Ստեղծեք ուղեցույց, որտեղ կկիսվեք տեղացիների խորհուրդներով

Հյուրերին օգնեք հատուկ ճանապարհորդական թվային ուղեցույցի օգնությամբ ծանոթանալ ձեր տարածքին։
Հեղինակ՝ Airbnb, ամսաթիվ՝ 29 հոկ, 2019 թ.
2 րոպե ընթերցում
Թարմացվել է՝ 6 դեկ, 2021 թ.

Առանձնահատկություններ

  • Ստեղծեք թվային ուղեցույց՝ ձեր տարածաշրջանի մասին անձնական խորհուրդներով կիսվելու համար
  • Ամրագրումից հետո հյուրերին կարող եք ուղարկել ձեր ուղեցույցը, որպեսզի նրանք նախապես պլանավորեն

  • Իմացեք ավելին՝ ծանոթանալով հաջողակ հայտարարություն ստեղծելու մեր ամբողջական ուղեցույցին

Շատ հյուրընկալողներ իրենց հյուրերին առաջարկում են տեղական այցելության վայրեր, օրինակ՝ սուրճ ըմպելու կամ անմոռանալի ընթրիք վայելելու։ Ամեն հյուրի համար խորհուրդներ գրելու փոխարեն Airbnb-ում թվային ուղեցույց ստեղծելը կօգնի ժամանակ խնայել՝ մեկտեղելով ձեր խորհուրդները։

Հյուրերը կարող են ձեր ուղեցույցը մուտք գործել իրենց «Ուղևորություններ» ներդիրից և ձեր հայտարարությունից, կամ կարող եք այն ուղղակիորեն նրանց ուղարկել հաղորդագրության միջոցով՝ օգտագործելով մեր «Կիսվել խորհուրդներով» գործիքը։ Ահա թե ինչպես առավելագույնս օգտվել ուղեցույցից, որպեսզի կարողանաք ցուցադրել ձեր շրջակայքն ու հյուրերին առաջարկել իսկական, յուրահատուկ փորձառություն։

Ի՞նչ է ուղեցույցը

Ուղեցույցը հյուրերին հատուկ ընտրված տեղեկություններ հաղորդելու հնարավորություն է, որն ընդգծում է ձեր հյուրընկալությունն ու ներկայացնում է տեղական համայնքի առաջարկները։ Կարող եք ստեղծել անհատականացված ուղեցույց Airbnb-ում, որպեսզի հյուրերն այն ունենան իրենց տրամադրության տակ։

Դուք եք որոշում՝ ինչ խորհուրդներ տալ, ուրեմն մտածեք, թե ճանապարհորդ լինելու դեպքում ինչ առաջարկներ կուզենայիք ստանալ։ Հյուրերը հաճախ գնահատում են ճաշելու, տեսարժան վայրերի, եզակի խանութների և բացօթյա հետաքրքիր միջոցառումների վերաբերյալ խորհուրդները։

5 խորհուրդ հիանալի ուղեցույց ստեղծելու համար

1. Կարճ գրեք։ Հյուրերը հեշտությամբ կծանոթանան ձեր առաջարկներին, եթե դրանք համառոտ լինեն։ Օգնեք հյուրերին հասկանալ, թե ինչ է իրենից ներկայացնում առաջարկվող վայրը կամ փորձառությունը։
2. Կիսվեք անձնական փորձով։ Անձնական գիտելիքներն ու փորձը ավելի արժեքավոր են դարձնում խորհուրդները։ Ամենալավ տարբերակն այն է, որ առաջարկեք միայն այն վայրերը, որոնք անձամբ ձեզ են դուր եկել։
3.
Նշեք տարբերակիչ առանձնահատկությունները։ Անպայման ներառեք յուրահատուկ կամ ուշագրավ առանձնահատկությունները, օրինակ՝ ռեստորանի բացօթյա գեղեցիկ պատիոն կամ խանութում առկա տեղական ապրանքների հատուկ բաժինը։
4. Ներառեք լուսանկար։ Ուղեցույցն ավելի գրավիչ դարձնելու համար կարող եք հնարավորության դեպքում վերբեռնել լուսանկար յուրաքանչյուր վայրի համար, որն առաջարկում եք։
5. Թարմացրեք այն։ Ժամանակ առ ժամանակ վերանայեք ուղեցույցը, որպեսզի բոլոր տեղեկությունները մշտապես ճշգրիտ լինեն, և ավելացրեք նոր առաջարկներ։

    Ինչպես ստեղծել անհատականացված ուղեցույց

    Ունեք մեկից ավելի հայտարարություննե՞ր

    Ուղեցույցները կապված են հյուրընկալողի ձեր հաշվի, ոչ թե առանձին հայտարարության հետ (ինչն օգտակար է մի քանի սենյակ կամ տուն առաջարկող հյուրընկալողների դեպքում)։ «Այժմ կարող եմ ստեղծել մեկ միասնական ուղեցույց իմ բոլոր երեք հայտարարությունների համար»,- ասում է սուպերտանտեր Էննը Մեն նահանգի Սեջվիք քաղաքից։

    Որտեղ են հյուրերը տեսնելու ձեր ուղեցույցը

    Հյուրերը կարող են ուղեցույց մուտք գործել ձեր հայտարարության և պրոֆիլի էջերից, ինչպես նաև՝ բացելով իրենց «Ուղևորություններ» ներդիրը, որտեղ այն ավտոմատ կցուցադրվի ամրագրման հաստատումից հետո։

    Կարող եք ուղեցույցը տրամադրել նաև հյուրերի հետ հաղորդագրություններ փոխանակելիս։ Դա կարելի է հեշտությամբ անել՝ Հյուրընկալողի փոստում հպելով Կիսվել խորհուրդներով պատկերակին։ Այս գործիքը նաև թույլ է տալիս առաջարկել տեղական Airbnb փորձառություններիհատուկ ընտրանի։

    Մենք գիտենք, որ դուք սարեր եք շուռ տալիս, որպեսզի ապահովեք հիշարժան այցեր, և հուսով ենք՝ թվային ուղեցույցը ձեզ կօգնի ֆանտաստիկ տեղական միջոցառումներ առաջարկել հյուրերին։

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Ստեղծեք թվային ուղեցույց՝ ձեր տարածաշրջանի մասին անձնական խորհուրդներով կիսվելու համար
    • Ամրագրումից հետո հյուրերին կարող եք ուղարկել ձեր ուղեցույցը, որպեսզի նրանք նախապես պլանավորեն

    • Իմացեք ավելին՝ ծանոթանալով հաջողակ հայտարարություն ստեղծելու մեր ամբողջական ուղեցույցին

    Airbnb
    29 հոկ, 2019 թ.
    Հոդվածն օգտակա՞ր էր։