Ինչպես գերազանցել հյուրերի ակնկալիքները

Բարձր գնահատականների և դրական կարծիքների շնորհիվ կարող եք ավելի շատ ամրագրումներ և ավելի բարձր եկամուտ ունենալ։ Հյուրերի կարծիքները հաշվի առնելով՝ շարունակեք բարելավել ձեր սերվիսը։

«Գաղափարներ» բաժնում ներկայացված են ձեր ընդհանուր գնահատականը, հրապարակային կարծիքները, անձնական գրառումները և հյուրընկալության, գտնվելու վայրի (կիրառելիության դեպքում), հուսալիության և գին/որակ հարաբերակցության վերաբերյալ մանրամասն գնահատականները։

Հյուրերը գնահատում են ձեր հոգատարությունը և ջերմ ընդունելությունը։ Առավելագույն ջանքեր գործադրեք՝ բարձրորակ առաջարկ ներկայացնելու և նրանց կարիքները կանխատեսելու համար։

• Ամրագրումը հաստատելուց հետո կապվեք հյուրերի հետ։Հաղորդագրություն ուղարկեք հյուրերին և հարցրեք նրանց նախասիրությունների մասին, որպեսզի կարողանաք անհատականացնել սերվիսը։ Քեյթրինգի մատուցողը կարող է հարցնել միջոցառման տեսակի, սննդային ալերգիաների կամ սննդակարգի սահմանափակումների մասին։
• Տրամադրեք կարևոր մանրամասներ։ Նախքան սերվիսն սկսելը համոզվեք, որ հյուրերն ունեն կարևոր տեղեկություններ, այդ թվում՝ ով է տրամադրելու սերվիսը՝ դո՞ւք, թե՞ համահյուրընկալողը։ Հնարավոր է, որ լուսանկարիչը կիսվի նաև եղանակի մանրամասն կանխատեսմամբ և հագուստի հետ կապված նկատառումներով։
• Հաշվի առեք հյուրի տեսանկյունը։ Որոշ մարդիկ կարող են նորեկ լինել ձեր քաղաքում կամ երկրում։ Հնարավոր է՝ նրանք ունենան լրացուցիչ օգնության կարիք, որպեսզի կարողանան կողմնորոշվել տեղանքում կամ հասկանալ տեղական սովորույթները։ Ձգտեք լինել ջերմ ու օգտակար և հաղորդակցվել հարգալից։
• Բերեք լրացուցիչ պարագաներ։ Պատրաստ եղեք հնարավոր խնդիրների, օրինակ՝ եթե գործիքները կամ սարքավորումները կոտրվեն, կամ հյուրը մոռանա որևէ կարևոր իր։ Անձնական մարզիչը կարող է փաթեթավորել յոգայի պահեստային գորգերը։
• Շարունակեք շփումը սերվիսից հետո։ Ուղարկեք հաղորդագրություն՝ հյուրերին շնորհակալություն հայտնելու և հետագա քայլերին անդրադառնալու համար։ Օրինակ՝ նշեք օրը, երբ լուսանկարները պատրաստ կլինեն, կամ ուղարկեք հյուրերին դուր եկած ուտեստի բաղադրատոմսը։

Եթե սերվիս եք հյուրընկալում ձեր ընկերության կամ հանրային տարածքում, ապա հյուրերին կառաջարկվի գնահատել տվյալ վայրը։ Բժիշկ-կոսմետոլոգը կարող է դեմքի բուժումն իրականացնել իր սպա սրահում։ Լուսանկարիչը կարող է ֆոտոսեսիա առաջարկել այգում։ Հյուրերը գնահատում են մաքուր և լավ կահավորված տարածքները։

• Կենտրոնացեք հյուրերի հարմարավետության վրա։ Անվտանգ և մաքուր տարածքում հյուրն իսկապես կվայելի սերվիսը։ Մերսողը պետք է կատարյալ մաքրություն ապահովի սպա կենտրոնում, որպեսզի հյուրերը կարողանան լիցքաթափվել խորը հյուսվածքների մերսման ընթացքում։
• Ուղարկեք ցուցումներ, թե ինչպես հասնել։ Հստակորեն նշեք, թե հյուրերն ինչ կարող են ակնկալել ձեր տեղադրությունից, և թե որտեղ եք հանդիպելու։ Մտածեք կայանատեղիի և հասարակական տրանսպորտի հետ կապված հնարավոր խնդիրների մասին։ Ներառեք ժամանման հրահանգներ, եթե գտնվում եք համօգտագործվող տարածքում։ Հիշեք նաև հատուկ կարիքներով անձանց համար հասանելիության մասին։ Օրինակ՝ արդյո՞ք ձեր ֆոտոսեսիայի վայրը հարմար է անվասայլակի համար։ 

