Անցեք առաջ՝ առաջարկվող արդյունքներին ծանոթանալու համար

    Ինչպես է Airbnb-ն աջակցում ձեզ՝ որպես հյուրընկալողի

    Գտեք ռեսուրսներ, հյուրընկալող դեսպաններ և այլ եղանակներ, որոնցով Airbnb-ն նոր հյուրընկալողներին օգնում է մեկնարկել։
    Հեղինակ՝ Airbnb, ամսաթիվ՝ 10 մյս, 2021 թ.
    2 րոպե ընթերցում
    Թարմացվել է՝ 16 հլս, 2021 թ.

    Առանձնահատկություններ

    • Հյուրընկալողների խմբերը կիսվում են անհատական փորձով

    • Airbnb-ի կանոնները օգնում են պաշտպանել ձեզ՝ որպես հյուրընկալողի

    • Ստեղծեք հայտարարություն և սկսեք հյուրընկալել

    Եթե դուք սկսնակ եք հյուրընկալման ոլորտում, ձեզ մոտ կարող են հարցեր առաջանալ, թե որտեղից սկսել և ինչպես հյուրընկալել։ Տարածքով կիսվելու որոշումից մինչև ձեր բիզնես նպատակներին հասնելը․ կարող եք վստահ լինել, որ Airbnb-ն կաջակցի ձեզ բոլոր հարցերում։

    Մենք ավելի քան մեկ տասնամյակ ենք ծախսել ձեզ համար օգտակար ռեսուրսների մշակման վրա, որոնց թվում՝ հաջողակ հայտարարություն ստեղծելու ուղեցույցներ, անհատականացված հաղորդագրությունների գործառույթներ, հյուրընկալողների ֆորումներ և այլն։

    Ձեռքի տակ ունենալով այս գործիքները՝ կարող եք վստահորեն սկսել հյուրընկալումը։

    Սովորեք մեր հյուրընկալող համայնքի լավագույն ներկայացուցիչներից

    Մեր հյուրընկալողները կարող են լավագույն խորհուրդները տալ, երբ հարցը վերաբերում է տան վարձակալության բիզնես սկսելուն և վարելուն։ Ահա թե ինչպես արագ կապվել հյուրընկալողների հետ, որոնք գործում են ձեր տեղական համայնքում և ամբողջ աշխարհում.

    • Մասնակցելով ուղիղ հեռարձակմամբ վեբինարների* և անհատապես շփվելով Airbnb դեսպանների հետ՝** սկսնակ հյուրընկալողները ստանում են հյուրընկալման իմաստալից խորհուրդներ և ծանոթանում օգտակար հնարքների
    • Առցանց ֆորումները, ինչպիսիք են Airbnb համայնքի կենտրոնի և տեղական ֆեյսբուքյան խմբերի ֆորումները, հյուրընկալողներին հնարավորություն են տալիս կիսվելու գիտելիքներով, փոխանակվելու պատմություններով ու ոգեշնչելու և աջակցելու միմյանց
    • Մեր Ռեսուրս կենտրոնը հագեցած է հոդվածներով, ուղեցույցներով և տեսանյութերով, որոնք լի են հաջողակ հյուրընկալողների գաղափարներով՝ սկսած գրավիչ վերնագիր գրելուց մինչև վերջնավճարը ստանալու եղանակները
    «Ես սիրում եմ, թե ինչպես է մեր ֆեյսբուքյան խումբը տարբեր մարդկանց համախմբում ընդհանուր նպատակի համար, բայց է՛լ ավելի կարևոր է համայնքի այն զգացումը, որն ունենում ես՝ չնայած բիզնեսը միայնակ վարելուն»,- ասում է Airbnb-ի Հյուրընկալողների խորհրդի անդամ Մերիդիթը՝ Ավստրալիայի Հոբարթ քաղաքից:

    Օգտվեք հյուրընկալողների պաշտպանությունից և աջակցությունից, որը տրամադրում է Airbnb-ն

    Մեր աջակցման մասնագետները հասանելի են շուրջօրյա՝ հեռախոսով, էլփոստով և ներքին հաղորդագրությունների միջոցով՝ ձեր հարցերին արագ պատասխանելու և ծագած խնդիրները լուծելու համար։

    Ահա ձեզ պաշտպանելու, խրախուսելու և աջակցելու մի շարք այլ եղանակներ.

    Airbnb-ին միանալու պատճառներից մեկը «Երաշխիք հյուրընկալողների համար» ծրագիրն էր, որովհետև գիտեմ՝ եթե ինչ-որ բան վնասվի, կամ խնդիրներ առաջանան, կարող եմ հույս դնել այդ երաշխիքի վրա»,- ասում է Դենիսը Լոնդոնից, Անգլիա։

    Վարեք ձեր հյուրընկալման բիզնեսն այս գործիքների օգնությամբ

    Մենք հանձնառու ենք լսել և սովորել մեր հյուրընկալողներից։ Տարիների ընթացքում մենք մշակել ենք բազմաթիվ նոր գործառույթներ, որոնց շնորհիվ՝ հյուրընկալման ձեր բիզնեսը կլինի հաջողակ և հաճելի, այդ թվում՝

    • մեր խթանման գործիքները, որոնք հյուրընկալողներին օգնում են իրենց հայտարարություններն ավելի գրավիչ դարձնել նոր հայտարարությունների համար հատուկ առաջարկների, վաղ ամրագրման զեղչերի և ավելի ցածր շաբաթական գների միջոցով
    • նորացված փոստ՝ անհատականացված արագ պատասխաններով (նախկինում դրանք կոչվում էին «պահված հաղորդագրություններ») և պլանավորված հաղորդագրություններով, որոնք ավտոմատացնում են կրկնվող առաջադրանքներն ու օգնում պարզեցնել շփումները՝ խնայելով հյուրընկալման վրա ծախսվող ձեր ժամանակը
    • «Հնարավորություններ» ներդիրը, որն առաջարկում է ամրագրումներին վերաբերող գաղափարներ և խորհուրդներ, որոնք հատուկ են ձեր տեղանքին և կօգնեն հարմարվել փոփոխվող ճամփորդական նախասիրություններին

    Հյուրընկալելու որոշումը կարող է վախ առաջացնել, ուստի համագործակցում ենք մեր համայնքի լավագույն հյուրընկալողների հետ՝ աջակցելու ձեզ բոլոր հարցերում։ Մաղթում ենք հաջող հյուրընկալում։

    *«Հյուրընկալման ներածություն» վեբինարները ներկայումս հասանելի են Գերմանիայում, Ֆրանսիայում, Իտալիայում, Իսպանիայում, Միացյալ Թագավորությունում և Միացյալ Նահանգներում։

    **Վեբինարները և Airbnb դեսպանները հասանելի են ոչ բոլոր վայրերում։

    Առանձնահատկություններ

    • Հյուրընկալողների խմբերը կիսվում են անհատական փորձով

    • Airbnb-ի կանոնները օգնում են պաշտպանել ձեզ՝ որպես հյուրընկալողի

    • Ստեղծեք հայտարարություն և սկսեք հյուրընկալել
    Airbnb
    10 մյս, 2021 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