Ստեղծեք ժամանման պարզ համակարգ բոլոր ամրագրումների համար
Հյուրընկալողների համար սահմանված հիմնական կանոնների շրջանակներում պետք է հյուրերին տրամադրեք տեղեկություններ, որոնք անհրաժեշտ են ժամանման պահին և ողջ այցի ընթացքում։ Հաջողակ հյուրընկալողները հաճախ առաջարկում են ինքնուրույն ժամանում՝ օգտագործելով այնպիսի սարքեր, ինչպիսիք են՝ խելացի կողպեքներ, թվային կոդեր կամ մինի-սեյֆեր։ Նրանք նաև ունենում են պահեստային պլան, եթե հանկարծ ինչ-որ բան սխալ ընթանա։
Հեշտացրեք ժամանումը
Ստեղծեք ժամանման պարզ ընթացակարգ և փորձարկեք՝ համոզվելու, որ այն ամեն անգամ հարմար կլինի յուրաքանչյուր հյուրի համար։
Օգտագործեք Airbnb հավելվածը՝ ժամանման վերաբերյալ ցուցումները հայտարարության մեջ քայլ առ քայլ ներկայացնելու համար։ Հավելվածում կպահանջվի տրամադրել ժամանման գործընթացի լուսանկարներ և կարճ ուսուցողական նշումներ, որոնք հեշտությամբ հասանելի կլինեն հյուրերին։
Մուտքագրեք ձեր ճիշտ հասցեն և նշեք գտնվելու վայրը։ Եթե դժվար է գտնել ձեր տարածքը, կամ մոտակայքում հեռախոսակապը չի գործում, խառնաշփոթը կանխելու համար մանրամասնորեն նկարագրեք, թե ինչպես տեղ հասնել։
Ժամանման վերաբերյալ ցուցումներն ուղարկեք ժամանումից առնվազն երեք օր առաջ։ Համոզվեք, որ հյուրերը ստացել են դրանք, և ճշտեք՝ արդյոք ունեն հարցեր։
Հասանելի եղեք ժամանման պահին։ Եթե ինչ-որ բան սխալ ընթանա, դուք պիտի հասանելի լինեք, որպեսզի կարողանաք անմիջապես կարգավորել խնդիրները։
Փոխարինեք բանալիներն այլ տարբերակներով
Ժամանման գործընթացը հեշտացնելու քայլերից մեկը սմարթ կողպեք կամ թվային կոդ տեղադրելն է, ինչը հյուրերին թույլ կտա կոդով բացել մուտքի դուռը։ Յուրաքանչյուր ժամանումից առաջ կարող եք փոխել կոդը և հյուրին ուղարկել իր եզակի համարը։
Պարբերաբար համոզվեք, որ բոլոր համակարգերը աշխատում են։ Անկախ նրանից՝ սարքերի միջոցով, թե անձամբ եք դիմավորում հյուրերին, խորհուրդ ենք տալիս ունենալ պահեստային բանալիով մինի-սեյֆ։