Օգտակար խորհուրդներ գերազանց ուղևորության համար

Հարգալից եղեք հարևանների նկատմամբ։ Լավ հյուր լինելը սկսվում է հյուրընկալողի տան և շրջակա համայնքի նկատմամբ հարգանք ցուցաբերելուց։ Airbnb-ն խնդրում է, որ հետևեք մի քանի պարզ կանոնի․ հյուրընկալողի տարածքին վերաբերվեք սեփականի պես, հետևեք տան բոլոր կանոններին և խնդիր առաջանալու դեպքում անհապաղ տեղեկացրեք նրան։

Նախքան ձեր այցը ուսումնասիրեք հյուրընկալողի տարածքի նկարագրությունը և տան կանոնները, որպեսզի իմանաք հանգստի ժամերի, կայանատեղիի և տեղական առանձնահատկությունների մասին։ Ձեր այցի ընթացքում հաշվի առեք աղմուկի մակարդակը, հարգեք արգելված տարածքներն ու հետևեք ծխելու և արգելված իրերի վերաբերյալ բոլոր կանոններին։ Անպայման ստուգեք՝ արդյոք այցելուներ թույլատրվում են։

Հիշեցնենք, որ Airbnb-ն ունի երեկույթների արգելման խիստ քաղաքականություն։ Անհանգստություն պատճառող հավաքույթները և առանց հրավերի միջոցառումները երբեք չեն թույլատրվում, և հյուրընկալողները չեն կարող բացառություններ անել։ Այս քաղաքականությունը խախտող հյուրերը և հյուրընկալողները կարող են ենթարկվել պատասխանատվության, այդ թվում՝ հեռացվել Airbnb-ից։

Եթե այցի ընթացքում որևէ բան պատահի, հյուրընկալողին ուղղակիորեն դիմելը հաճախ խնդիրը լուծելու ամենաարագ տարբերակն է։ Օգտագործեք Airbnb-ի հաղորդագրման գործիքը, որպեսզի հյուրընկալողի հետ կապ հաստատեք այցից առաջ, հետո կամ այցի ընթացքում՝ հարցեր տալու, մանրամասներով կիսվելու կամ ցանկացած խնդիր լուծելու համար։

Արտակարգ իրավիճակի դեպքում, կամ եթե ձեզ անմիջական վտանգ է սպառնում, զանգահարեք 911՝ ոստիկանությունից, հրշեջ ծառայությունից կամ շտապ բուժօգնության ծառայություններից օգնություն խնդրելու համար։

Մրցաշարի ընթացքում տեղական իշխանությունները մոբիլիզացվում են, որպեսզի կանխեն հանցավոր գործունեության, այդ թվում՝ մարդկանց շահագործման կամ թրաֆիքինգի ռիսկի հնարավոր մեծացումը։ Եթե ականատես կամ մասնակից եք այնպիսի իրավիճակի, որը, ձեր կարծիքով, կարող է մարդկանց թրաֆիքինգ լինել, կարող եք օգնություն ստանալ Մարդկանց թրաֆիքինգի դեմ պայքարի կանադական թեժ գծի միջոցով՝ զանգահարելով 1-833-900-1010 հեռախոսահամարով։ Այդ մասին հաղորդեք նաև Airbnb-ին։

Դուք կարող եք օգնել խարդախությունների կանխարգելմանը՝ վճարումները կատարելով և հյուրընկալողների հետ շփվելով միայն Airbnb հարթակի միջոցով և մերժելով հարթակից դուրս վճարման ցանկացած խնդրանք։ Եթե կասկածներ ունեք խարդախության մասին, հայտնեք Կանադայի մրցակցության բյուրոյին և Airbnb-ին։

Անվտանգության վերաբերյալ ավելի շատ խորհուրդներ, ուղեցույցներ և հաճախ տրվող հարցերի պատասխաններ կարող եք գտնել Airbnb-ի Օգնության կենտրոնում։

Եթե ուղևորվում եք նաև Մեքսիկա կամ Միացյալ Նահանգներ, լրացուցիչ անվտանգության և տեղական ցուցումների համար աչքի անցկացրեք Մեքսիկայի ուղեցույցը կամ ԱՄՆ ուղեցույցը։ Բոլոր հյուրընկալող քաղաքների վերաբերյալ լրացուցիչ տեղական ռեսուրսների համար ծանոթացեք Սպորտի և մարդու իրավունքների կենտրոնի՝ երկրպագուների և համայնքների համար նախատեսված ուղեցույցին։

Ձեր ուղևորության համար վերցրեք բազմակի օգտագործման պայուսակ։ Եթե ներկա եք լինելու որևէ մրցախաղի, ծանոթացեք մարզադաշտի ցուցումներին, որպեսզի իմանաք, թե ինչ կարող եք բերել։ Օրինակ՝ մասնակից բոլոր մարզադաշտերում պահպանվում է թափանցիկ պայուսակների կանոնը։

Հնարավորինս նվազեցրեք թափոնները և պատշաճ կերպով թափեք դրանք՝ օգտագործելով վերամշակման և կոմպոստացման աղբամաններ, եթե դրանք առկա են։ Միշտ մաքրեք տարածքը ձեր հետևից։

Խելամտորեն օգտագործեք ջուրը և էներգիան։ Կացարանից դուրս գալիս անջատեք լույսերը և հոսանքից անջատեք այն սարքերը, որոնք չեք օգտագործում, այդ թվում՝ օդորակիչները։

Հնարավորության դեպքում տեղաշարժվեք ոտքով, հեծանվով կամ հանրային տրանսպորտով։