Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Գրավեք հյուրերին Wi-Fi-ի արագության չափման նոր գործիքով

Իմացեք, թե ինչպես ստուգել և ցուցադրել ձեր Wi-Fi-ի արագությունը, որն Airbnb-ում առավել պահանջված հարմարություններից է։
Հեղինակ՝ Airbnb, ամսաթիվ՝ 11 օգս, 2021 թ.
2 րոպե ընթերցում
Թարմացվել է՝ 3 նոյ, 2021 թ.

Առանձնահատկություններ

  • Wi-Fi-ը հյուրերի կողմից որոնվող առավել սիրված հարմարություններից է

  • Wi-Fi-ի արագության ստուգման նոր գործիքը թույլ է տալիս ստուգել և ցուցադրել ձեր Wi-Fi-ի արագությունը

  • Ստուգեք Wi-Fi-ը. եթե գրանցվի 50 Մբիթ/վ կամ ավելի բարձր արագություն, ապա հայտարարության մեջ կնշվի «գերարագ Wi-Fi»

Շատ հյուրերի համար կարևոր է արագ ինտերնետի առկայությունը, որպեսզի ուղևորությունը հիանալի անցնի, և դա խիստ անհրաժեշտ է հեռավար աշխատող հյուրերի համար։ Ըստ Airbnb-ի հետազոտության արդյունքների՝ Wi-Fi-ը հյուրերի կողմից առավել հաճախ որոնվող հարմարություններից է, և հայտարարության հարմարությունների ցուցակում նոթբուքով աշխատելու տեղ ավելացնելը կարող է նպաստել որոշ հյուրընկալողների եկամուտների աճին։*

Արագությունը կարևոր է, երբ խոսքը վերաբերում է Wi-Fi-ին՝ անխափանորեն ֆիլմեր դիտելուց մինչև միացում խմբային զանգի։ Հյուրընկալողներն այժմ կարող են առանց Airbnb հավելվածից դուրս գալու ստուգել իրենց տարածքում Wi-Fi-ի արագությունը՝ օգտվելով Wi-Fi-ի արագության ստուգման նոր գործիքից։ Այս գործիքը թույլ է տալիս հեշտությամբ ստուգել ձեր սեփականության Wi-Fi-ի արագությունը, հետո այն ցուցադրել անմիջապես հայտարարության էջում, ինչի շնորհիվ կկարողանաք գրավել ինտերնետային կապով տներ փնտրող ավելի շատ հյուրերի։

Wi-Fi-ի ստուգում Airbnb հավելվածի միջոցով

Wi-Fi-ի արագության ստուգումը ներկայումս հնարավոր է iOS-ի և Android-ի համար նախատեսված Airbnb հավելվածում։ Սկսելու համար հարկավոր է լինել տարածքում և միանալ ձեր սեփականության Wi-Fi ցանցին։

Դա անելուց կատարեք հետևյալ քայլերը․

  1. Հպեք Պրոֆիլ, հետո՝ Անցնել հյուրընկալմանը
  2. Հպեք Հայտարարություններ, հետո հպեք ձեզ անհրաժեշտ հայտարարությանը
  3. Տարածքի մասին բաժնում բացեք Հարմարություններ
  4. Գտեք Wi-Fi և հպեք Ավելացնել մանրամասներ
  5. Հպեք Ստուգել Wi-Fi-ի արագությունը (հարկավոր է թույլատրել մուտք դեպի տեղադրության մասին տվյալները, եթե դեռ արված չէ)
  6. Հպեք Սկսել ստուգումը
  7. Արդյունքների ցուցադրումից հետո հպեք Պահել, որպեսզի Wi-Fi-ի արագությունը երևա ձեր հայտարարության էջում
  8. Եթե Wi-Fi-ի արագությունը 50 Մբիթ/վ է կամ ավելի, ապա ձեր հայտարարությունը կնշվի որպես գերարագ Wi-Fi ունեցող

    Իմանալ ավելին հյուրերին Wi-Fi առաջարկելու մասին

    Wi-Fi-ի արագություն․ ինչպես հասկանալ դա

    Ինտերնետի արագությունը չափվում է վայրկյանում մեգաբիթներով, և այդ ցուցանիշը կարող է ցույց տալ, թե որքան արագ է ձեր կապը։ Ահա տարբեր ցուցմունքներ, որոնք կարող եք ստանալ Wi-Fi-ի արագության ստուգումից, և դրանց նշանակությունը.

