Պայքար ատելության, ոտնձգությունների և խտրականության դեմ

Մենք ուզում ենք, որ մեր հյուրընկալողների ու հյուրերի այցերն ու փորձառություններն անցնեն առանց ոտնձգությունների և խտրականությունների։

Ինչը թույլ չենք տալիս

• Հալածանք և ոտնձգություն։ Ոչ ոք չպետք է ենթարկվի անցանկալի վարքի, ինչպիսիք են հալածանքը, կիբերհալածանքը, ոտնձգությունը կամ հետապնդումը։
• Խտրականության պատճառով ծառայությունների մերժում։ Հյուրընկալողները չպետք է մերժեն ծառայություններ տրամադրել հյուրին միայն այն պատճառով, որ նա պատկանում է որոշակի խմբի կամ դասակարգի (օրինակ՝ ռասայի կամ դավանանքի), ինչպես բացատրված է մեր Խտրականության դեմ քաղաքականության մեջ։
• Խտրական վերաբերմունք։ Հյուրընկալողները չպետք է հյուրի նկատմամբ ցուցաբերեն այլ վերաբերմունք, կանոններ կամ վարք միայն այն պատճառով, որ հյուրը պաշտպանվող խմբի անդամ է։
• Վտանգավոր խոսք։ Ոչ ոքի չպետք է ուղղված լինի այնպիսի խոսք, որը կոչ է անում վնաս պատճառելու, դաժանության կամ պնդում է, թե անհատը սպառնալիք կամ ֆիզիկական վտանգ է ներկայացնում այլոց համար, քանի որ այդ անհատը պատկանում է պաշտպանված խմբի։
• Հայհոյանքներ, ատելության խոսք կամ նվաստացուցիչ լեզու։ Ոչ ոքի հասցեին չպետք է ուղղված լինի նախապաշարմունք պարունակող խոսք՝ կապված այլ անձի՝ պաշտպանված խմբի անդամ լինելու հետ, ինչպիսիք են արհամարհանքի, զզվանքի արտահայտումը կամ ֆիզիկական, մտավոր կամ բարոյական թերություններ նշելը։
• Մինչանցումային անունով դիմում կամ միսգենդերինգ։ Տրանսգենդեր համարվող անհատներին չպետք է դիմել նրանց մինչանցումային անունով կամ դերանունով, եթե նրանք հայտնում են, որ անցումից հետո օգտագործում են այլ անուններ։
• Կոդավորված լեզու կամ միկրոագրեսիաներ։ Ոչ ոք չպետք է թիրախավորվի արտահայտություններով, որոնք խորը արմատավորված են որպես պաշտպանված խմբի անդամ լինելու փաստի վրա հիմնված սոցիալական կարծրատիպեր։
• Ատելությամբ, խտրականությամբ կամ վիրավորանքներով լի պատկերներ, խորհրդանիշներ կամ առարկաներ։ Ոչ ոքի չպետք է ուղղված լինեն պատկերներ, որոնք նսեմացնում են դավանանքը կամ մշակույթը, պարունակում են նվաստացուցիչ կամ կոդավորված լեզու, խորհրդանիշներ, տարբերանշաններ կամ կարգախոսներ՝ կապված ծայրահեղական կամ ատելության խմբերի հետ։

Մենք ձեզ կօգնենք

Եթե ականատես եք լինում կամ հանդիպում եք այնպիսի վարքի, որը հակասում է մեր կանոններին, հայտնեք մեզ այդ մասին։