Ավելի շատ հյուրեր գրավելու 3 միջոց

Ավելի մեծ ճկունություն առաջարկելու դեպքում ձեր հայտարարությունը կհայտնվի որոնման ավելի շատ արդյունքներում։ Գրավեք հնարավորինս շատ հյուրերի՝ ընդարձակելով ձեր սպասարկման տարածքը և տրամադրելով տարբեր գներ և աշխատանքային ժամեր։

Անպայման ավելացրեք բոլոր ժամերը, երբ կարող եք հյուրընկալել։ Հասանելիությունը փոփոխելիս ավելացրեք աշխատանքային ժամեր և ընտրեք ազատ ամսաթվերի պատուհան։ Հյուրերը կարող են գտնել միայն այն սերվիսները, որոնց համար երկուսն էլ նշված են։

«Հայտարարություններ» ներդիրում՝

• Սահմանեք աշխատանքային ժամեր։ Աշխատանքային ժամերը ձեր հասանելիության ժամերն են, երբ հյուրերը տեսնում են, որ կարող են ամրագրել ձեր սերվիսը։ Կարող եք յուրաքանչյուր առաջարկի համար ավելացնել նույն ժամերը կամ տարբեր ժամեր յուրաքանչյուրի համար։ Հաշվի առեք պիկ ժամերը․ օրինակ՝ ամենապահանջված ժամերը կարող են անձնական մարզիչների համար լինել առավոտները, իսկ մասնավոր շեֆ խոհարարների համար՝ երեկոները։
• Մուտքագրեք ազատ ամսաթվերի պատուհան։ Ընտրեք՝ արդյոք հյուրերը կարող են ամրագրել 3, 6, 9, 12 կամ 24 ամիս առաջ։ Կարող եք յուրաքանչյուր առաջարկի համար փոփոխել սա։

Ձեր օրացույցում՝

• Հստակեցրեք ձեր հասանելիությունը։Կարող եք ավելացնել ձեր սովորական աշխատանքային ժամերից դուրս ժամեր և արգելափակել այն ժամերը, երբ չեք կարող աշխատել։ Ցանկացած արգելափակված ժամ վերաբերում է բոլոր առաջարկներին։
• Համաժամացրեք օրացույցները։ Կապակցեք ձեր Airbnb և Google օրացույցները։ Ձեր Google օրացույցում բոլոր իրադարձությունները կարգելափակեն այդ ժամերն Airbnb օրացույցում։

Ավարտելուց հետո նախադիտեք հայտարարությունը, որպեսզի ստուգեք ձեր հասանելիությունը և տեսնեք, թե ինչ է երևալու հյուրերին։

Լավ կլինի տրամադրել նախնական, ստանդարտ և հավելավճարային գներով առնվազն 3 առաջարկ՝ մրցունակ մնալու և ավելի շատ հյուրեր գրավելու համար։ Տարբեր գները կարող են հանգեցնել ավելի մեծ եկամտի և ավելի շատ կարծիքների։ Օրինակ՝ հյուրերը սովորաբար պատրաստ են վճարելու 52-ից 95 ԱՄՆ դոլար 3 ուտեստից բաղկացած սննդի համար, 54-ից 96 ԱՄՆ դոլար սպա ծառայությունների համար կամ 46-ից 75 ԱՄՆ դոլար նկարահանման համար։*

