Ինչպես թարմացնել հասանելիությունը

Airbnb-ի ազատ ամսաթվերի կարգավորումները հեշտացնում են վերահսկումը, թե երբ և ինչպես հյուրերն ամրագրեն ձեր տարածքը։ Դրանք կգտնեք ձեր օրացույցում։

Գնանշման գործիքները և ազատ ամսաթվերի կարգավորումները հաճախ փոխկապակցված են։ Օրինակ, եթե առաջարկում եք վաղ ամրագրման զեղչ, հյուրերին թույլ տալով ամրագրել 12 կամ 24 ամիս առաջ, կարող եք գրավել նախօրոք պլանավորող ավելի շատ հյուրերի։

Այցի տևողությունը փոխելու դեպքում տեղ կազատվի օրացույցում, և ձեր հայտարարությունը կհայտնվի որոնման ավելի շատ արդյունքներում։ Պարզապես համոզվեք, որ այցի նվազագույն և առավելագույն տևողությունները համապատասխանում են տեղական կանոններին և կանոնակարգերին։

• Գիշերների նվազագույն քանակ։ Այցի նվազագույն տևողությունը կրճատելով՝ կկարողանաք գրավել կարճաժամկետ այցեր ամրագրող հյուրերի և լրացնել օրացույցի բաց ամսաթվերը։ Կարող եք սահմանել այցի նվազագույն տևողություն՝ ըստ ժամանման օրվա։
• Գիշերների առավելագույն քանակ։ Այցի առավելագույն տևողությունը մեծացնելով՝ կկարողանաք գրավել երկարաժամկետ այցեր ամրագրող հյուրերի և կրճատել հերթափոխումները։ Կարող եք նաև թույլատրել ձեր առավելագույնից ավելի երկար այցերի հայտեր։ Դուք կկարողանաք ուսումնասիրել և հաստատել այս հայտերը։
• Ուղևորության անհատականացված տևողություն։ Որոշակի ամսաթվերի համար ավելացնելով ուղևորության անհատականացված տևողություն, որն այցերի համար ձեր սահմանած նվազագույն տևողությունից ավելի կարճ է՝ կկարողանաք լրացնել օրացույցի բացերը։

Գիշերներն ավտոմատ հասանելի կլինեն ձեր կարգավորումների հիման վրա։ Եթե ձեր կարգավորումներն արգելափակում են ամսաթվերը, կգտնեք դրանք արգելահանելու վերաբերյալ խորհուրդներ։ Օրինակ, եթե այցի նվազագույն տևողությունը 5 գիշեր է, և ամրագրումների միջև ունեք 4 չամրագրված գիշեր, կտեսնեք խորհուրդ, թե ինչպես կրճատել ուղևորության նվազագույն տևողությունն այդ գիշերների համար։

Որոշեք, թե հյուրերի ժամանումից որքան առաջ եք ուզում ծանուցում ստանալ, և որքան շուտ կարող են ամրագրել մարդիկ։

• Նախնական ծանուցում։ Որոշեք, թե որքան ժամանակ է ձեզ անհրաժեշտ ունենալ հյուրի ամրագրումից մինչև ժամանում։ Կարող եք ընտրել նույն օրը, 1 օր, 2 օր, 3 օր կամ 7 օր։ Նույնիսկ եթե ընտրում եք 1 օր կամ ավելի, կարող եք թույլատրել մեկ օրից ավելի ուշ ծանուցմամբ հայտեր, որոնք պետք է ուսումնասիրեք և հաստատեք։
• Ծանուցում՝ նույն օրը։ Եթե հյուրերին թույլատրում եք ամրագրել այն նույն օրը, երբ մտադիր են ժամանել, դուք սահմանում եք վերջնաժամկետ, որից հետո նրանք այլևս չեն կարող ամրագրել։ Ընտրեք ցանկացած ժամ 6:00 – 12:00-ի միջակայքում։
• Նախապատրաստման ժամանակ։ Ընտրեք, թե քանի գիշեր է անհրաժեշտ արգելափակել յուրաքանչյուր ամրագրումից առաջ և հետո։ Տարբերակներն են՝ ոչ մի, յուրաքանչյուր ամրագրումից 1 գիշեր առաջ և հետո կամ յուրաքանչյուր ամրագրումից 2 գիշեր առաջ և հետո։
• Ազատ ամսաթվերի պատուհան։ Նախօրոք ամրագրման ժամանակահատվածը երկարաձգելու դեպքում ձեր հայտարարությունը կհայտնվի որոնման ավելի շատ արդյունքներում։ Ընտրեք տարբերակ՝ 3, 6, 9, 12 կամ 24 ամիս առաջ։
• Ազատ ամսաթվերի այլ կարգավորումներ։ Դուք կարող եք սահմանափակել հյուրերի ժամանումը կամ մեկնումը շաբաթվա որոշակի օրերի։ Ձեր օրացույցը կարգելափակվի ժամանումների կամ մեկնումների համար, եթե գիտեք, որ կոնկրետ օրերին չեք կարող հյուրընկալել։ Կարող եք ընտրել շաբաթական մինչև 6 օր։

Եթե օգտագործում եք մի քանի օրացույց, հյուրընկալման բոլոր օրացույցների համաժամացումը կօգնի կանխել կրկնակի ամրագրումները։ Այս երկկողմանի կապն ավտոմատ կերպով թարմացնում է երկու օրացույցները, երբ ամրագրվում է որևէ գիշեր։ Օրացույցները կապակցելու համար՝

• Airbnb օրացույցի հղումն ավելացրեք մյուս կայքում։
• Մյուս կայքից ստացեք .ics-ով ավարտվող հղում և այն ավելացրեք ձեր Airbnb օրացույցում։

Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։

Այս հոդվածում պարունակվող տեղեկությունները կարող են փոխված լինել հրապարակումից հետո։