Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    Ինչպես կիրառել հյուրընկալման լավագույն փորձը

    Արագ արձագանքելուց մինչև չեղարկումներից խուսափելը՝ ահա թե ինչի վրա է պետք կենտրոնանալ։
    Հեղինակ՝ Airbnb, ամսաթիվ՝ 16 դեկ, 2019 թ.
    3 րոպե ընթերցում
    Թարմացվել է՝ 14 մյս, 2021 թ.

    Առանձնահատկություններ

    • Արձագանքեք հյուրերի հաղորդագրություններին և պատասխանեք ամրագրման հետ կապված ցանկացած հաղորդագրության 24 ժամվա ընթացքում

    • Սահմանեք ամրագրման պահանջներ, որպեսզի ձեզ հարմար լինի ավելի շատ հյուրեր ընդունել

    • Խուսափեք չեղարկումներից՝ ձեր օրացույցը մշտապես արդիական պահելով

    • Ստացեք հիանալի կարծիքներ՝ հետևելով Airbnb-ի հյուրընկալության ստանդարտներին

    • Իմացեք ավելին՝ ծանոթանալով հաջողակ հայտարարություն ստեղծելու մեր ամբողջական ուղեցույցին

    Որպես Airbnb հյուրընկալող՝ ոչ միայն պարզապես եկամուտ կստանաք ձեր սեփականությունից, այլև կհանդիպեք հետաքրքիր մարդկանց ամբողջ աշխարհից։ «Մեր հյուրերի շարքում են եղել անօդաչու սարքեր պատրաստող, պրոֆեսիոնալ երգիչ-երգահան և կրկեսային կատարող»,- ասում են Կալիֆոռնիայի Օքլենդ քաղաքում հյուրընկալողներ Բևեռլին և Սյուզին։ «Դա իսկապես հարստացրեց մեր երկուսի կյանքը»։ Տարածքով կիսվելու հնարավորություն ունեցող ցանկացած անձ կարող է լինել Airbnb հյուրընկալող։ Պարզապես համոզվեք, որ պատրաստ եք բավարարել Airbnb-ի կողմից սահմանված հիմնական ստանդարտները՝ յուրաքանչյուր հյուրի համար հարմարավետ և հուսալի փորձառություն ապահովելու համար։ Ինչ են անում հիանալի հյուրընկալողները.

    24 ժամվա ընթացքում պատասխանեք ցանկացած հարցման և ամրագրման հայտի

    Հյուրերին արագ պատասխանելը ցույց է տալիս, որ դուք ուշադիր և հոգատար հյուրընկալող եք։ Կարևոր է 24 ժամվա ընթացքում պատասխանել ամրագրման հետ կապված հաղորդագրություններին։ Պատասխանների բարձր հաճախականությունը ոչ միայն մեծ հյուրընկալության նշան է, այլև սուպերտանտեր դառնալու չափանիշներից մեկը։

    Ներբեռնեք Airbnb հավելվածը, որպեսզի ցանկացած վայրից կարողանաք պատասխանել հաղորդագրություններին։ Թեպետ լավ է հյուրի ցանկացած հաղորդագրությանն արագ պատասխանելը, ձեր պատասխանների հաճախականությունը հիմնված է մասնավորապես ամրագրումների հետ կապված հաղորդագրություններին ի պատասխան ձեր գրածների վրա։

    Ընդունեք ամրագրման հայտերը

    Airbnb-ի տվյալները ցույց են տալիս, որ հյուրընկալողները հակված են ընդունելու ամրագրման հայտերի մեծամասնությունը, որոնք ստանում են իրենց ազատ ամսաթվերի համար։ Դուք կարող եք օգտագործել ձեր օրացույցում առկա ազատ ամսաթվերի կարգավորումները՝ արգելափակելու ցանկացած օր, երբ վստահ չեք, որ կարող եք հյուրընկալել։

    Եթե թվա, որ մերժում եք ամրագրման շատ հայտեր, Airbnb-ն կարող է ենթադրել, որ դուք հասանելի չեք հյուրընկալման համար, և կարող է դադարեցնել ձեր հայտարարության ցուցադրումը, մինչև ավելի շատ ժամանակ ունենաք։ Որպեսզի կարողանաք հնարավորինս շատ հայտեր ընդունել՝ ձեզ հարմարավետ զգալով յուրաքանչյուր ամրագրման ժամանակ, մտածեք այս ընտրանքների շուրջ.

