Արագ պատասխանների օգտագործում ժամանակ խնայելու նպատակով

Airbnb սերվիսներ ամրագրող հյուրերի մեծ մասը նախ հաղորդագրություն է ուղարկում հյուրընկալողին։ Կարող եք պատասխանել հաճախ տրվող հարցերի, խրախուսել ամրագրումները և արագ հաղորդակցվել «Հաղորդագրություններ» ներդիրում առկա արագ պատասխանների միջոցով։

Արագ պատասխանը կարճ, նախապես գրված հաղորդագրություն է, որը ձևանմուշի տեսքով պահվում է հաղորդագրման կարգավորումներում։

Մանրամասների տեղապահները (օրինակ՝ հյուրի անվան) անհատականացնում են յուրաքանչյուր հաղորդագրություն՝ լրացնելով հայտարարության կամ ամրագրման տվյալները։

Կարող եք ստեղծել սեփական արագ պատասխանները և օգտագործել Airbnb-ի ձևանմուշները սերվիսների հյուրընկալողների համար։ Օրինակ՝ եթե նախքան հյուրերի ամրագրումները հաճախ եք պատասխանում առաջարկի վերաբերյալ նմանատիպ հարցերի, փորձեք ձեր ստանդարտ պատասխանը պահել արագ պատասխանի տեսքով։

Մտածեք հյուրերի հետ հաղորդագրություններ փոխանակելիս արագ պատասխաններ ուղարկելու և կարևոր պահերին ավտոմատ ուղարկվող արագ պատասխաններ պլանավորելու մասին։

Հյուրին անմիջապես արագ պատասխան ուղարկելու համար՝

• Բացեք «Հաղորդագրություններ» ներդիրը։
• Ընտրեք նամակագրությունը, որին ցանկանում եք պատասխանել։
• Գրել հաղորդագրություն կետի կողքին հպեք պլյուսի նշանին (+)։
• Ընտրեք Ուղարկել արագ պատասխան։
• Ընտրեք արագ պատասխան, որը հայտնվում է ձեր նամակագրությունում։
• Խմբագրեք հաղորդագրությունը կամ ուղարկեք այնպես, ինչպես կա։
• Հաղորդագրությունն ուղարկելու համար հպեք սլաքին (↑)։

«Հաղորդագրություններ» ներդիրում կան նաև առաջարկվող պատասխաններ, որոնք հյուրի հարցը հասկանալու համար օգտագործում են արհեստական բանականություն և դրան պատասխանելու համար առաջարկում ձեր արագ պատասխաններից մեկը։ Առաջարկը երևում է ձեր նամակագրությունում, որտեղ միայն դուք կարող եք տեսնել այն։ Նախքան ուղարկելը կարող եք փոփոխել արագ պատասխանը կամ գրել այլ պատասխան։

Բոլոր հյուրերին ավտոմատ կերպով արագ պատասխան ուղարկելու համար՝

• Բացեք «Հաղորդագրություններ» ներդիրը։
• Էկրանի վերին մասում հպեք կարգավորումների պատկերակին։
• Հպեք Կառավարել արագ պատասխանները։
• Ընտրեք այն արագ պատասխանը, որն ուզում եք պլանավորել, և հպեք Հաջորդ։
• Հպեք Պլանավորել և ընտրեք, թե երբ եք ուզում, որ հյուրերը ստանան հաղորդագրությունը, օրինակ՝ ամրագրումից 5 րոպե հետո կամ սերվիսի ավարտից 2 ժամ հետո։

Դուք հիշեցում կտեսնեք հյուրի հետ ձեր նամակագրությունում, երբ մոտենա պլանավորված արագ պատասխանի ժամանակը։ Կարգավորեք կամ բաց թողեք հաղորդագրությունն ուղարկելը, եթե այն կրկնում է արդեն տրամադրված տեղեկություններ։

Արագ պատասխանն առավել արդյունավետ է, երբ այն հակիրճ է և կենտրոնացած է մեկ թեմայի վրա։ Դա կարող է լինել բացատրություն, թե ինչպես ավելացնել հյուրերի թիվը, կատարել հատուկ խնդրանքներ և նախօրոք պլանավորել գործողություններն արտակարգ իրավիճակներում։

Փորձեք պլանավորել արագ պատասխաններ հետևյալ առանցքային պահերի համար․

Ամրագրման հաստատում

Ողջունեք և ստացեք մանրամասներ, որոնք կօգնեն ձեր առաջարկները հարմարեցնել հյուրերի կարիքներին։ Օրինակ՝ լուսանկարիչը կարող է հարցնել.

• Ի՞նչ առիթով է ֆոտոսեսիան։ 
• Ո՞ր կադրերն են կարևոր նկարահանման համար։

Եթե համահյուրընկալողն է մատուցելու սերվիսը, կամ օգնական է միանալու ձեզ, անպայման ներկայացրեք նրան և նրա որակավորումները։

Սերվիսից առաջ

Հյուրերին հիշեցրեք ձեր ժամանման ժամն ու հանդիպման վայրը և տվեք խորհուրդներ՝ սերվիսից առավելագույնս օգտվելու համար։ Օրինակ՝ անձնական մարզիչը կարող է տրամադրել բացօթյա միջոցառումների և սեզոնային եղանակի համար խորհուրդ տրվող հագուստի կարճ ցուցակ։

Սերվիսից հետո

Շնորհակալություն հայտնեք հյուրերին ամրագրման համար։ Նրանց հորդորեք թողնել հրապարակային կարծիք, որը կարող է օգնել ուրիշներին որոշել, թե արդյոք սերվիսը համապատասխանում է իրենց կարիքներին։ Հարցրեք նրանց կարծիքը, նաև կոնկրետ գաղափարներ այն մասին, թե ինչպես կարող էիք է՛լ ավելի լավը դարձնել միասին անցկացրած ժամանակը։

Արագ պատասխանների հետ լուսանկարներ կամ տեսանյութեր ուղարկելը կօգնի ներկայացնել ձեզ, ստեղծել անհատականացված առաջարկներ և հիշարժան պահերով կիսվել հյուրերի հետ։ Օրինակ՝ շեֆ խոհարարը կարող է ուղարկել ճաշացանկի մի օրինակի լուսանկար։

Ամրագրումների հաստատումից հետո ցանկացած ժամանակ կարող եք ֆայլեր կցել հաղորդագրություններին։ Լուսանկարներն ուղարկեք PNG կամ JPG ձևաչափով (մինչև 50 ՄԲ), իսկ տեսանյութերը՝ MP4 կամ MOV ձևաչափով (մինչև 100 ՄԲ և 60 վայրկյան տևողությամբ)։

Գտնվելու վայրից կախված՝ օգտատիրոջ փորձառությունը կարող է տարբեր լինել։ Այս հոդվածում պարունակվող տեղեկությունները կարող են փոխված լինել հրապարակումից հետո։