Ինչպես առավելագույնս օգտվել «Հաղորդագրություններ» ներդիրից

«Հաղորդագրություններ» ներդիրը ձեր Airbnb փոստն է։ Այն մեկտեղում է հյուրընկալողների, հյուրերի և աջակցման ծառայության հետ փոխանակած ձեր բոլոր հաղորդագրությունները։ «Հաղորդագրություններ» ներդիրը թույլ է տալիս՝

• զտել հաղորդագրություններ և որոնել ձեր փոստում․
• ուղարկել և պլանավորել հաղորդագրություններ, այդ թվում՝ նախապես գրված ձևանմուշներով, որոնք կոչվում են արագ պատասխաններ․
• շփվել ամրագրման մեջ նշված յուրաքանչյուր հյուրի հետ մեկ նամակագրությամբ․
• ստեղծել կապակցված պատասխաններ՝ նամակագրությունները դասավորված պահելու համար․
• խմբագրել և չեղարկել ուղարկած հաղորդագրությունները․
• օգտագործել ընթերցման հաստատումները և ծանուցումներ ստանալ դիտումների մասին․
• էմոջիներով արձագանքել հաղորդագրություններին։

Կանխադրված դիտակերպը ցույց է տալիս ձեր բոլոր հաղորդագրությունները Airbnb-ում։ Ընտրեք Հյուրընկալում, Ճամփորդություն կամ Աջակցում՝ հաղորդագրություններն ըստ տեսակի զտելու համար։

Հյուրընկալում բաժնում կարող եք կիրառել հետևյալ լրացուցիչ զտիչները՝

• Չընթերցված. ցուցադրում է միայն չբացված հաղորդագրությունները։
• Ամրագրման կարգավիճակ. հաղորդագրությունները դասավորվում են ըստ ամրագրման հայտերի, առաջիկա ամրագրումների, ներկայումս հյուրընկալվողների կամ նախկին ամրագրումների։
• Հայտարարություններ. դասավորում է հաղորդագրություններն ըստ հայտարարության, եթե մեկից ավելին ունեք։
• Աստղանշված. ցույց են տրվում միայն այն հաղորդագրությունները, որոնք նշել եք աստղով։

Եթե ունեք համահյուրընկալող, հանդիսանում եք սուպերտանտեր-դեսպան կամ Airbnb փորձառություն եք կազմակերպում, ապա այս զտիչները կգտնեք «Հաղորդագրություններ» ներդիրում.

• Համահյուրընկալող. ցուցադրում է ձեր և տարածքի բոլոր համահյուրընկալողների նամակագրությունը։
• Սուպերտանտեր-դեսպան. ցուցադրում է ձեր և ձեզ հետ կապված հյուրընկալողների փոխանակած հաղորդագրությունները։
• Փորձառություններ. այստեղ կարող եք կարդալ փորձառությունների ամրագրումներին վերաբերող հաղորդագրությունները։

Կիրառեք Հյուրի ռեժիմ զտիչը՝ որպես հյուր ձեր ուղարկած և ստացած հաղորդագրությունները դիտելու համար։ Օգտագործեք Աջակցում զտիչը՝ Airbnb-ի աջակցման թիմի հետ ձեր զրույցները տեսնելու համար։

Կոնկրետ նամակագրությո՞ւն եք փնտրում։ Կարող եք հաղորդագրություններ որոնել անուններով, բառերով կամ բառակապակցություններով։ Արդյունքները հաշվի են առնում ձեր կիրառած զտիչները՝ օգնելով ավելի արագ գտնել նամակագրությունը։

Հստակ և ժամանակին հաղորդակցումը հաջող հյուրընկալման կարևոր մաս է։ Սկսեք զրույցներ, տրամադրեք տեղեկություններ և պատասխանեք հյուրերի հարցերին «Հաղորդագրություններ» ներդիրում։

Ժամանակ խնայելու համար փորձեք օգտագործել արագ պատասխանների գործառույթը։ Արագ պատասխանները հաղորդագրության ձևանմուշներ են որոշակի տեղեկությունների փոխանակման համար, այնպես որ հարկ չկա սկսելու զրոյից։ Դուք կգտնեք մի քանի նախապես գրված արագ պատասխաններ «Հաղորդագրություններ» ներդիրում, որպեսզի հյուրերին աջակցեք կարևոր պահերին, օրինակ՝ ամրագրումից անմիջապես հետո։ Կարող եք այս արագ պատասխաններն օգտագործել այնպես, ինչպես կա, խմբագրել դրանք կամ ստեղծել սեփական անհատականացված ձևանմուշները։ 