    Խուսափեք չեղարկումներից

    Airbnb-ն շատ լուրջ է վերաբերվում չեղարկումներին։ Դրանք խանգարում են ոչ միայն հյուրերին, որոնց ճամփորդական պլանները կախված են ձեզանից, այլև խարխլում են վստահությունն ամբողջ համայնքում։ Այդ պատճառով, բացառությամբ հարգելի պատճառների, պետք է խուսափել չեղարկումներից։ Չեղարկելու ռիսկը նվազագույնի հասցնելու համար՝

    • Հետևեք, որ ձեր ազատ ամսաթվերը և գնանշումը միշտ արդիական լինեն
    • Ուշադիր եղեք հատուկ իրադարձությունների կամ տոների նկատմամբ, երբ գուցե ցանկանաք օգտագործել ձեր տարածքը անձնական նպատակներով կամ բարձրացնեք ձեր մեկ գիշերվա գինը
    • Եթե ինչ-ինչ պատճառներով ձեր օրացույցը լավ վիճակում չէ, կամ պարզապես նախընտրում եք հաստատել ցանկացած ամրագրման հայտ, մտածեքակնթարթային ամրագրումն անջատելու
    • մասին
    • Եթե ձեր տարածքի հայտարարությունն առկա է այլ կայքերում, միացրեք օրացույցի համաժամացման գործառույթը՝ կանխելու բազմաթիվ հյուրերի կողմից նույն ամսաթվերն ամրագրելը

    Պահպանեք բարձր ընդհանուր վարկանիշ

    Յուրաքանչյուր այցից հետո հյուրերը կարծիք կթողնեն ձեր մասին։ Դրական կարծիքներն օգնում են ձեզ ավելի շատ ամրագրումներ ստանալ և հնարավոր են դարձնում սուպերտանտիրոջ կարգավիճակ ստանալը։ Հիանալի կարծիքների արժանացած հյուրընկալողները կենտրոնանում են հետևյալի վրա.

    • Մաքրություն. հյուրերն ակնկալում են մաքուր և կոկիկ տարածք, որը նրանք տեսնում են ձեր հայտարարության լուսանկարներում։ Բավարար ժամանակ հատկացրեք հյուրերի այցերի միջև մաքրելու համար՝ հատկապես հաջորդական ամրագրումների դեպքում։
    • Հիմնական պարագաներ. հյուրերը գնահատում են ձեռքի տակ հիմնական պարագաներն ունենալը։ Airbnb-ն խորհուրդ է տալիս ապահովել զուգարանի թուղթ, ձեռքի և մարմնի օճառ, սպիտակեղեն ու սավաններ և առնվազն մեկ սրբիչ և բարձ՝ յուրաքանչյուր անձի համար։
    • Հայտարարության ճշգրիտ մանրամասներ. օգնեք ճանապարհորդներին որոշել՝ արդյոք ձեր տարածքը համապատասխանում է նրանց կարիքներին՝ տրամադրելով հստակ տեղեկություններ և պարտադիր մանրամասներ։
    • Սահուն ժամանում. ժամանման հստակ և պարզ գործընթացը կօգնի ձեր հյուրերին լավ զգալ ճամփորդական օրվանից հետո։
    • Արագ արձագանք. հյուրերը սիրում են իմանալ, որ իրենց այցի ամբողջ ընթացքում հասանելի եք։ Նախապես կապվեք՝ ժամանման մանրամասները համակարգելու համար։

    Բարձր ընդհանուր վարկանիշը պահպանելու վերաբերյալ լրացուցիչ խորհուրդների համար բացեք Հյուրընկալության էջը։

    Սրանք ընդհանրական խորհուրդներ են

    Airbnb-ն չի ակնկալում, որ յուրաքանչյուր ամրագրում կատարյալ կլինի սկզբից մինչև վերջ. դուք շատ բան կսովորեք և կզարգացնեք հյուրընկալման ոճը՝ փորձին զուգահեռ։ Հետևեք այս ուղեցույցներին. դրանով առաջին քայլը կանեք դեպի երջանիկ հյուրեր, դրական կարծիքներ և հյուրընկալության բերկրալի ուղի։

    Առանձնահատկություններ

    • Արձագանքեք հյուրերի հաղորդագրություններին և պատասխանեք ամրագրման հետ կապված ցանկացած հաղորդագրության 24 ժամվա ընթացքում

    • Սահմանեք ամրագրման պահանջներ, որպեսզի ձեզ հարմար լինի ավելի շատ հյուրեր ընդունել

    • Խուսափեք չեղարկումներից՝ ձեր օրացույցը մշտապես արդիական պահելով

    • Ստացեք հիանալի կարծիքներ՝ հետևելով Airbnb-ի հյուրընկալության ստանդարտներին

    • Իմացեք ավելին՝ ծանոթանալով հաջողակ հայտարարություն ստեղծելու մեր ամբողջական ուղեցույցին

    Airbnb
    16 դեկ, 2019 թ.
    Հոդվածն օգտակա՞ր էր։

    Ուսումնասիրեք ավելի շատ թեմաներ