Անցնել բովանդակությանը
    Անցեք առաջ՝ առաջարկվող արդյունքներին ծանոթանալու համար

    Մայրցամաքային Չինաստան. COVID-19 վիրուսով պայմանավորված հարգելի պատճառներ

    Թարմացվել է 2020 թ. հունիսի 25-ին

    Այս հոդվածում բացատրվում է, թե COVID-19-ով պայմանավորված չեղարկումներն ինչ պահանջներ պետք է բավարարեն, որպեսզի Հարգելի պատճառների կիրառման քաղաքականությունը տարածվի մայրցամաքային Չինաստանից հյուրերի՝ մայրցամաքային Չինաստանում անցկացվող այցերի և փորձառությունների համար կատարած ամրագրումների վրա։ Եթե ամրագրումն արդեն սկսվել է (ժամանումը տեղի է ունեցել), ապա այս հարգելի պատճառը կիրառելի չէ։ Ցանկացած ամրագրման դեպքում, բացառությամբ մայրցամաքային Չինաստանի տեղական ամրագրումների, մանրամասներին ծանոթանալու համար կարդացեք ամբողջ աշխարհում COVID-19-ին առնչվող հարգելի պատճառների մասին հոդվածը։ Քաղաքականության շրջանակներում չեղարկելու համար պետք է տրամադրեք հարգելի պատճառը հաստատող փաստաթղթեր։

    Ընդգրկված ամրագրումներ

    Քաղաքականությունը տարածվում է մայրցամաքային Չինաստանից հյուրերի՝ մայրցամաքային Չինաստանում անցկացվող այցերի և փորձառությունների համար կատարած ամրագրումների վրա։ Այն թույլ է տալիս ամրագրում չեղարկել, եթե հետևյալ բոլոր պնդումները ճշմարիտ են.

    • ամրագրման վրա ազդել է կառավարության պաշտոնական ճամփորդական նախազգուշացումը կամ սահմանափակումը, որը ձեզ թույլ չի տալիս ճանապարհորդել ձեր մեկնման վայրից կամ դեպի ուղևորության վերջնակետը, և
    • այն կատարվել է ճամփորդական նախազգուշացման կամ սահմանափակման հայտարարման օրը կամ ավելի վաղ, և
    • ժամանման և չեղարկման ամսաթվերի տարբերությունը 30 օրից ավելի չէ։

    Քաղաքականությունը չի տարածվում այն ամրագրումների վրա, որոնք արդեն չեղարկվել են՝

    • նախքան կիրառելի պաշտոնական հայտարարությունների ամսաթիվը կամ
    • հյուրընկալողի և հյուրի միջև փոխադարձ համաձայնության հիման վրա։

    Դիտարկենք, օրինակ, 2020 թվականի հունիսին Պեկինում COVID-19-ով վարակման մի խումբ դեպքերը։ Պեկինի քաղաքապետարանի ժողովրդական կառավարությունը և հիվանդությունների վերահսկման վարչությունը 2020 թ․ հունիսի 13-ին հայտարարեցին, որ Պեկինի որոշ տարածքներում ռիսկայնությունը բարձրացել է մինչև միջին կամ բարձր մակարդակի։ Այս օրինակում քաղաքականությունը չի վերաբերում մինչև 2020 թ․ հունիսի 13-ը կատարված չեղարկումներին կամ այդ ամսաթվից հետո կատարված ամրագրումներին։

    Պահանջվող փաստաթղթեր

    Եթե ձեր ամրագրումը համապատասխանում է պահանջներին, խնդրում ենք դիմել մեզ չեղարկման ամսաթվից հետո 14 օրվա ընթացքում։ Կպահանջվի տրամադրել այն հանգամանքը նշող փաստաթուղթ, որի պատճառով չեք կարող ճանապարհորդել կամ հյուրընկալել։ Մենք կուսումնասիրենք փաստաթուղթը և կպատասխանենք ձեզ։ Հաշվի առնելով COVID-19-ի պատճառով ստեղծված ներկայիս իրավիճակը՝ հնարավոր է, որ լինեն ուշացումներ։

    Փաստաթղթեր ազդակիր անձանց համար

    Տներ և Airbnb փորձառություններ ամրագրած հյուրերի կամ հյուրընկալողների դեպքում.

