Որպեսզի ապահովենք Airbnb-ի անխափան աշխատանքն ու կարողանանք ծածկել ծառայությունների, օրինակ՝ հաճախորդների շուրջօրյա աջակցման ծախսերը, մենք սպասարկման վճար ենք գանձում ամրագրման հաստատման ժամանակ։
Այցերի համար կա վճարների 2 տարբեր կառուցվածք՝ տրոհված վճար և միայն հյուրընկալողից գանձվող վճար։
Վճարի այս տարբերակն ամենատարածվածն է ու բաշխվում է հյուրընկալողի և հյուրի միջև։
Հյուրընկալողների մեծ մասը վճարում է 3% վճար, բայց ոմանք ավելի շատ են վճարում, այդ թվում՝ Իտալիայում տարածքներ ունեցող որոշ հյուրընկալողներ։ Այս վճարը հաշվարկվում է ամրագրման ենթագումարից (ամրագրման ենթագումարը ներառում է մեկ գիշերվա գինը և հյուրընկալողի կողմից գանձվող ցանկացած լրացուցիչ վճար, բայց չի ներառում հյուրից գանձվող սպասարկման վճարը և հարկերը) և ավտոմատ հանվում է հյուրընկալողի վերջնավճարից։
Հյուրից գանձվող սպասարկման վճարը կարելի է տեսնել Գնի մանրամասներում նախքան ամրագրումը ձևակերպելը։
Նշում. 2024 թ․ ապրիլի 1-ից սկսած՝ մենք հյուրերի սպասարկման վճարում լրացուցիչ գումար ենք ներառում խաչաձև արժույթներով ամրագրումների համար, ինչպես մանրամասնորեն նկարագրված է ստորև։
Հյուրից գանձվող սպասարկման վճարների մեծ մասն ամրագրման ենթագումարի 14,2%-ից քիչ է (ամրագրման ենթագումարը ներառում է մեկ գիշերվա գինը և հյուրընկալողի կողմից գանձվող ցանկացած լրացուցիչ վճար, բայց չի ներառում հյուրից գանձվող սպասարկման վճարը և հարկերը)։ Հյուրից գանձվող սպասարկման վճարը տարբեր է լինում՝ կախված մի շարք գործոններից, և կարող է լինել ավելի բարձր կամ ավելի ցածր՝ նայած ամրագրման։ Հյուրից գանձվող սպասարկման վճարը նվազեցվում է առնվազն 28 գիշեր տևողությամբ որոշ այցերի համար։
Այն ամրագրումների դեպքում, երբ հյուրը վճարում է հյուրընկալողի՝ իր տարածքի համար սահմանած արժույթից տարբեր արժույթով, մենք ճշգրտում ենք մեր վճարները՝ ըստ հյուրերին տրամադրած ծառայությունների գին/որակ հարաբերակցության։ Խաչաձև արժույթներով ամրագրումների դեպքում հյուրից գանձվող սպասարկման վճարը կներառի լրացուցիչ գումար, որի արդյունքում հյուրից գանձվող սպասարկման վճարը կկազմի ամրագրման ենթագումարի մինչև 16,5%-ը։
Այս տարբերակի դեպքում ամբողջ վճարը հանվում է հյուրընկալողի վերջնավճարից։ Սովորաբար այն կազմում է 14–16%, թեև չեղարկման շատ խիստ կանոններ ունեցող հյուրընկալողները կարող են ավելի շատ վճարել, իսկ 28 կամ ավելի օր տևողությամբ այցերի համար գանձվող վճարները կարող են ավելի քիչ լինել։
Այս վճարը պարտադիր է ավանդական հյուրընկալության տարածքների համար, ինչպիսիք են հյուրանոցները, սպասարկվող բնակարանները և այլն, ինչպես նաև ծրագրակազմի միջոցով միացած հյուրընկալողների համար (չհաշված նրանց, որոնց տարածքների մեծ մասը գտնվում է ԱՄՆ-ում, Կանադայում, Բահամյան կղզիներում, Մեքսիկայում, Արգենտինայում, Թայվանում կամ Ուրուգվայում)։
Ներգրավված իրավասության շրջանի օրենսդրությունից կախված՝ ԱԱՀ կարող է կիրառվել վերը նշված վճարների նկատմամբ։ Սպասարկման վճարը ներառված է ԱԱՀ-ի մեջ (եթե կիրառելի է)։
Մենք իրավունք ենք վերապահում ցանկացած պահի փոխելու մեր սպասարկման վճարները, և ցանկացած փոփոխություն կկատարվի մեր Ծառայությունների մատուցման պայմաններին համապատասխան։