Մարդիկ սկսում են Airbnb-ում հյուրընկալել բազմաթիվ պատճառներից ելնելով՝ հարկեր վճարելու անհրաժեշտությունից մինչև նոր մարդկանց հանդիպելը։ Բայց գնալով շատանում են այն տանտերերը, որոնց հաջողվել է տան սեփականատեր դառնալ՝ իրենց տարածքով կիսվելու միջոցով։ Սիեթլցի ֆրիլանս կինոռեժիսոր Թիմը նկուղը վերածեց Սիեթլում հայտնի Airbnb տարածքի։ Մինչև Airbnb-ում տարածք հրապարակելը՝ Թիմը հազիվ էր ծայրը ծայրին հասցնում թանկ քաղաքում։ «Որպես ստեղծագործ արդյունաբերության ներկայացուցիչ իմ եկամուտը տարեցտարի կարող է զգալիորեն տարբեր լինել», - ասում է Թիմը,- «ուստի ես և ընկերուհիս փորձում ենք համեստ կյանք վարել»։ Թիմը որոշեց, որ տան մեջ ներդրում կատարելը կօգնի իրեն ստեղծել ավելի կայուն բյուջե՝ առաջ շարժվելու համար։ Բայց երբ նա սկսեց տան փնտրտուքները, անմիջապես բախվեց տխուր իրականության հետ. դրանցից շատերը նրա խնայողություններից թանկ էին, կամ վերանորոգման համար հազարավոր դոլարներ էին հարկավոր։ Նա չէր տեսնում առաջ գնալու ճանապարհ։

Լայնածավալ որոնումներից հետո Թիմը վերջապես գտավ ճիշտ իր փնտրած հնարավորություններով տուն։ Ի՞նչն էր Թիմի տունը կատարյալ դարձնում։ Անավարտ նկուղը, որը նա նախատեսում էր վերածել Airbnb տարածքի։ «Մեր ընկերներից ոմանք օգտվում են Airbnb-ից, և մենք ուզում էինք կիսվել մեր նոր տան տարածքի մի մասով՝ որոշ ծախսեր հոգալու համար», - ասում է Թիմը։ «Եվ երբ ես տեսա այս նկուղը, հասկացա, որ այն հիանալի նախագիծ է՝ Airbnb տարածք դառնալու համար»։ Ինքնուրույն կատարելով մի շարք աշխատանքներ՝ նա իր նոր տան նկուղը վերածեց համայնքի ամենահայտնի Airbnb տարածքներից մեկի։ Որպես նորաթուխ տանատեր Թիմը նշում է. «Իմ Airbnb տարածքն օգնում է փակել իմ հիփոթեքային վարկի մոտ մեկ երրորդը»,- և շարունակում,- «մենք չէինք լինի այս տան սեփականատերը, եթե չլիներ Airbnb-ն»։