«Հաղորդագրություններ» ներդիրը ձեր նոր փոստն է
Հյուրընկալողներն իրենց փոստն ավելի շատ են օգտագործում, քան հավելվածի ցանկացած այլ մաս։ «Հաղորդագրություններ» ներդիրի միջոցով Airbnb-ում հաղորդակցվելն ավելի արագ ու պարզ է։
Ձեր վերափոխված փոստը մեկտեղում է հյուրընկալողների, հյուրերի և աջակցման ծառայության հետ փոխանակած ձեր բոլոր հաղորդագրությունները։ «Հաղորդագրություններ» ներդիրը թույլ է տալիս՝
- զտել հաղորդագրությունները մեկ հպումով կամ սեղմումով,
- շփվել ամրագրման մասնակից յուրաքանչյուր հյուրի հետ խմբային նամակագրությամբ,
- արհեստական բանականության առաջարկած արագ պատասխաններով ավելի արդյունավետ պատասխանել հյուրերի հարցերին,
- էմոջիներով արձագանքել հաղորդագրություններին,
- հեշտությամբ որոնում կատարել ձեր հաղորդագրություններում։
Նոր դիզայն և արագ զտիչներ
«Հաղորդագրություններ» ներդիրը կանխադրված դիտակերպով ցույց է տալիս ձեր բոլոր հաղորդագրությունները։ Ընտրեք Հյուրընկալում, Ճամփորդություն կամ Աջակցում՝ հաղորդագրություններն ըստ տեսակի զտելու համար։
Հյուրընկալում բաժնում կարող եք կիրառել հետևյալ լրացուցիչ զտիչները՝
- Չընթերցված. ցուցադրում է միայն չբացված հաղորդագրությունները։
- Ամրագրման կարգավիճակ. հաղորդագրությունները տեսակավորվում են ըստ ամրագրման հայտերի, առաջիկա ամրագրումների, ներկայումս հյուրընկալվողների կամ նախկին ամրագրումների։
- Հայտարարություններ. տեսակավորում է հաղորդագրություններն ըստ հայտարարության, եթե մեկից ավելին ունեք։
- Աստղանշված. ցույց են տրվում միայն այն հաղորդագրությունները, որոնք նշել եք աստղով։
Եթե ունեք համահյուրընկալող, հանդիսանում եք սուպերտանտեր-դեսպան կամ փորձառություն եք կազմակերպում, ապա այս զտիչները նույնպես կգտնեք «Հաղորդագրություններ» ներդիրում.
- Համահյուրընկալող. ցուցադրում է ձեր և տարածքի ցանկացած համահյուրընկալողի նամակագրությունը։
- Սուպերտանտեր-դեսպան. ցուցադրում է ձեր և ձեզ հետ կապված հյուրընկալողների փոխանակած հաղորդագրությունները։
- Փորձառություններ. այստեղ կարող եք կարդալ փորձառությունների ամրագրումների հետ կապված հաղորդագրությունները։
Յուրաքանչյուր նոր ամրագրում նոր նամակագրություն է սկսում։ Յուրաքանչյուր նամակագրություն ունի պիտակ, օրինակ՝ Ուղևորության հայտ կամ Համահյուրընկալող, այնպես որ կարող եք շատ արագ տեսնել, թե ինչի մասին է խոսքը։ Կանաչ կետը ցույց է տալիս, որ հաղորդագրությունը վերաբերում է ընթացիկ կամ առաջիկա ամրագրմանը։ Կարմիր կետն ազդարարում է, որ անհրաժեշտ է գործողություն ձեռնարկել, օրինակ՝ պատասխանել ուղևորության հայտին։
Օգտագործեք Հյուր զտիչը՝ որպես հյուր ձեր ուղարկած և ստացած հաղորդագրությունները դիտելու համար։ Աջակցում զտիչը ցույց է տալիս Airbnb-ի աջակցման թիմի հետ փոխանակած ձեր հաղորդագրությունները։
Խմբային հաղորդագրություններ հյուրերի հետ
Հյուրընկալողներն այժմ կարող են շփվել ուղևորության յուրաքանչյուր մասնակցի հետ։ Ահա թե ինչպես է գործում խմբային նամակագրությունը.
- Ամրագրող հյուրը հրավիրում է այլ անձանց միանալու իր ամրագրմանը։
- Առաջարկն ընդունող ցանկացած հյուր ավելացվում է այդ ուղևորության ամրագրմանը և խմբային նամակագրությանը։ Հյուրերը կարող են կարդալ բոլոր հաղորդագրությունները, նույնիսկ եթե ուշ միանան։
- Դուք հաղորդագրություններ եք ուղարկում խմբային նամակագրության բոլոր մասնակիցներին։
- Ընտրեք Մանրամասներ կոճակը՝ ամրագրման և նամակագրության մասին լրացուցիչ տեղեկություններ ստանալու համար՝ ներառյալ բոլոր միացած անձանց ցանկը։
- Ընտրեք հյուրի լուսանկար, որպեսզի մուտք գործեք նրա պրոֆիլ և ավելին իմանաք նրա մասին, ում հյուրընկալում եք։
ԱԲ-ի կողմից առաջարկվող արագ պատասխաններ
Արագ պատասխանները հաղորդագրությունների ձևանմուշներ են, որոնք ստեղծում եք ժամանման, մեկնման և այլ թեմաներով հաճախ տրվող հարցերին պատասխանելու համար։ Դուք պետք է կարգավորեք արագ պատասխաններ, որպեսզի օգտվեք ԱԲ-ի կողմից առաջարկվող արագ պատասխանների նոր գործառույթից։
Այս գործառույթն ԱԲ-ն օգտագործում է հյուրի հարցը հասկանալու համար և ավտոմատ կերպով որպես պատասխան առաջարկում է ձեր արագ պատասխաններից մեկը։ Առաջարկվող արագ պատասխանը երևում է խմբային նամակագրությունում, որտեղ միայն դուք կարող եք այն տեսնել։ Դուք կարող եք դիտել և փոփոխել այն նախքան հաղորդագրությունն ուղարկելը։
Էմոջիներով արձագանքներ
«Հաղորդագրություններ» ներդիրը թույլ է տալիս պատասխանել հաղորդագրություններին՝ ավելացնելով էմոջիներ։ Նամակագրության բոլոր մասնակիցները կարող են հաղորդագրություններին արձագանքել ժպտացող դեմքի, սրտի, հավանման, ծափ տալու կամ ծիծաղի էմոջիներով։
Որոնում կատարեք ձեր հաղորդագրություններում
Կոնկրետ նամակագրությո՞ւն է պետք գտնել Որոնման թարմացված գործիքն աչքի է անցկացնում ձեր հաղորդագրությունները։
Կարող եք հաղորդագրություններ որոնել անձի անունով, կոնկրետ բառով կամ արտահայտությամբ։ Արդյունքները հաշվի են առնում ձեր կիրառած զտիչները՝ օգնելով ավելի արագ գտնել նամակագրությունը։
Փորձեք «Հաղորդագրություններ» ներդիրն այսօր, երբ գրանցվեք «Վաղ հասանելիություն» բաժնում։
Հարցուպատասխան «Հաղորդագրություններ» ներդիրի մասին
Այս հոդվածում պարունակվող տեղեկությունները կարող են փոխված լինել հրապարակումից հետո։