Հյուրերից չի պահանջվի կարծիք հայտնել տարածքի մասին, եթե սերվիսը մատուցում եք իրենց գտնվելու վայրում։

Հյուրերն ակնկալում են, որ հյուրընկալողն անթերի սերվիս է մատուցելու։ Սա նշանակում է, որ պետք է հստակ ակնկալիքներ սահմանել հյուրերի հետ, հաղորդակցվել ժամանակին ու հստակորեն, լինել կազմակերպված։

• Կարևորեք ճշգրտությունը։ Նկարագրությունները և լուսանկարները պետք է հստակորեն արտացոլեն այն, ինչ առաջարկում եք հյուրերին։ Վարսահարդարը կարող է նկարագրել իր օգտագործած միջոցներն ու տեխնիկաները և ներառել սանրվածքների և հյուսքերի լուսանկարներ։
• Արագ արձագանքեք։ Սահմանեք ձեր սովորական ժամերը Հայտարարությունների ներդիրում, որպեսզի հստակ լինի, թե երբ եք ազատ։ Միացրեք ծանուցումները Airbnb հավելվածում և ձեր սարքի կարգավորումներում, որպեսզի կարողանաք անմիջապես տեսնել հյուրերի հաղորդագրությունները և արագ արձագանքեք։
• Պլանավորեք նախօրոք։ Նախապես պատրաստեք բոլոր պարագաները, որպեսզի սերվիսն իրականացվի ըստ ժամանակացույցի։ Շեֆ խոհարարը կարող է նախապես կտրատել բանջարեղենը հյուրի տանը պատրաստվող ապուրի համար։
• Բերեք օգնականներ։ Կարող եք ունենալ համահյուրընկալող կամ օգնական, որը կօգնի անհրաժեշտության դեպքում, եթե հյուրընկալում եք մեծ խմբի կամ առաջարկում եք ավելի բարդ սերվիս։ Դուք պարտավոր եք հյուրերին տեղեկացնել, թե ձեզ հետ ով է լինելու սերվիսի ընթացքում։ Այս կերպ նրանք կարող են ցանկության դեպքում չեղարկել ամրագրումն առանց տուգանքի։
• Եղեք ճշտապահ։ Եթե ուղևորվում եք հյուրի գտնվելու վայրը, ուշադիր պլանավորեք ճանապարհը և հաշվի առեք երթևեկությունը։
• Հարգեք սեփականությունը։ Եթե սերվիս եք մատուցում մեկ ուրիշի տանը, համոզվեք, որ տարածքից հեռանալու պահին այն մնացել է նույն վիճակում, ինչ ձեր ժամանումից առաջ էր։

Հյուրերը փնտրում են բացառիկ գին/որակ հարաբերակցությամբ սերվիսներ։ Մտածեք, թե ինչպես ձեր առաջարկները դարձնել է՛լ ավելի առանձնահատուկ և հյուրերի վճարած գնին համապատասխան։

• Առաջարկեք մի շարք տարբերակներ։ Ավելացրեք տարբեր գներով առնվազն 3 առաջարկ, որպեսզի հյուրերն ընտրության ավելի շատ հնարավորություններ ունենան, իսկ դուք կարողանաք ստանալ ձեր ցանկալի եկամուտը։ Լավագույն գործելակերպը նախնական, ստանդարտ և պրեմիում մակարդակի գներով առաջարկներ կազմելն է։ Օրինակ՝ ԱՄՆ-ում լուսանկարիչը կարող է տրամադրել կես ժամ տևողությամբ ֆոտոսեսիա, որի արժեքը 50 ԱՄՆ դոլարից ցածր է, անհատականացված դիմանկարի ֆոտոսեսիա՝ 50 ԱՄՆ դոլարից մինչև 150 ԱՄՆ դոլար արժեքով, և ընտանեկան ֆոտոսեսիա՝ 150 ԱՄՆ դոլարից ավելի բարձր արժեքով։
• Անհատականացրեք ձեր առաջարկները։ Airbnb-ի հաղորդագրման գործիքները կօգնեն շփվել հյուրերի հետ՝ անհատականացնելով ձեր առաջարկները և սահմանելով հատուկ գներ։
• Մատուցեք գերազանց սերվիս։ Օգտագործեք բարձրորակ նյութեր և ավելացրեք լրացուցիչ նրբություններ, որոնք ձեր առաջարկը կդարձնեն է՛լ ավելի յուրահատուկ։ Կոսմետոլոգը կարող է անվճար եթերայուղ տրամադրել։

Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb սերվիսների համար սահմանված ստանդարտներին և պահանջներին։

Այս հոդվածում պարունակվող տեղեկությունները կարող են փոխված լինել հրապարակումից հետո։