Սուպերտանտեր․լավագույնը հյուրընկալման ոլորտում
Սուպերտանտիրոջ ծրագիրն առանձնացնում և պարգևատրում է Airbnb-ի ամենաբարձր վարկանիշ ունեցող և առավել փորձառու հյուրընկալողներին։
Ստուգել առաջընթացըՍուպերտանտիրոջ առավելությունները
Որպես սուպերտանտեր՝ կլինեք ավելի տեսանելի, կունենաք հատուկ աջակցություն և բացառիկ պարգևներ։ Մենք այսպես ենք գնահատում ձեր հիանալի հյուրընկալությունը։
Հատուկ ճանաչում
Սուպերտանտիրոջ նշանակը ձեզ օգնում է է՛լ ավելի աչքի ընկնել և կարող է հանգեցնել ավելի շատ ամրագրումների։
Առաջնահերթ աջակցություն
Որպես սուպերտանտեր՝ դուք առաջնահերթ աջակցություն կստանաք Airbnb-ի աջակցման թիմի հետ կապվելու դեպքում։
Բացառիկ պարգևներ
Չորս եռամսյակ լինելով սուպերտանտեր՝ ստանում եք 100 ԱՄՆ դոլարի շահակտրոն՝ Airbnb-ում ծախսելու համար։ Նաև ստանում եք 20%՝ ի հավելումն հրավերի համար տրվող բոնուսի։
Ինչպես դառնալ սուպերտանտեր
3 ամիսը մեկ ստուգում ենք նախորդ տարվա ընթացքում ձեր համապատասխանությունը հետևյալ չափանիշներին, որից հետո կվաստակեք կամ կպահպանեք սուպերտանտիրոջ ձեր կարգավիճակը։
10-ից ավելի այցեր
Տարվա ընթացքում հյուրընկալեք առնվազն 10 այց կամ 100 գիշեր՝ առնվազն 3 ավարտված այցերի ընթացքում։ Հյուրերը վստահ կլինեն, որ մնալու են փորձառու հյուրընկալողի տարածքում։
Չեղարկման հաճախականությունը՝ <1%
Չեղարկում 1%-ից պակաս դեպքերում՝ չհաշված խոշոր կործանարար իրադարձությունները։ Սա նշանակում է 0 չեղարկում այն հյուրընկալողների դեպքում, որոնք մեկ տարվա ընթացքում ունենում են 100-ից պակաս ամրագրումներ։ Հազվադեպ չեղարկումներն ավելի մեծ վստահություն են հաղորդում հյուրերին։
Ընդհանուր վարկանիշը՝ 4,8
Airbnb հյուրերի նախորդ տարվա կարծիքների հիման վրա պահպանեք 4,8 կամ ավելի բարձր գնահատականը։ Հյուրերը ձեզ պես հյուրընկալողներից ակնկալում են բացառիկ հյուրընկալություն։
Պատասխանների հաճախականություն՝ 90%
24 ժամվա ընթացքում պատասխանեք նոր հաղորդագրությունների 90%-ին և ընդունեք կամ մերժեք ամրագրման նոր հայտերը։ Այդ դեպքում հյուրերը վստահ կլինեն, որ ժամանակին կպատասխանեք նոր հարցումներին։
Ձեր հարցերի պատասխանները
Ո՞վ է համապատասխանում սուպերտանտեր դառնալու պահանջներին
Հյուրընկալողը պետք է լինի մեկ կամ մի քանի տների հայտարարությունների տերը, որպեսզի դիտարկվի սուպերտանտիրոջ կարգավիճակի համար։ Համահյուրընկալողները, փորձառությունների հյուրընկալողները և սերվիսների հյուրընկալողները ներառված չեն այս գնահատման մեջ։Այնուամենայնիվ, եթե համահյուրընկալողը, փորձառության հյուրընկալողը կամ սերվիսի հյուրընկալողը նաև մեկ այլ՝ տան հայտարարության տերն է, ապա նա կարող է գնահատվել սուպերտանտիրոջ կարգավիճակի համար՝ հաշվի առնելով տվյալ հայտարարության ցուցանիշները։ Ցանկացած հայտարարության ցուցանիշները, որում նա համահյուրընկալող է, կամ նրա փորձառության կամ սերվիսի հայտարարությունները հաշվի չեն առնվի սուպերտանտիրոջ կարգավիճակի վերաբերյալ պահանջներին համապատասխանությունը գնահատելիս։
Դիմելը պարտադի՞ր է
Եթե համապատասխանեք ծրագրի պահանջներին մինչև գնահատման ամսաթիվը, ապա ինքնաբերաբար կդառնաք սուպերտանտեր․ դիմելու կարիք չկա։Յուրաքանչյուր գնահատման ժամանակահատվածից հետո ձեզ կտեղեկացնենք ձեր կարգավիճակի մասին։ Սուպերտանտիրոջ նշանակը ձեր հայտարարության մեջ կհայտնվի առավելագույնը 1 շաբաթ հետո։Իմանալ ավելին սուպերտանտեր դառնալու մասին։
Արդյո՞ք սուպերտանտեր դառնալու համար պետք է հյուրընկալեմ առնվազն մեկ տարի
Սուպերտանտեր դառնալու համար նվազագույն ժամկետ չկա։ Կարող եք վաստակել սուպերտանտիրոջ կարգավիճակ, եթե մինչև գնահատման ժամանակաշրջանը (գնահատումն անցկացվում է յուրաքանչյուր 3 ամիսը մեկ) համապատասխանեք բոլոր չափանիշներին։Ամեն անգամ սուպերտանտիրոջ չափանիշներին ձեր համապատասխանությունը ստուգելիս մենք ուսումնասիրում ենք անցյալ տարվա ընթացքում հյուրընկալության արդյունքները։ «Սուպերտանտեր» ծրագրի ամբողջական դրույթներին և պայմաններին ծանոթանալու համար այցելեք Օգնության կենտրոն։
Սուպերտանտիրոջ իմ կարգավիճակի վրա կազդե՞ն արտակարգ իրավիճակների պատճառով չեղարկումները
Եթե խոշոր կործանարար իրադարձության կամ այլ հիմնավոր պատճառներով ստիպված եք ամրագրում չեղարկել, մենք չենք գանձի որևէ վճար, և չեղարկումը հաշվի չի առնվի սուպերտանտիրոջ կարգավիճակի վերաբերյալ պահանջներին ձեր համապատասխանությունը գնահատելիս։ Որոշ դեպքերում մենք կհրաժարվենք այլ հետևանքների կիրառումից։Իմանալ ավելին Airbnb-ի Խոշոր կործանարար իրադարձությունների վերաբերյալ քաղաքականության մասին։
