Հիմնական կանոններ հյուրերի համար

Airbnb-ն հյուրերից պահանջում է հարգել ձեր տունը և հետևել տան կանոններին։
Հեղինակ՝ Airbnb, ամսաթիվ՝ 16 նոյ, 2022 թ.
3 րոպե ընթերցում
Թարմացվել է՝ 21 հլս, 2023 թ.

Առանձնահատկություններ

  • Համաձայն հիմնական կանոնների՝ հյուրերը պատասխանատվություն են կրում տան կանոնների պահպանման, մաքրության և գույքին հասցված վնասի համար

  • Կրկնվող խախտումները կարող են հանգեցնել հյուրերի համար բացասական հետևանքների

Խմբագրի նշում. այս հոդվածը հրապարակվել է Airbnb 2022 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

2022 թվականին 10 Airbnb ամրագրումներից ութն ավարտվել է հյուրընկալողներին տրված հինգ աստղանի կարծիքով։ Դուք մեծ ջանքեր եք գործադրում՝ հոգալով հյուրերի մասին։ Ուզում ենք, որ դուք իմանաք՝ մենք էլ ձեր մասին ենք հոգ տանում։

Մենք ունենք հիմնական կանոններ՝ պարտադիր կիրառման ենթակա ստանդարտների նոր լրակազմ, որոնց պետք է հետևեն բոլոր հյուրերը՝ այցերի ընթացքում տներին խնամքով վերաբերվելու համար։ Դրանք պարզ ու հստակ են և նախքան ամրագրումը ցուցադրվում են բոլոր հյուրերին։

Սահմանեք հստակ կանոններ հյուրերի համար

Տան կանոնները սկզբից ևեթ ձեր ակնկալիքները հյուրերին ներկայացնելու միջոց են։ Հիմնական կանոնների միջոցով հնարավոր է պարտադրել տան ցանկացած ստանդարտ կանոնի կատարում, եթե չկարողանաք հարցն ուղղակիորեն լուծել հյուրի հետ։

Տան ստանդարտ կանոնների մեր ցանկից կարող եք ընտրել հետևյալ բաժինները՝

  • տնային կենդանիներ
  • միջոցառումներ
  • ծխել սովորական և էլեկտրոնային սիգարետներ
  • հանգստի ժամեր
  • ժամանման և մեկնման ժամեր
  • հյուրերի առավելագույն թիվ
  • կոմերցիոն նպատակներով լուսանկարահանում և տեսանկարահանում

Եթե ունեք հատուկ ցուցումներ, որոնք ներառված չեն տան ստանդարտ կանոններում, կարող եք դրանք գրել հայտարարության կարգավորումների «Լրացուցիչ կանոններ» բաժնում։

Տան կանոններն ակնառու կերպով ցուցադրվում են չորս տեղում՝ հայտարարության էջում, ամրագրման հաստատման էկրանին, «Հավաքեք ձեր ճամպրուկները» էլեկտրոնային նամակում և ժամանման ուղեցույցում, որոնք հյուրերը ստանում են ուղևորությունից առաջ։

Ձեր տան նկատմամբ հարգանքի պարտադրում

Ըստ հիմնական կանոնների՝ հյուրերը պետք է ձեր տանը վերաբերվեն ինչպես սեփականին։ Հյուրերը չպետք է ձեր տարածքը թողնեն մանրազնին կամ մեծ ծավալի մաքրման աշխատանքներ պահանջող վիճակում, օրինակ՝ տնային կենդանիների կողմից կեղտոտված գորգեր։

Եթե հյուրերը հասցնում են այնպիսի վնաս, որը սովորական մաշվածության հետևանք չէ, ապա ակնկալում ենք, որ նրանք կհամագործակցեն ձեզ հետ՝ գտնելու խելամիտ լուծում։ Նաև ակնկալում ենք, որ նրանք կվճարեն ըստ փոխհատուցման ողջամիտ հայտերի, եթե պատասխանատու են վնասի, կորած իրերի կամ մաքրման չնախատեսված ծախսերի համար։

Հակառակ դեպքում կգործի Հյուրընկալողի պաշտպանությունը գույքային վնասից, որը Հյուրընկալողների AirCover-ի մաս է կազմում։

Հիմնական կանոնների կիրառում

Եթե հյուրերը չհետևեն հիմնական կանոններին, կարող եք հաղորդել այդ մասին՝ կարծիք գրելիս հյուրին ցածր գնահատելով մաքրության կամ տան կանոնների պահպանման կատեգորիաներում կամ դիմելով համայնքի աջակցման թիմին։

Օրինակ՝ դիցուք, ձեր տան ստանդարտ կանոններն արգելում են ծխելը։ Եթե հյուրերը ծխեն ձեր տարածքում, և դուք հաղորդեք խնդրի մասին, մենք նրանց պատասխանատվության կենթարկենք։

Տան ստանդարտ կանոնները բազմիցս խախտող հյուրերի հաշիվները կարող են կասեցվել կամ հեռացվել Airbnb-ից, եթե խնդիրները շարունակվեն։ Եթե հյուրը խախտի ձեր լրացուցիչ կանոնները, ձեզ կօգնենք կատարել համապատասխան հաջորդ քայլերը։

Եթե հյուրին տեղեկացնում եք, որ նա խախտել է ձեր տան կանոնները, և այդ պատճառով հյուրը «պատժիչ» կարծիք է թողնում, ապա կարող եք վիճարկել այդ կարծիքը։

«Հյուրընկալողի պաշտպանություն գույքային վնասից» ծրագիրը ապահովագրական պոլիս չէ և կարգավորվում է այս դրույթներով, պայմաններով և սահմանափակումներով։ Այն չի պաշտպանում հյուրընկալողներին, որոնք տարածքներ են առաջարկում Ճապոնիայում, որտեղ գործում է Ճապոնիայում հյուրընկալողների ապահովագրությունը, կամ հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Այն հյուրընկալողների համար, որոնց բնակության կամ գործունեության երկիրը Ավստրալիան է, Հյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Հյուրընկալողի պաշտպանությունը գույքային վնասից առնչություն չունի Հյուրընկալողի պատասխանատվության ապահովագրության հետ։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։

Այս հոդվածում պարունակվող տեղեկությունները կարող են փոխված լինել հրապարակումից հետո։

Առանձնահատկություններ

  • Համաձայն հիմնական կանոնների՝ հյուրերը պատասխանատվություն են կրում տան կանոնների պահպանման, մաքրության և գույքին հասցված վնասի համար

  • Կրկնվող խախտումները կարող են հանգեցնել հյուրերի համար բացասական հետևանքների

Airbnb
16 նոյ, 2022 թ.
Հոդվածն օգտակա՞ր էր։