• Ներառեք նախնական առաջարկ։ Հյուրերը որոնման արդյունքներում տեսնում են ձեր ամենաէժան առաջարկը։ Մատչելի գնով առաջարկը կօգնի գրավել նոր հյուրերի և հետաքրքրություն առաջացնել ձեր մյուս առաջարկների նկատմամբ։
• Տրամադրեք անհատականացված առաջարկներ։ Նախքան հյուրի ամրագրումը «Հաղորդագրություններ» ներդիրում ուղարկեք անհատականացված առաջարկներ՝ վճարման հայտով։ Օրինակ՝ եթե առաջարկում եք անհատական մարզումներ, հյուրը կարող է հարցնել, թե արդյոք կարող եք անցկացնել մարզում վաղ առավոտյան կամ ճանապարհորդել ձեր սպասարկման տարածքից դուրս։ 
• Անհատականացրեք փոփոխությունների միջոցով։Հյուրի ամրագրումից հետո կարող եք «Հաղորդագրություններ» ներդիրում ուղարկել նաև գնի փոփոխություն։ Օրինակ՝ հյուրը գուցե ցանկանա անհատականացնել իրեն առաջարկվող սերվիսը՝ ավելացնելով ֆրանսիական մանիկյուր մատնահարդարման սերվիսում կամ կոնկրետ բաղադրիչ իր ուտեստի մեջ։ 
• Ավելացրեք նվազագույն գին։ Եթե որոշել եք գին նշել յուրաքանչյուր հյուրի համար, կարող եք նվազագույն գին սահմանել յուրաքանչյուր ամրագրման համար։ Սա կարող է օգտակար լինել այն սերվիսների համար, որտեղ խմբերն ընդհանուր են, օրինակ՝ քեյթրինգի կամ պատրաստի ուտեստների դեպքում։ Օրինակ՝ եթե հյուրն ուզում է 50 ԱՄՆ դոլարի առաջարկ ամրագրել 2 հյուրի համար, իսկ ձեր նվազագույն արժեքը 120 ԱՄՆ դոլար է, ապա ամրագրելու համար նա պետք է վճարի 120 ԱՄՆ դոլար։
• Առաջարկեք զեղչեր։ Կարող եք ավելացնել սահմանափակ ժամկետով, վաղ ամրագրման և մեծ խմբի զեղչեր, որպեսզի հյուրերին շահագրգռեք ամրագրել։ Եթե զեղչ կիրառեք, հյուրերը որոնման արդյունքներում և հայտարարության մեջ կտեսնեն ձեր սկզբնական գինը՝ վրագծմամբ ցուցադրված։

Մտածեք՝ արդյոք դուք եք գնալու հյուրերի մոտ, հյուրերն են գալու ձեզ մոտ, թե և՛ մեկը, և՛ մյուսը։ Եթե հյուրերն են գալու ձեզ մոտ, նկատի ունեցեք, որ նրանք ձեզ կգտնեն միայն այն դեպքում, եթե որոնեն սերվիսներ ձեր գտնվելու վայրի մոտակայքում։

Եթե դուք եք այցելում հյուրերին․

• Սահմանեք ձեր սպասարկման տարածքը։ Որոնման ավելի շատ արդյունքներում հայտնվելու համար անպայման ձեր սպասարկման տարածքին ավելացրեք հնարավոր բոլոր քաղաքները, թաղամասերը կամ փոստային դասիչները։
• Նշեք ճկունությունը։ Ձեր տարածքի նկարագրության մեջ կարող եք նշել այն տարածաշրջանները, ուր պատրաստ եք ժամանակ առ ժամանակ ճանապարհորդելու, կամ ուր հյուրերը կարող են հասնել, եթե գտնվում են ձեր սպասարկման տարածքից դուրս։

Եթե հյուրն է գալու ձեզ մոտ․

• Հաստատեք ձեր հասցեն։ Ձեր հայտարարությունը դիտող հյուրերը կտեսնեն մինչև ձեր գտնվելու վայրը եղած հեռավորությունն ու ճամփորդության տևողությունը։
• Նշեք ձեր ընկերության անվանումը։ Դա հյուրերին կօգնի գտնել ձեզ, երբ ժամանեն։
• Ավելացրեք պրոֆեսիոնալ լուսանկարներ։ Անկախ այն բանից՝ հյուրընկալում եք սպա կենտրոնում, մարզասրահում, սրահում կամ որևէ այլ տեղ, գտնվելու վայրի լուսանկարները ցույց են տալիս ձեր սերվիսի որակը և հյուրերին օգնում են գտնել ձեզ։

*Հիմնված է ԱՄՆ-ում 2025 թվականի մարտին ավելի քան 700 Airbnb հյուրերի և առաջին անգամ հավանական ամրագրողների շրջանում անցկացված առցանց հարցման վրա։

Գտնվելու վայրից կախված՝ օգտատիրոջ փորձառությունը կարող է տարբեր լինել։ Այս հոդվածում պարունակվող տեղեկությունները կարող են փոխված լինել հրապարակումից հետո։