Հյուրընկալեք վստահորեն՝ օգտվելով մեր կանոններից և պաշտպանություններից

Շատերդ մեզ ասել եք, թե որքան եք սիրում տրամադրել ձեր տարածքը և շփվել ամբողջ աշխարհի մարդկանց հետ։ Իհարկե, դա անհնար կլիներ, եթե աջակցություն չզգայիք հյուրընկալելիս։

Մենք հասկանում ենք, որ ձեզ պետք է Airbnb-ի աջակցությունն այն հազվադեպ, բայց անցանկալի պահերին, երբ ոչ ամեն ինչ է ընթանում ըստ պլանի։ Որպեսզի ձեզ օգնենք վստահորեն հյուրընկալել, առաջարկում ենք որոշ գործիքներ, կանոններ և գործառույթներ։

Airbnb-ն առանձնանում է հյուրընկալողների համապարփակ պաշտպանության միջոցներով, որոնք օգնում են անվտանգ պահել մեր համայնքը։

• Հյուրընկալողների AirCover։ Մենք ներառում ենք ամբողջական պաշտպանություն բոլոր Airbnb հյուրընկալողների համար։ Հյուրընկալողների AirCover-ը տրամադրում է երաշխիքներ ուղևորությունից առաջ՝ ապահովելու հյուրերի ինքնությունը հաստատող փաստաթղթերի առկայությունը և ամրագրման ստուգման տեխնոլոգիայի միջոցով նվազեցնելու անհանգստություն պատճառող երեկույթների կազմակերպման և գույքի վնասման հավանականությունը։ Այն նաև ներառում է Հյուրընկալողի պատասխանատվության ապահովագրություն՝ 1 միլիոն ԱՄՆ դոլարի չափով, և Հյուրընկալողի պաշտպանություն գույքային վնասից՝ 3 միլիոն ԱՄՆ դոլարի չափով՝ արվեստի գործերի, թանկարժեք իրերի, կայանված մեքենաների, նավակների և այլ տրանսպորտային միջոցների ծածկույթով։
• Հիմնական կանոններ։ Հյուրերի համար սահմանված հիմնական կանոնները ներկայացնում են պարտադիր կիրառման ենթակա ստանդարտների լրակազմ, որոնց պետք է հետևեն բոլոր հյուրերը։ Ըստ հիմնական կանոնների՝ հյուրերը պարտավոր են հարգանքով վերաբերվել տարածքին, հետևել տան կանոններին, խնդիրների առաջացման դեպքում անհապաղ հայտնել այդ մասին և տունը թողնել այնպիսի վիճակում, որը չի պահանջում մեծ ծավալի մաքրման աշխատանքներ։
• Հյուրընկալողի կողմից չեղարկումներ։ Դուք իրավունք ունեք գնահատելու հյուրերի կարծիքներն ու նամակագրությունը և չեղարկելու որևէ ամրագրում, որը, ըստ ձեր հիմնավոր ենթադրության, կհանգեցնի երեկույթի։ Ձեզնից կպահանջվի ապացույցներ ներկայացնել համայնքի աջակցման թիմին։ Բոլոր չեղարկումները պետք է համապատասխանեն Խտրականության դեմ քաղաքականությանը։

Հյուրընկալման ճիշտ կազմակերպման համար կարևոր է նաև ակնկալիքների սահմանումը միջադեպերի առաջացումն ի սկզբանե կանխելու նպատակով։ Ահա մեր ստեղծած մի քանի գործառույթներ, որոնք կօգնեն գրավել ձեր տարածքին լիովին համապատասխանող հյուրերի.