    • Եթե տարածաշրջանը, որտեղ ապրում եք, իշխանությունների կողմից սահմանված է որպես COVID-19-ով վարակման միջին կամ բարձր ռիսկայնության տարածք, կամ եթե ձեր Health Kit գունային կոդը կարմիր կամ դեղին է, ապա անհրաժեշտ է տրամադրել ձեր Health Kit հավելվածի էկրանի պատկերը, տարածաշրջանի ռիսկայնության մակարդակի պաշտոնական գնահատման հայտարարությունը, ինչպես նաև ձեր բնակության հասցեն հաստատող փաստաթուղթ և (կամ) գտնվելու վայրի ապացույց, օրինակ՝ «Քարտեզ» հավելվածի էկրանի պատկերը։
    • Եթե ստացել եք COVID-19-ով վարակվածության ախտորոշում, կասկածվում եք COVID-19-ով վարակված լինելու մեջ կամ կարանտինացված եք COVID-19-ի պատճառով, ապա անհրաժեշտ է տրամադրել իշխանությունների կողմից տրված համապատասխան բժշկական ապացույց կամ փաստաթուղթ։

    Փաստաթղթեր տարածաշրջանի սահմանափակումների համար

    Եթե այցի կամ Airbnb փորձառության անցկացման տարածաշրջանում COVID-19-ի պատճառով սահմանափակված են ճանապարհորդությունները, ապա հյուրընկալողը պետք է տրամադրի տան կամ Airbnb փորձառության գտնվելու վայրը հաստատող փաստաթղթեր։ Դրանք ներառում են՝

    • տեղական իշխանությունների կողմից սահմանված կարանտինի կարգը,
    • տեղական իշխանությունների կողմից սահմանված պաշտոնական ճամփորդական սահմանափակումները կամ COVID-19-ին առնչվող այլ պահանջներ,
    • շենքի կամ տարածքի համար մուտքի կամ ելքի սահմանափակումների մասին հայտարարություն կամ ծանուցում։

    Փաստաթղթեր COVID-19-ին առնչվող այլ հանգամանքների վերաբերյալ

    • Ապացույց այն բանի, որ ձեր թռիչքը կամ ցամաքային փոխադրումը COVID-19-ի կամ պետական մարմինների համապատասխան հրահանգների պատճառով չեղարկվել է տրանսպորտային ծառայություններ մատուցող ընկերության կողմից
    • Աշխատակցի ձեր տարբերանշանը կամ գործատուի կողմից տրամադրված համապատասխան փաստաթուղթ, որը հաստատում է COVID-19-ին առնչվող բժշկական կամ համավարակի վերահսկման պարտականությունների կատարումը

    Ինչպես է դա աշխատում

    Եթե հյուր եք, կարող եք ծանոթանալ ամրագրման չեղարկման կանոններին և գտնել չեղարկման տարբերակները՝ Ուղևորությունների էջում ընտրելով ձեր ուղևորությունը։ Եթե ձեր ամրագրումն ընդգրկված չէ, ապա սովորականի պես կգործեն հյուրընկալողի չեղարկման կանոնները։

    Եթե հյուրընկալող եք, տեղեկատվություն կգտնեք ձեր հյուրընկալման վահանակում։

    Խորհուրդ ենք տալիս ամրագրումների չեղարկումը և գումարի վերադարձը քննարկելու համար դիմել հյուրընկալողին կամ հյուրին։

    Լրացուցիչ տեղեկություններ

    Ռեսուրս կենտրոնում հավաքել ենք այս ժամանակներում մեր համայնքին օգնելու համար նախատեսված հոդվածներ։ Կարող եք գտնել COVID-19-ի դեմ պայքարին առնչվող ամենավերջին տեղեկությունները՝ սկսած քաղաքականության թարմացումներից մինչև հյուրընկալողների և հյուրերի համար նախատեսված ռեսուրսներ։

    Կարող եք նաև կարդալ Հարգելի պատճառների կիրառման քաղաքականությունը և ծանոթանալ COVID-19-ին չառնչվող հանգամանքների ընդգրկման մասին։

    Համայնքի բոլոր անդամներին խնդրում ենք միմյանց հետ հաղորդակցվելիս դրսևորել հարգանք, անկանխակալ վերաբերմունք և կատարելԽտրականության դեմ քաղաքականության պահանջները։

    Մենք կշարունակենք ուսումնասիրել այս քաղաքականության կիրառումը։ Թարմ լուրեր և նոր տեղեկություններ ստանալու համար հետևեք այս էջին։

    Առնչվող հոդվածներ
    Ստացա՞ք ձեզ անհրաժեշտ օգնությունը։

    Մուտք գործեք՝ անհատական աջակցություն ստանալու համար

    Օգնություն ստացեք ձեր ամրագրումների, հաշվի վերաբերյալ և այլ հարցերով։
    Գրանցվել