Ստեղծեք ձեր պրոֆիլը

Երբ դիմում ներկայացնեք, և հաստատվի ձեր համապատասխանությունը պահանջներին, դուք կկարողանաք պրոֆիլ ստեղծել փորձառու համահյուրընկալողների ծառայությունների հարթակում։ Երբ ձեր պրոֆիլը հրապարակվի, մոտակայքում գտնվող և օգնություն փնտրող հյուրընկալողները կկարողանան ուղիղ կապ հաստատել ձեզ հետ։

Պրոֆիլը լավագույն մարկետինգային գործիքն է։ Հետևյալ հինգ քայլերը կօգնեն ունենալ հմայիչ պրոֆիլ․

1. Ավելացրեք ձեր լուսանկարը։ Հիանալի լուսանկարը կարևոր առաջին քայլն է։

2. Ընտրեք ցուցադրվող անուն։ Խորհուրդ ենք տալիս օգտագործել միայն անունը։

3. Լրացրեք ձեր կենսագրությունը։ Ներկայացրեք ձեզ և հյուրընկալման վերաբերյալ ձեր մոտեցումը։ Նկարագրեք ձեր ծառայությունները, հմտությունները և շարժառիթները։

4. Սահմանեք ձեր ծառայությունների ստանդարտ վճարը։ Դուք եք ընտրում վճարը, որը պետք է համաձայնեցնեք յուրաքանչյուր հյուրընկալողի հետ։

5. Ընտրեք ձեր ծառայությունների մատուցման տարածաշրջանը։ Ավելացրեք այն վայրերը, որտեղ կարող եք մատուցել համահյուրընկալման ծառայություններ։

«Ես նախընտրում եմ աշխատել իմ տնից 15 րոպե հեռավորության վրա գտնվող սեփականություններում, քանի որ ինքս եմ մասնակցում շատ աշխատանքների»,- ասում է Քեթի Քեյը՝ Հյուրընկալողների խորհրդի անդամ Կալիֆոռնիայի Լեյք Էռոուհեդ քաղաքում։ «Ես յուրաքանչյուր տարածք այցելում եմ շաբաթական մի քանի անգամ, ուստի դա կարևոր է»։

Որպես կանոն՝ առավել արդյունավետ են պրոֆիլների այն լուսանկարները, որոնք ունեն հետևյալ հատկությունները՝

• դուք լուսանկարում պատկերված միակ մարդն եք՝ կադրի կենտրոնական մասում 

• ուղղահայաց դիրք՝ եզրատման համար տեղով 

• հասարակ ֆոն՝ բնական լուսավորությամբ (կարելի է դրսում ստվերի ներքո)

• լավ որակ (ավելի քան 800 պիքսել) 

• ոչ սելֆի (ինչ-որ մեկին խնդրեք լուսանկարել ձեզ կամ օգտագործեք ժամաչափ)

Պարզ ասած՝ խուսափեք լուսաբռնկիչով լուսավորումից, ետնալույսերից, պատկերանշաններից և չափազանց լայն նկարներից։

Ահա թե ինչպես ձեր տարածաշրջանում հյուրընկալողները կկարողանան գտնել ձեզ.

1. Հյուրընկալողները փորձառու համահյուրընկալողների նպատակային էջում հպում կամ սեղմում են «Գտնել մոտակայքում համահյուրընկալողի» կոճակը և լրացնում են իրենց տարածքի հասցեն։

2. Եթե մոտակայքում եք, հյուրընկալողները կարող են հայտնաբերել ձեր պրոֆիլը՝ ներառյալ անունը, լուսանկարը, կենսագրությունը և վճարը։

3. Հյուրընկալողներն օգնություն խնդրելու համար հաղորդագրություն են ուղարկում մեկ կամ մի քանի փորձառու համահյուրընկալողի։

Airbnb-ն նաև օգտագործում է թվային գովազդ և թիրախային էլեկտրոնային նամակներ՝ հյուրընկալողներին փորձառու համահյուրընկալողների մասին տեղեկացնելու համար։

Այս հոդվածում պարունակվող տեղեկությունները կարող են փոխված լինել հրապարակումից հետո։