Ինչպե՞ս են գործում Airbnb կատեգորիաները

Ծանոթացեք գործառույթին և ստուգեք, թե որ կատեգորիայում է ձեր հայտարարությունը։
Հեղինակ՝ Airbnb, ամսաթիվ՝ 16 նոյ, 2022 թ.
2 րոպե ընթերցում
Թարմացվել է՝ 21 մրտ, 2023 թ.

Խմբագրի նշում. այս հոդվածը հրապարակվել է Airbnb 2022 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

Մնալու նոր տեղեր գտնելը ճանապարհորդության ուրախություններից մեկն է։ Ուզում ենք համոզված լինել, որ ձեր տարածքի նման տեղ փնտրող հյուրերը կարող են հեշտությամբ գտնել այն։ Անկախ այն բանից՝ հյուրընկալում եք քեմփինգում, կոնդոմինիումում, թե դղյակում, Airbnb կատեգորիաները կարող են օգնել ձեզ ցուցադրել տարածքի առանձնահատկությունները և գրավել ամրագրումներ։

Որո՞նք են Airbnb կատեգորիաները

2022 թվականի մայիսին մենք ներկայացրինք Airbnb կատեգորիաները՝ հյուրերի համար ամբողջ աշխարհում մնալու միլիոնավոր յուրահատուկ վայրեր բացահայտելու նոր միջոցը։ Տները դասակարգվում են ավելի քան 60 տարբեր կատեգորիաների՝ ըստ ոճի, տեղադրության կամ ճանապարհորդական գործունեության չափանիշների։

Մնալու տեղ փնտրող հյուրերը կարող են աչքի անցկացնել «Տնակներ», «Լճի ափին», «Ազգային պարկեր» և այլ կատեգորիաներ։ Նրանք նաև կարող են հայտարարություններ որոնել ըստ ուղղությունների, և որոնման արդյունքները կցուցադրվեն «Բոլոր տները» բաժնում։

Հայտարարությունները ցուցադրված են ավելի քան 60 Airbnb կատեգորիաներում, այդ թվում՝ «Դիզայներական», «Գյուղական» և «Ծառի տնակ»։

Airbnb-ում տեղադրված ցանկացած հայտարարություն կարող է հայտնվել «Բոլոր տները» բաժնում, եթե այն համապատասխանում է հյուրի՝ որոշակի վայր որոնելու պահանջներին։ Որոշակի չափանիշների համապատասխանելու դեպքում՝ այն կարող է նաև հայտնվել մեկ կամ մի քանի Airbnb կատեգորիաներում։

Հայտարարությունները յուրաքանչյուր կատեգորիայի համար հանգամանորեն ստուգվում են։ Airbnb-ում առաջարկվող միլիոնավոր տներ գնահատվում են մեխանիկական համակարգի միջոցով՝ վերնագրերը, նկարագրությունները, լուսանկարների ենթագրերը և հյուրերի կարծիքները վերլուծելու համար։

Ինչպե՞ս ստուգել հայտարարության կատեգորիան

Հյուրընկալողի հաշվից կարող եք ստուգել, թե որ կատեգորիային է պատկանում ձեր հայտարարությունը։ Բացեք տարածքի մասին մանրամասները և անցեք ներքև՝ դեպի «Կատեգորիաներ» բաժին։ Այնտեղ կտեսնեք Airbnb կատեգորիայի անվանումը (մեկը կամ մի քանիսը, եթե կիրառելի է)։ Հպեք կամ սեղմեք՝ այդ կատեգորիայի նկարագրությունը կարդալու համար։

Ձեր հայտարարության «Կատեգորիաներ» բաժնում երևում է, թե որ կատեգորիային է պատկանում այն։ Հպեք՝ այդ կատեգորիայի մասին ավելին իմանալու համար։

Կատեգորիաներն ընդլայնվում են, մեր ծառայությունը՝ կատարելագործվում, ուստի կարևոր է մշտապես թարմացնել հայտարարության մանրամասները։ Ստուգեք՝ արդյոք նշել եք բոլոր հարմարությունները, որոնք առաջարկում եք ձեր տարածքում։

Airbnb
16 նոյ, 2022 թ.
Հոդվածն օգտակա՞ր էր։