Օգտակար խորհուրդներ գերազանց ուղևորության համար

Հարգալից եղեք հարևանների նկատմամբ։ Լավ հյուր լինելը սկսվում է հյուրընկալողի տան և շրջակա համայնքի նկատմամբ հարգանք ցուցաբերելուց։ Airbnb-ն խնդրում է, որ հետևեք մի քանի պարզ կանոնի․ հյուրընկալողի տարածքին վերաբերվեք սեփականի պես, հետևեք տան բոլոր կանոններին և խնդիր առաջանալու դեպքում անհապաղ տեղեկացրեք նրան։

Նախքան ձեր այցը ուսումնասիրեք հյուրընկալողի տարածքի նկարագրությունը և տան կանոնները, որպեսզի իմանաք հանգստի ժամերի, կայանատեղիի և տեղական առանձնահատկությունների մասին։ Ձեր այցի ընթացքում հաշվի առեք աղմուկի մակարդակը, հարգեք արգելված տարածքներն ու հետևեք ծխելու և արգելված իրերի վերաբերյալ բոլոր կանոններին։ Անպայման ստուգեք՝ արդյոք այցելուներ թույլատրվում են։

Հիշեցնենք, որ Airbnb-ն ունի երեկույթների արգելման խիստ քաղաքականություն։ Անհանգստություն պատճառող հավաքույթները և առանց հրավերի միջոցառումները երբեք չեն թույլատրվում, և հյուրընկալողները չեն կարող բացառություններ անել։ Այս քաղաքականությունը խախտող հյուրերը և հյուրընկալողները կարող են ենթարկվել պատասխանատվության, այդ թվում՝ հեռացվել Airbnb-ից։

Եթե այցի ընթացքում որևէ բան պատահի, հյուրընկալողին ուղղակիորեն դիմելը հաճախ խնդիրը լուծելու ամենաարագ տարբերակն է։ Օգտագործեք Airbnb-ի հաղորդագրման գործիքը, որպեսզի հյուրընկալողի հետ կապ հաստատեք այցից առաջ, հետո կամ այցի ընթացքում՝ հարցեր տալու, մանրամասներով կիսվելու կամ ցանկացած խնդիր լուծելու համար։

Արտակարգ իրավիճակի դեպքում, կամ եթե ձեզ անմիջական վտանգ է սպառնում, զանգահարեք 911՝ ոստիկանությունից, հրշեջ ծառայությունից կամ շտապ բժշկական օգնության ծառայություններից օգնություն խնդրելու համար։ Կարող եք նաև դիմել Ազգային ոստիկանությանը 088 հեռախոսահամարով՝ հաղորդելու առևանգման կամ շորթման կասկածի մասին, և Անանուն հաղորդումների գծին 089 հեռախոսահամարով՝ հաղորդելու հանցագործության կասկածի մասին։

Մրցաշարի ընթացքում տեղական իշխանությունները կաշխատեն կանխել հանցավոր գործունեությունը, այդ թվում՝ մարդկանց շահագործումը և թրաֆիքինգը։ Եթե ականատես կամ մասնակից եք այնպիսի իրավիճակի, որը, ձեր կարծիքով, կարող է մարդկանց թրաֆիքինգ լինել, զանգահարեք Մարդկանց թրաֆիքինգի դեմ պայքարի ազգային թեժ գիծ՝ +52 55 8005 533000 հեռախոսահամարով, «BeFree» տեքստով SMS ուղարկեք 233733 համարին կամ զրուցեք humantraffickinghotline.org/chat կայքի միջոցով։ Բացի այդ, խնդրում ենք այդ իրավիճակի մասին հաղորդել Airbnb-ին։

Հյուրերը կարող են այցելել անվտանգության վերաբերյալ խորհուրդների այս կայքը, որը Airbnb հյուրերի համար ստեղծել են Observatorio Nacional Ciudadano կազմակերպությունը և Միավորված ազգերի կազմակերպության Թմրամիջոցների և հանցավորության դեմ պայքարի գրասենյակը։ Անվտանգության վերաբերյալ ավելի շատ խորհուրդներ, ուղեցույցներ և հաճախ տրվող հարցերի պատասխաններ գտեք Airbnb-ի Օգնության կենտրոնում։

Եթե ուղևորվում եք նաև Կանադա կամ Միացյալ Նահանգներ, անվտանգության և տեղական ցուցումների համար աչքի անցկացրեք Կանադայի ուղեցույցը կամ ԱՄՆ ուղեցույցը։ Բոլոր հյուրընկալող քաղաքների վերաբերյալ լրացուցիչ տեղական ռեսուրսների համար ծանոթացեք Սպորտի և մարդու իրավունքների կենտրոնի՝ երկրպագուների և համայնքների համար նախատեսված ուղեցույցին։

Ձեր ուղևորության համար վերցրեք բազմակի օգտագործման պայուսակ։ Եթե ներկա եք լինելու որևէ մրցախաղի, ծանոթացեք մարզադաշտի ցուցումներին, որպեսզի իմանաք, թե ինչ կարող եք բերել։ Օրինակ՝ մասնակից բոլոր մարզադաշտերում պահպանվում է թափանցիկ պայուսակների կանոնը։

Հնարավորինս նվազեցրեք թափոնները և պատշաճ կերպով թափեք դրանք՝ օգտագործելով վերամշակման և կոմպոստացման աղբամաններ, եթե դրանք առկա են։ Միշտ մաքրեք տարածքը ձեր հետևից։

Խելամտորեն օգտագործեք ջուրը և էներգիան։ Կացարանից դուրս գալիս անջատեք լույսերը և հոսանքից անջատեք այն սարքերը, որոնք չեք օգտագործում, այդ թվում՝ օդորակիչները։

Հնարավորության դեպքում տեղաշարժվեք ոտքով, հեծանվով կամ հանրային տրանսպորտով։