Airbnb-ում վերահրապարակման առաջարկ

Այն հյուրընկալողները, որոնք համապատասխանում են «Հյուրընկալողի հայտարարության վերահրապարակում» հատուկ առաջարկի («Հատուկ առաջարկ») պահանջներին, կարող են վճարում ստանալ Airbnb-ից։

Պահանջներին համապատասխանելու համար հյուրընկալողը պետք է՝ (1) սեղմի հրավերի էլեկտրոնային նամակում, push-ծանուցման կամ պրոդուկտի ներքին ծանուցման մեջ տրված հղումը․ (2) կրկին ակտիվացնի որևէ առկա չգործող հայտարարություն կամ նոր հայտարարություն ստեղծի մինչև 2023 թ․ մարտի 31-ը, ժամը 23։59 (PST)․ և (3) իր տարածքում հյուրընկալի պահանջներին համապատասխանող այց, որի մեկնման ժամկետն է 2023 թ․ մայիսի 31, ժամը 23։59 (PST) կամ ավելի շուտ։

«Պահանջներին համապատասխանող այցը» (i) Airbnb-ում գործող հյուրընկալողի կողմից հյուրընկալվող այց է (ii) նրա (ա) նախկինում չգործող տարածքում կամ տարածքներից մեկում կամ (բ) 2023 թ․հունվարի 16-ից հետո նոր տարածքում (տարածքներում), (iii) որի մեկնման ժամկետը մինչև 2023 թ․ մայիսի 31-ն է, և (iv) որը չի չեղարկվել այցից առաջ կամ այցի ընթացքում։ Հյուրընկալողները պետք է ստուգեն տարածքի համապատասխանությունը բոլոր կիրառելի պահանջներին և տեղական օրենքներին։

Պահանջներին համապատասխանող այցի ավարտից հետո հյուրընկալողներն Airbnb-ից վճարում կստանան իրենց սովորական վճարման եղանակով։ Վճարումը կկատարվի պահանջներին համապատասխանող առաջին այցի համար, որն ավարտվել է մինչև 2023 թ. մայիսի 31-ը հյուրընկալողի մեկ կամ երկու (2) տարածքում, եթե հյուրընկալողն ունի մեկից ավելի տարածքներ։ Վճարումը կկատարվի պահանջներին համապատասխանող այցի ավարտից հետո 90 օրվա ընթացքում։ Պահանջներին համապատասխանող յուրաքանչյուր հյուրընկալողի վճարման գումարը նշված է Airbnb-ի էլեկտրոնային առաջարկում։ Airbnb-ից էլեկտրոնային առաջարկ չստացած հյուրընկալողները չեն համապատասխանում այս հատուկ առաջարկի պահանջներին։