ամրագրումների, որտեղ հյուրը կամ հյուրընկալողը հիվանդ է COVID-19-ով։

Այլ նկատառումներ

Վերը նշված տեղեկությունները չեն տարածվում Luxe ամրագրումների վրա, որոնք կարգավորվում են առանձին՝ Luxe-ի վերաամրագրման և գումարի վերադարձի քաղաքականությամբ։ Luxe ամրագրումների համար, որոնք արվել են մինչև 2020 թ. մարտի 20-ը, ծանոթացեք Airbnb Luxe-ի՝ COVID-19-ին ի պատասխան ձեռնարկած գործողություններին և ցանկացած հարցով դիմեք ուղղակիորեն ձեր ուղևորությունների կազմակերպչին։