• Օրացույցի և ամրագրման կարգավորումներ․ Սկսած այն բանից, թե քանի մարդ կարող է մնալ ձեր տարածքում՝ դուք հյուրերին տեղեկացնում եք, թե ինչն է հարմար ձեզ։ Ընտրեք, թե քանի գիշեր կարող են մնալ հյուրերը, որքան վաղ կարող են ամրագրել, և որքան ընդմիջում է անհրաժեշտ այցերի միջև։ Իմացեք ավելին ամրագրման կարգավորումներ ընտրելու մասին
• Չեղարկման կանոններ։ Չեղարկման կանոններում հստակորեն նշվում է, թե որքան ժամանակ առաջ պետք է ծանուցեն հյուրերը, եթե ուզում են չեղարկել ամրագրումը և ամբողջությամբ հետ ստանալ գումարը։ Իմացեք ավելին չեղարկման կանոններ ընտրելու մասին
• Տան կանոններ։ Տան կանոնները, որոնք վերաբերում են, օրինակ, սովորական և էլեկտրոնային սիգարետներ չծխելուն կամ տնային կենդանիներին, փոփոխելի են և հյուրերին օգնում են հասկանալ ձեր ակնկալիքները, որպեսզի կարողանան որոշել՝ արդյոք ձեր տարածքը հարմար է իրենց։ Ձեր տան կանոնները ներկայացված են չորս տեղում՝ հայտարարության էջում, հաստատման էկրանին, երբ հյուրերը ամրագրում են ձեր տարածքը, «Հավաքեք ձեր ճամպրուկները» էլեկտրոնային նամակում և ժամանման ուղեցույցում, որոնք հյուրերը ստանում են ուղևորությունից առաջ։ Հյուրերի համար սահմանված հիմնական կանոնների միջոցով հնարավոր է պարտադրել ցանկացած բան, որը ներառում եք ձեր տան ստանդարտ կանոններում։
• Պատասխանելու գործիքներ։ Եթե ուղևորության հայտը ձեր սրտով չէ, կարող եք մերժել այն, եթե մերժումը չի հակասում Խտրականության դեմ քաղաքականությանը։

Նույնիսկ այս ստանդարտների և կարգավորումների առկայության դեպքում երբեմն առաջանում են չնախատեսված իրավիճակներ։ Այդպիսի դեպքերի համար նախատեսված են Airbnb-ից աջակցություն ստանալու մի քանի միջոցներ․

• Առցանց զրույց․ Airbnb-ի առցանց աջակցությունը ամենաարագ ճանապարհն է՝ ստանալու անհրաժեշտ օգնություն ոչ հրատապ խնդիրների դեպքում, ինչպիսին է օրացույցի թարմացումը կամ գների ճշգրտումը։
• Սուպերտանտերերի հարցերով զբաղվող աջակցման ծառայություն․ Եթե դուք սուպերտանտեր եք, հեշտությամբ կկապվեք հաճախորդների աջակցման ծառայության մասնագետի հետ, երբ օգնության կարիք ունենաք։
• Արտակարգ իրավիճակների տեղական ծառայության թեժ գիծ․ Մենք գիտենք, որ անծանոթ երկրներում ճանապարհորդող հյուրերը գուցե չիմանան, թե ինչպես կապվել արտակարգ իրավիճակների տեղական ծառայություններին, ուստի հավելվածի մեջ ավելացրել ենք արտակարգ իրավիճակի կանչի կոճակ։ Այս կոճակն ակտիվ ամրագրման ընթացքում ապահովում է ուղիղ կապ տեղական իրավապահ մարմինների և արտակարգ իրավիճակների ծառայությունների հետ։
• Հրատապ աջակցման գիծ․ Եթե դուք գտնվում եք ԱՄՆ-ում և ակտիվ ամրագրման ընթացքում ունեք ձեր ապահովությանը կամ անվտանգությանը սպառնացող հրատապ խնդիր, կարող եք մեր հավելվածի միջոցով արագ կապ հաստատել մասնագետի հետ։

Կարևոր է նպաստել վստահության ամրապնդմանը, որպեսզի Airbnb համայնքը զարգանա, և մենք հուսով ենք, որ պաշտպանության միջոցներն ու գործառույթները մեզ կօգնեն հասնել այդ նպատակին։ Ինչպես միշտ, շնորհակալ ենք հյուրընկալող լինելու համար։

Հյուրընկալողների AirCover-ի Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տարածքներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողի ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Այն հյուրընկալողների համար, որոնք տարածքներ կամ փորձառություններ են առաջարկել մայրցամաքային Չինաստանում, գործում է Չինաստանում հյուրընկալողների պաշտպանության պլանը։ Նկատի ունեցեք, որ ծածկույթի բոլոր սահմանաչափերը ցուցադրվում են ԱՄՆ դոլարով։

Հյուրընկալողի պատասխանատվության ապահովագրությունը և Փորձառություն հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։

Հյուրընկալողի պաշտպանությունը գույքային վնասից ապահովագրություն չէ և կապված չէ Հյուրընկալողի պատասխանատվության ապահովագրության հետ։ «Հյուրընկալողի պաշտպանություն գույքային վնասից» ծրագիրը փոխհատուցում է հյուրերի կողմից տանը և իրերին հասցված որոշ վնասներ, եթե հյուրը չի փոխհատուցում այդ վնասները։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ավստրալիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։ Այն հյուրընկալողների համար, որոնց բնակության կամ գործունեության երկիրը Ավստրալիան է, hյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։

Այս հոդվածում պարունակվող տեղեկությունները կարող են փոխված լինել հրապարակումից հետո։