Ստացեք առաջին 5 աստղանի կարծիքը

Գնահատականներն ու կարծիքները հրապարակվում են ձեր հայտարարության մեջ՝ օգնելով հյուրերին որոշել, թե արդյոք ձեր սերվիսը հարմար է իրենց։ Հյուրերի դրական արձագանքներն օգնում են ձեզ Airbnb-ում ստեղծել ձեր ապրանքանիշը և կարող են հանգեցնել ավելի շատ ամրագրումների և ավելի բարձր եկամուտների։

Հյուրերին առաջարկվում է կարծիք գրել սերվիսի ավարտից անմիջապես հետո։ Նրանց կարծիքն օգնում է մատուցել ամենաբարձր որակի սերվիս։ Նրանցից պահանջվում է տրամադրել՝

• Ընդհանուր գնահատական։ Հյուրերը գնահատում են ձեր սերվիսը 1-5 աստղանի սանդղակով։ Ձեր միջին ընդհանուր գնահատականը ցուցադրվում է հայտարարության մեջ, որոնման արդյունքներում և ձեր պրոֆիլում։
• Մանրամասն գնահատականներ։ Հյուրերն ավելի կոնկրետ կարծիքներ են տրամադրում՝ գնահատելով հյուրընկալությունը, հուսալիությունը և գին/որակ հարաբերակցությունը։ Եթե սերվիս եք մատուցում ձեր ընկերության կամ հանրային տարածքում, օրինակ՝ վարսահարդարում գեղեցկության սրահում կամ յոգայի դասընթաց լողափում, ապա նրանցից պահանջվում է նաև գնահատել տվյալ վայրը։
• Հրապարակային կարծիք։ Այն ցուցադրվում է ձեր պրոֆիլում և հայտարարության կարծիքների բաժնում։ Եթե պատասխանեք հրապարակային կարծիքի, ձեր պատասխանը կերևա դրա տակ։
• Անձնական նշում։ Այս կարծիքը չի ցուցադրվում ձեր հայտարարության մեջ․ այն միայն ձեզ համար է։

Երբ ստանաք ձեր առաջին 3 կարծիքները, կարգելաբացեք հյուրերի կարծիքների վերաբերյալ գաղափարներ։ Օգտվեք ընտրացանկից՝ Airbnb հավելվածի «Գաղափարներ» բաժին մուտք գործելու համար։

Airbnb-ի հյուրընկալման գործիքները կօգնեն գերազանցել հյուրերի ակնկալիքները։

Մատուցեք հիանալի սերվիս։ Մտածեք, թե ինչպես անհատականացնել ձեր առաջարկները, որպեսզի հյուրերն զգան ձեր հոգատարությունը և ջերմ ընդունելությունը։

• Հյուրերի հետ հաղորդակցվեք «Հաղորդագրություններ» ներդիրում՝ նրանց նախասիրությունների մասին հարցնելու, հարցերին պատասխանելու և անհատականացված առաջարկներ ստեղծելու համար։
• Կիրառեք արագ պատասխաններ՝ ամրագրումից հետո ողջույնի հաղորդագրությունը և լրացուցիչ նամակը հեշտությամբ անհատականացնելու և ուղարկելու համար։
• Ներառեք լրացուցիչ դետալներ, որոնք կարող են ձեր առաջարկն է՛լ ավելի յուրահատուկ դարձնել։

Համոզվեք, որ ամեն ինչ հարթ է ընթանում։ Ցույց տվեք, որ հուսալի եք՝ լինելով պատրաստված, սահմանելով հստակ ակնկալիքներ և արագորեն պատասխանելով հյուրերի հաղորդագրություններին յուրաքանչյուր սերվիսից առաջ և հետո։

• Նախապես պատրաստեք բոլոր պարագաները և, եթե դուք եք ուղևորվում հյուրի մոտ, հաշվի առեք ճանապարհի տևողությունը՝ ժամանակին հասնելու համար։ Օգտվեք Airbnb-ի օրացույցից՝ ամրագրումների միջև ընկած ժամանակահատվածը պլանավորելու համար՝ ուղևորությունների և կարգավորման նպատակով։
• Պլանավորեք ուղարկվելիք հաղորդագրությունները որոշակի ժամերի, օրինակ՝ սերվիսի նախորդ օրը, որպեսզի հյուրն իմանա, թե ինչ ակնկալել։
• Միացրեք ծանուցումները Airbnb հավելվածում և ձեր սարքի կարգավորումներում՝ հաղորդագրություններին հետևելու համար։
• Եթե սերվիս եք մատուցում մեկ ուրիշի տանը, տարածքը թողեք այնպես, ինչպես ձեզ տրվել է։

Առաջարկեք ձեռնտու գին/որակ հարաբերակցություն։ Մրցակցային գինը կարևոր գործոն է գին/որակ հարաբերակցության հարցում։ Դուք կարող եք սահմանել գները կամ ավելացնել զեղչեր Հայտարարությունների ներդիրում։

• Ավելացրեք տարբեր գներով առնվազն 3 առաջարկ, որպեսզի հյուրերն ավելի շատ տարբերակներ ունենան, իսկ դուք կարողանաք ստանալ ձեր նպատակային եկամուտները։ Լավագույն գործելակերպը նախնական, ստանդարտ և հավելավճարային գներով առաջարկներ տրամադրելն է։
• Սկսեք փոքր-ինչ ցածր գնից և վերագնահատեք այն՝ Airbnb-ում բարձր գնահատականների և կարծիքների միջոցով հեղինակություն ստեղծելուց հետո։
• Ավելացրեք սահմանափակ ժամկետով, վաղ ամրագրման և մեծ խմբերի զեղչեր՝ հյուրեր գրավելու նպատակով։
• Մրցունակ լինելու համար Airbnb-ում և այլ հարթակներում փնտրեք ձեր սերվիսի նման սերվիսներ՝ տեղական գները համեմատելու համար։

Բացի հյուրընկալության վերաբերյալ այս խորհուրդներից՝ նաև հաշվի առեք Airbnb-ի Հիմնական կանոնները հյուրընկալողների համար և Հյուրընկալման անվտանգության կանոնները։ Դրանք սահմանում են անվտանգ, բարձրորակ սերվիսների մատուցման հիմնական ակնկալիքները։

Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb սերվիսների համար սահմանված ստանդարտներին և պահանջներին։

Այս հոդվածում պարունակվող տեղեկությունները կարող են փոխված լինել հրապարակումից հետո։