Ինչպես վիճարկել «պատժիչ» կարծիքները

Պահանջեք «պատժիչ» կարծիքի հեռացում՝ անկախ այն բանից, թե որքան ժամանակ առաջ է այն հրապարակվել։
Հեղինակ՝ Airbnb, ամսաթիվ՝ 16 նոյ, 2022 թ.
2 րոպե ընթերցում
Թարմացվել է՝ 11 դեկ, 2023 թ.

Խմբագրի նշում. այս հոդվածը հրապարակվել է Airbnb 2022 ձմեռային թողարկման շրջանակներում։ Տեղեկությունները կարող են փոխված լինել հրապարակումից հետո։ Իմացեք ավելին մեր վերջին պրոդուկտի թողարկման մասին։

Մենք գիտենք, որ հյուրընկալողներին հաճախ մտահոգում է «պատժիչ» կարծիք ստանալու հնարավորությունը։ Դրանք կողմնակալ կարծիքներ են, որոնք հյուրերը կարող են թողնել այն բանից հետո, երբ հայտնեք, որ խախտել են ձեր տան կանոններից մեկը, վնասել են ձեր սեփականությունը կամ թույլ են տվել կանոնների մեկ այլ լուրջ խախտում։

Կարծիքների մեր համակարգը հնարավորություն է տալիս վիճարկելու այն գնահատականները, որոնք, ըստ ձեզ, պարունակում են կողմնակալություն։

Պաշտպանություն «պատժիչ» կարծիքներից

Դուք պետք է հանգիստ զգաք հյուրընկալելիս՝ չմտահոգվելով «պատժիչ» կարծիք ստանալու հնարավորության մասին։ Կարող եք վիճարկել «պատժիչ» կարծիքը (անկախ այն բանից, թե երբ է հրապարակվել), եթե գրվել է այնպիսի հյուրի կողմից, որը կանոնների լուրջ խախտում է թույլ տվել, օրինակ՝

  • վնասել է ձեր սեփականությունը

  • ամրագրման ժամկետից ավելի երկար է մնացել

  • խախտել է ձեր տան ստանդարտ կանոնները

  • չարտոնված երեկույթ կամ միջոցառում է կազմակերպել ձեր տարածքում

Կարծիքի վիճարկումը չի երաշխավորում դրա հեռացումը։ Երբ վիճարկեք որևէ կարծիք, մենք ձեզ կխնդրենք ներկայացնել ապացույցներ, օրինակ՝ լուսանկարներ կամ հյուրերի հետ նամակագրությունը։

Ապացույցները պետք է ցույց տան, որ կանոնների կոպիտ խախտում է եղել։ Պետք է պարզ լինի, որ կանոնների խախտման մասին Airbnb-ին և (կամ) հյուրին հաղորդելը, ամենայն հավանականությամբ, հանգեցրել է «պատժիչ» կարծիքի։

Խորհուրդ ենք տալիս հյուրերի հետ հաղորդակցվել միայն Airbnb-ի փոստով, որպեսզի մեր հաճախորդների սպասարկման թիմը կարողանա հեշտությամբ ուսումնասիրել ցանկացած ապացույց։ Նկատի ունեցեք, որ միայն հիմնական հյուրընկալողները և հիմնական հյուրերը կարող են վիճարկել կարծիքները։

Լրացուցիչ տեղեկություններ ստացեք կարծիքների վերաբերյալ մեր քաղաքականության մասին

Ինչպե՞ս են գործում կանոնները

Ենթադրենք՝ հյուրը ծխում է ձեր տանը՝ հակառակ տան կանոնների։ Դուք հյուրին ասում եք, որ ծխախոտի մնացուկներ եք գտել հյուրասենյակում, և ներկայացնում եք մանրազնին մաքրման համար փոխհատուցման հայտ։ Ի պատասխան՝ հյուրը հրաժարվում է վճարել և թողնում է զայրացած կարծիք։ Դուք կարող եք վիճարկել այս կարծիքը, և մենք կուսումնասիրենք՝ պարզելու, թե արդյոք այն համապատասխանում է հեռացման պահանջներին։

Հյուրընկալողները մեզ ասել են, որ «պատժիչ» կարծիքների վերաբերյալ մեր թարմացված կանոններն իրենց օգնել են վստահորեն հյուրընկալել։
Հյուրընկալող Լիանն ասում է, որ իր տարածքի մասին մի «պատժիչ» կարծիք «արագ գնահատվել և հեռացվել է, երբ ես հայտ եմ ներկայացրել։ Ես իսկապես զգացի Airbnb-ի աջակցությունը»։

Հյուրընկալող Դանիելը նույնպես, ինչպես ինքն է ասում, գործ է ունեցել անարդար կարծիքի հետ։ «Կարող եմ ասել, որ [Airbnb-ի աջակցությունը] շատ օգտակար էր խնդիրը կարգավորելու հարցում»։

Airbnb
16 նոյ, 2022 թ.
Հոդվածն օգտակա՞ր էր։