Իմ տարածքը հարմա՞ր է Airbnb-ի համար

Անկախ այն բանից՝ ունեք շքեղ բնակարան, գյուղական տնակ, թե ազատ սենյակ ձեր տանը, ամենայն հավանականությամբ կգտնվի մի հյուր, որը փնտրում է հենց այն, ինչ դուք առաջարկում եք։ Կարևորը հարմարավետ տարածք ստեղծելն է և ճիշտ ակնկալիքներ սահմանելը։

Ամեն օր միլիոնավոր հյուրեր Airbnb-ում մնալու տեղեր են որոնում։ Նրանք պլանավորում են ընտանեկան արձակուրդներ, բիզնես ուղևորություններ, հանգստյան օրերի ճամփորդություն, ժամանակավոր տեղափոխություններ, և նրանք ունեն տարբեր բյուջեներ և նախասիրություններ։

Հաջողության հասնելու համար հարկավոր չէ ունենալ առանձին սեփականություն։ Դուք կարող եք առաջարկել ձեր հիմնական տունը, երբ բացակայում եք, կամ ազատ սենյակը, երբ քաղաքում եք։ Հրապարակեք սեփականության ավելի քան 30 տեսակ, այդ թվում՝ բնակարաններ, ագարակներ, տներ, միկրոտնակներ և յուրտեր։

Կարող եք առաջարկել՝

• Ամբողջ տարածք։ Ամբողջ տարածքը հյուրերի տրամադրության տակ է։
• Սենյակ։ Հյուրերն ունեն առանձին սենյակ տան մեջ, ինչպես նաև ընդհանուր տարածքներից օգտվելու հնարավորություն։

Նախքան հյուրընկալել սկսելը կարևոր է հասկանալ, թե ինչպես են կարգավորվում կարճաժամկետ վարձակալությամբ տրվող տարածքները ձեր տարածաշրջանում։ Տեղական կանոններից կարող է կախված լինել՝ արդյոք կարող եք հյուրընկալել, թե ոչ, ինչ տեսակի թույլտվության կարիք ունեք, և ինչ հարկեր են գործում։ Հյուրընկալողների AirCover-ը տրամադրում է ամբողջական պաշտպանություն ամեն անգամ, երբ հյուրընկալում եք Airbnb-ի միջոցով։

Սկսելու համար դուք կստեղծեք հայտարարություն։ Այն կներառի այն ամենը, ինչ հյուրերը պետք է իմանան ձեր տան մասին։ Հիանալի լուսանկարները և ճշգրիտ նկարագրությունը հյուրերին օգնում են վստահ զգալ ձեր տարածքն ամրագրելիս։

• Հաշվի առեք հարմարությունները։ Ամենաշատ որոնվող հարմարություններից են Wi-Fi-ը, լվացքի մեքենան, անվճար կայանատեղին, խոհանոցը և օդորակիչը։ Պարտավոր չեք ունենալ բոլորը, բայց ձեր ունեցածը նշելը կօգնի հյուրերին գտնել ձեր հայտարարությունը։
• Սահմանեք ակնկալիքներ։ Հստակորեն նշեք, թե ինչ եք առաջարկում, որպեսզի գտնեք ձեր տան համար համապատասխան հյուրերի։ Եթե ձեր տարածքը հարմարավետ է, բայց կոմպակտ, նշեք այդ մասին։ Հյուրերը սիրում են իմանալ, թե ինչ կարող են ակնկալել։
• Ցուցադրեք ձեր տարածքը։ Տարբեր անկյուններից լուսանկարներ արեք և ընդգծեք, թե ինչն է այն յուրահատուկ դարձնում։
• Սահմանեք մրցունակ գին։ Airbnb-ի գործիքները կօգնեն ձեզ գրավել հյուրերի և հասնել ձեր եկամուտների նպատակներին։

Կարող եք ցուցումներ ստանալ սուպերտանտեր-դեսպանից կամ գտնել համահյուրընկալող, որը կօգնի ցանկացած հարցում՝ սկսած ձեր հայտարարությունը կազմելուց մինչև ձեր տանը հյուրընկալելը։

Ամբողջ համայնքը պատրաստ է աջակցելու ձեզ։ Հայտարարությունը հրապարակելուց հետո այցելեք համայնքի կենտրոն՝ ամբողջ աշխարհի հյուրընկալողների հետ ծանոթանալու համար, և միացեք հյուրընկալողների ակումբի՝ տեղական հյուրընկալողների հետ կապ հաստատելու համար։

Այս հոդվածում պարունակվող տեղեկությունները կարող են փոխված լինել հրապարակումից հետո։