    • Ցուցմունքի բացակայություն՝ Wi-Fi ցանց չկա։ Դուք կա՛մ չունեք Wi-Fi, կա՛մ չեք կարող միանալ։ Փորձեք վերագործարկել երթուղավորիչը կամ տեղափոխվեք ձեր սեփականության մեկ այլ տարածք։
    • 1–6 Մբիթ/վ. Wi-Fi-ի ցածր արագություն։ Հյուրերը կարող են ստուգել հաղորդագրությունները և աչքի անցկացնել համացանցային կայքեր։
    • 7–24 Մբիթ/վ՝ Wi-Fi-ի կայուն արագություն։ Հյուրերը կարող են հոսքային եղանակով փոխանցել HD տեսանյութեր։
    • 25–49 Մբիթ/վ՝ Wi-Fi-ի լավ արագություն։ Հյուրերը կարող են հոսքային եղանակով հեռարձակել ավելի բարձր որակի 4K տեսանյութեր և միանալ տեսազանգերի։
    • 50+ Մբիթ/վ․ օհո՜։ Wi-Fi-ի բարձր արագություն։ Հյուրերը կարող են հոսքային եղանակով հեռարձակել 4K տեսանյութեր և մեկից ավելի սարքերով միանալ տեսազանգերի։ Մենք ձեր հայտարարության մեջ առանձնահատուկ կնշենք արագ Wi-Fi-ի առկայությունը։

    Իմանալ ավելին ինտերնետի արագության ստուգման մասին

    Ինչպես Wi-Fi-ի արագության մասին տեղեկացնել հյուրերին

    Երբ ստուգումն ավարտվի, և արդյունքները պահպանվեն, Wi-Fi-ի արագությունը (մեկ վայրկյանում մեգաբիթներով արտահայտված) կցուցադրվի Հարմարություններ բաժնում՝ Wi-Fi-ի կողքին, և հյուրերն ամրագրելուց առաջ կիմանան ձեր ինտերնետի արագությունը։

    Եթե արագությունը 50 Մբիթ/վ է կամ ավելին, կկարողանաք ներկայացնել նոր հարմարություն. ձեր հայտարարության էջում կհայտնվի «Գերարագ Wi-Fi» նշումը։

    Քանի որ Wi-Fi-ը չափազանց կարևոր հարմարություն է, մենք ուրախ ենք առաջարկել մի գործիք, որի միջոցով կարող եք ձեր Wi-Fi-ի արագությունը ցույց տալ հյուրերին, ինչը կնպաստի Airbnb-ում ձեր հայտարարության գրավչության մեծացմանը։

    *Ըստ Airbnb-ի ներքին տվյալների, որոնցով չափվել են 2020 թ․ սեպտեմբերի 1-ից մինչև 2021 թ․ սեպտեմբերի 1-ը ժամանակահատվածում ամենահաճախ որոնված հարմարությունները։

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Wi-Fi-ը հյուրերի կողմից որոնվող առավել սիրված հարմարություններից է

    • Wi-Fi-ի արագության ստուգման նոր գործիքը թույլ է տալիս ստուգել և ցուցադրել ձեր Wi-Fi-ի արագությունը

    • Ստուգեք Wi-Fi-ը. եթե գրանցվի 50 Մբիթ/վ կամ ավելի բարձր արագություն, ապա հայտարարության մեջ կնշվի «գերարագ Wi-Fi»

    Airbnb
    11 օգս, 2021 թ.
    Հոդվածն օգտակա՞ր էր։