«Հաղորդագրություններ» ներդիրն արհեստական ինտելեկտն օգտագործում է հյուրերի հարցերը հասկանալու համար և ավտոմատ կերպով որպես պատասխան առաջարկում է արագ պատասխան։ Առաջարկվող պատասխանը երևում է հյուրի հետ ձեր նամակագրությունում, որտեղ միայն դուք կարող եք այն տեսնել։

Դուք կկարողանաք անմիջապես ստուգել, խմբագրել և ուղարկել առաջարկվող արագ պատասխանը կամ ավելի ուշ պլանավորել դրա ուղարկումը։ Հաղորդագրություններն ուղարկելիս տեղապահները ձևանմուշներում ավտոմատ կերպով լրացնում են ամրագրման և հայտարարության որոշ մանրամասներ, օրինակ՝ գտնվելու վայրը, հյուրի անունը և ժամանման ժամը։ Համոզվեք, որ ձեր հայտարարությունն ամբողջական և արդիական է, քանի որ դատարկ տեղապահներով հաղորդագրությունները պատշաճ կերպով չեն ուղարկվի։

Երբ ձեր պլանավորած հաղորդագրության ուղարկման պահը մոտենա, դուք հիշեցում կտեսնեք հյուրի հետ ձեր նամակագրությունում։ Կարգավորեք կամ բաց թողեք հաղորդագրությունն ուղարկելը, եթե այն կրկնում է արդեն տրամադրված տեղեկություններ։

Իմանալ ավելին արագ պատասխանների օգտագործմամբ ժամանակ խնայելու մասին

Յուրաքանչյուր ամրագրում նոր նամակագրություն է սկսում «Հաղորդագրություններ» ներդիրում։ 

Ամրագրող հյուրը կարող է իր հետ ճանապարհորդող այլ մեծահասակների հրավիրել միանալու ամրագրմանը։ Հյուրերը, որոնք ընդունում են հրավերը, ավելացվում են նամակագրությանը, և դուք հաղորդագրություններ եք ուղարկում ամբողջ խմբին։ Հյուրերը կարող են կարդալ բոլոր հաղորդագրությունները, նույնիսկ եթե ուշ միանան, այնպես որ մանրամասները կրկնելու հարկ չկա։

Հպեք Մանրամասներ կոճակը՝ ամրագրման և նամակագրության մասին լրացուցիչ տեղեկություններ, այդ թվում՝ միացած բոլոր անձանց ցանկն ստանալու համար։ Ընտրեք հյուրի լուսանկար, որպեսզի մուտք գործեք նրա պրոֆիլ և ավելին իմանաք նրա մասին, ում հյուրընկալելու եք։

Դուք «Հաղորդագրություններ» ներդիրում կգտնեք նամակագրությունների կառավարման ավելի շատ գործառույթներ, այդ թվում՝ կապակցված պատասխաններ, խմբագրման գործիքներ, ընթերցման հաստատումներ և էմոջիներ։

• Կապակցված պատասխանները թույլ են տալիս նամակագրություն սկսել հաղորդագրությանը պատասխանելիս՝ ձեր պատասխանը տեղավորելով սկզբնական հաղորդագրության տակ։
• Խմբագրման գործիքները հնարավորություն են տալիս խմբագրելու հաղորդագրությունը այն ուղարկելուց հետո 15 րոպեի ընթացքում և չեղարկելու ուղարկած հաղորդագրությունը 24 ժամվա ընթացքում։
• Ընթերցման հաստատումները ցույց են տալիս, թե արդյոք հյուրերը կամ այլ ստացողներ դիտել են ձեր հաղորդագրություններն այն դեպքում, երբ նրանք չեն անջատել այս գործառույթն իրենց հաշվի կարգավորումներում։
• Էմոջիները թույլ են տալիս հաղորդագրությանն արձագանքել ժպտացող դեմքի, սրտիկի, վեր պարզած բթամատերի, ծափ տվող ձեռքերի կամ ծիծաղող դեմքի էմոջիների միջոցով։

Այս հոդվածում պարունակվող տեղեկությունները կարող են փոխված լինել հրապարակումից հետո։