Անցեք առաջ՝ առաջարկվող արդյունքներին ծանոթանալու համար

    Անվտանգության վերաբերյալ ի՞նչ խորհուրդներ կան տանտերերի համար

    Հյուր ընդունելը որոշակի պատասխանատվություն է ենթադրում։ Ահա որոշ խորհուրդներ, որոնք կօգնեն ձեզ հյուրընկալման ընթացքում։

    Շփվեք խելամտորեն

    Միշտ վճարեք և հաղորդակցվեք Airbnb-ի միջոցով։ Ձեր հյուրերի հետ ծանոթանալու և ուղևորության կամ ձեր տարածքի վերաբերյալ սպասելիքների մասին զրուցելու համար օգտվեք Airbnb-ի հաղորդագրման համակարգից։

    Ծանոթացեք պոտենցիալ հյուրերի պրոֆիլներին ու նրանց մասին կարծիքներին և հետևեք, որ հեռախոսահամարները հաստատված լինեն, հաշիվները՝ սոցիալական ցանցերին կապված, և որ հյուրերը երաշխավորագրեր ունենան։ Եթե պոտենցիալ հյուրերի պրոֆիլները հաստատված չեն, կարող եք նրանց խնդրել որոշ տվյալներ լրացնել։

    Վստահեք ձեր ներքին զգացողությանը. եթե ամրագրման հետ կապված կասկածներ ունեք, մի ընդունեք այն։

    Լրացրեք ձեր տան կանոնները և ուղեցույցը

    Տան կանոնները և տան ուղեցույցը հյուրերին օգնում են ճիշտ ակնկալիքներ ձևավորել։ Ներառեք այն ամենը, ինչ մարդիկ պետք է իմանան նախքան ամրագրելը, օրինակ՝ Wi-Fi-ի գաղտնաբառը, ծխելը թույլատրվում է (և որտեղ), թե ոչ, արդյոք կան տարածքներ, որտեղ մուտքը արգելված է, կամ ներս մտնելիս կոշիկները պետք է հանել, թե ոչ։

    Եթե ձեր տարածաշրջանը տուժել է աղետից, և ցանկանում եք օգնել ապաստանի կարիք ունեցող մարդկանց, կարող եքանվճար տրամադրել ձեր տարածքը։

    Անպայման ապահովագրվեք

    Airbnb-ի Հյուրընկալողի պաշտպանության ապահովագրություն ծրագրի շրջանակներում մինչև 1 000 000 ԱՄՆ դոլարի չափով առաջնային օգնության գումար է տրամադրվում Airbnb այցի ընթացքում մարմնական վնասվածքների կամ գույքային վնասների պարագայում՝ երրորդ կողմի պահանջի դեպքում։

    Հավելյալ պաշտպանության համար կարող եք նաև խոսել ձեր ապահովագրական գործակալի հետ՝ վարձակալի կամ սեփականատիրոջ ապահովագրություն ձևակերպելու համար։

    Պահանջներ սահմանեք ձեր հայտարարության համար

    Դուք կարող եք հյուրերից պահանջել որոշակի հաստատումներ անցնել նախքան ամրագրելը, օրինակ՝ ունենալ հաստատված պրոֆիլ։

    Ձեր հայտարարությանը երաշխիքային ավանդ ավելացնելով՝ կարող եք նաև պաշտպանված լինել անախորժություններից, օրինակ՝ գորգին գինի թափվելու դեպքում։

    Կարդացեք Airbnb-ի՝ պատասխանատու հյուրընկալման վերաբերյալ հոդվածները

    Հյուրընկալողներին հորդորում ենք լրջորեն վերաբերվել իրենց պարտականություններին։ Հյուրընկալումը հարուստ փորձառություն է առաջարկում, բայց այն ենթադրում է նաև հանձնառության որոշակի մակարդակ։ Պատասխանատու հյուրընկալման մասին հոդվածները կօգնեն հասկանալ, թե ինչ է պահանջվում ձեր տարածաշրջանում հյուրընկալելու համար։

    Հիշեք. արտակարգ իրավիճակում կամ ձեր անձնական անվտանգությանը սպառնացող վտանգի դեպքում անմիջապես դիմեք տեղական ոստիկանության կամ շտապ օգնության ծառայություն։

    Ստացա՞ք ձեզ անհրաժեշտ օգնությունը։

    Առնչվող հոդվածներ