Առաջարկները կցուցադրվեն որոնման հարցումը մուտքագրելուց հետո։ Առաջարկներին ծանոթանալու համար օգտագործեք վեր և վար սլաքները։ Ընտրելու համար սեղմեք Enter։ Եթե ընտրել եք բառակապակցություն, ապա որոնման կներկայացվի այդ բառակապակցությունը։ Եթե առաջարկը հղում է, դիտարկիչում կբացվի այդ էջը։
Ինչպես

Տարածք ընտրելիս անվտանգության վերաբերյալ խորհուրդներ

Մեկնել ուղևորության նշանակում է ժամանակ և փող ծախսել։ Ուստի ցանկանում եք վստահ լինել, որ կգտնեք կատարելապես հարմար վայր։ Ահա որոշ խորհուրդներ, որոնք կօգնեն վստահ ճանապարհորդել՝ իմանալով, որ ճիշտ որոշում եք կայացրել։

Գտեք ձեզ համար հարմար տարածք

Նախ՝ գտեք ձեր կարիքներին համապատասխան տարածք մեր զանազան որոնման զտիչների միջոցով։ Երբ գտնեք տարածք, որն իսկապես դուր է գալիս ձեզ, ժամանակ հատկացրեք և ծանոթացեք հյուրընկալողի պրոֆիլին ու տարածքի նկարագրությանը՝ հատուկ ուշադրություն դարձնելով հարմարություններին, տան կանոններին և չեղարկման կանոններին։

Ծանոթացեք գնահատականներին և կարծիքներին

Մենք միշտ խորհուրդ ենք տալիս կարդալ այլ հյուրերի կարծիքները․ դա հարմար տարբերակ գտնելու շատ լավ միջոց է։ Դուք կգտնեք տան մաքրության, նկարագրության ճշգրտության և այլ ենթակատեգորիաների վերաբերյալ գնահատականներ, ինչպես նաև՝ նախորդ հյուրերի կարծիքները։ Հյուրերը կարող են կարծիք թողնել միայն ուղևորության ավարտից հետո, ուստի կարող եք վստահ լինել, որ կարծիքում ներկայացված մեկնաբանությունները գրել են այդտեղ փաստացի մնացած մարդիկ։

Լրացուցիչ տեղեկությունների կարի՞ք ունեք։ Իմացեք, թե ինչ սկզբունքով են գործում այցերի մասին կարծիքները։

Ստուգեք անվտանգության ապահովման միջոցների առկայությունը

Խորհուրդ ենք տալիս ստուգել տարածքում ծխորոշիչների և շմոլ գազի հայտնաբերիչների առկայությունը․ դրանք կարող եք գտնել «Տան անվտանգություն» բաժնում՝ հարմարությունների ցուցակում։

Ծխորոշիչների և շմոլ գազի հայտնաբերիչների մասին լրացուցիչ տեղեկություններ ստացեք մեր Օգնության կենտրոնում։

Ստացեք պատասխաններ հյուրընկալողից

Հաղորդագրման մեր ապահով գործիքից օգտվելով՝ կարող եք նախքան ամրագրելն անվտանգ կերպով ու հեշտությամբ հարցեր ուղղել պոտենցիալ հյուրընկալողին։ Ամրագրումից հետո նույնպես կարող եք նրան հաղորդագրություններ ուղարկել ժամանման կազմակերպման վերաբերյալ, տալ լրացուցիչ հարցեր և կապ պահպանել ամբողջ ուղևորության ընթացքում։ Իմացեք ավելին հյուրընկալողների հետ կապ հաստատելու մասին։

Միշտ հաղորդակցվեք և վճարեք Airbnb-ի միջոցով

Պաշտպանեք ձեզ, ձեր վճարումներն ու անձնական տվյալները՝ շփվելու, ամրագրելու և վճարելու համար օգտվելով մեր ապահով հարթակից։ Ոչ ոք իրավունք չունի ձեզ խնդրելու դրամական փոխանցում անել, տրամադրել վարկային քարտի տվյալներ կամ հյուրընկալողին վճարել մեր հարթակից դուրս որևէ այլ կերպ։ Եթե այդպիսի դեպք լինի, խնդրում ենք անհապաղ հայտնել մեզ այդ մասին։

Ստուգեք անվտանգության միջոցները

Խորհուրդ ենք տալիս ժամանելուն պես գտնել անվտանգության պահպանման վերաբերյալ կանոնները և արտակարգ իրավիճակների համար նախատեսված համապատասխան սարքավորումները, օրինակ՝ կրակմարիչը կամ առաջին օգնության դեղարկղը։ Եթե չգիտեք՝ որտեղ ինչ կա, անկաշկանդորեն հարցրեք հյուրընկալողին։ Միշտ պետք է պատրաստ լինել ամեն ինչի։

Ուսումնասիրեք ճանապարհորդությունների մասին տեղական ծանուցումները և նախազգուշացումները

Անկախ այն բանից՝ Airbnb-ի միջոցով եք ճանապարհորդում, թե ոչ, միշտ կարևոր է նախապես ուսումնասիրել այն վայրը, ուր պատրաստվում եք այցելել, և ձեր դեսպանատնից տեղեկանալ ճանապարհորդական նախազգուշացումների կամ հատուկ պահանջների մասին։ Օրինակ՝ ԱՄՆ-ից մեկնող ճանապարհորդները պետք է ԱՄՆ Պետական դեպարտամենտից ճշտեն վիզայի մասին տեղեկությունները և ճանապարհորդական նախազգուշացումները։ Իմացեք ավելին «Հյուրընկալողների և հյուրերի անվտանգություն» էջում։

Մենք ձեզ կօգնենք

Արտակարգ իրավիճակի դեպքում օգնություն ստանալու համար դիմեք արտակարգ իրավիճակների տեղական ծառայություններին կամ իրավապահ մարմիններին։

Անվտանգությանն առնչվող այլ խնդիրների դեպքում մենք շուրջօրյա հասանելի ենք։ Օգնության կենտրոնում իմացեք ավելին, թե ինչպեսկապվել մեզ հետ։

Հիշեք. արտակարգ իրավիճակում կամ ձեր անձնական անվտանգությանը սպառնացող վտանգի դեպքում անմիջապես դիմեք տեղական ոստիկանության կամ շտապ օգնության ծառայություններ։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում