Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Հյուրերի հետ հաղորդակցման հիմունքները

Ստացեք խորհուրդներ և ճանապարհորդների հետ հաղորդակցվելու ձևանմուշներ։
Հեղինակ՝ Airbnb, ամսաթիվ՝ 8 հնվ, 2020 թ.
3 րոպե ընթերցում
Թարմացվել է՝ 3 մյս, 2023 թ.

Հյուրերի հետ արդյունավետ շփումն առաջին քայլն է նրանց դրական փորձառություն պարգևելու ճանապարհին։ Որպեսզի հյուրերն իրենց հարմարավետ զգան և լավ կարծիքներ թողնեն, նրանց հետ հաղորդակցությունը պետք է լինի արագ և հստակ՝ տարածքի նկատմամբ հետաքրքրություն ցուցաբերած պահից մինչև մեկնելը։

Խորհուրդներ հիանալի շփման համար

Եղեք անկեղծ։ Սան Ֆրանցիսկոյում հյուրընկալող Դանիելն ասում է, որ ոչինչ չի քաքցնում իր տարածքի մասին։ «Այն, ինչ նշում եք որպես ձեր հյուրերին հասանելի, և այն, ինչ նրանք փաստացի ստանում են ձեր տարածք ժամանելիս, պետք է համապատասխանեն միմյանց»,- ասում է նա։ «Ավելի լավ է նկարագրությունում մի փոքր «թերագնահատել» տարածքը, որպեսզի հյուրերը մտնեն իրենց ակնկալածից ավելի լավ տարածք»։

Հետաքրքրություն ցուցաբերեք։ Անցեք ներառական հյուրընկալության՝ պարզապես հարցնելով հյուրերին, թե ինչ է նրանց պետք, որպեսզի ձեր տարածքում հարմարավետ զգան իրենց։ Ենթադրություններ անելու փոխարեն ապրումակցեք։

Եղեք հասանելի։ Սան Ֆրանցիսկոյում գործող սուպերտանտեր Աննետը սիրում է հյուրերին ասել. «Խնդրում ենք չփորձել ինքնուրույն վերանորոգել՝ անկախ այն բանից, թե որքան փոքր գործ է թվում դա։ Անմիջապես դիմեք մեզ, և մենք կկարգավորենք խնդիրը»։ Փորձառու հյուրընկալողներն ընթացիկ հարցերի դեպքում հյուրերի հետ կապի մեջ մնալու համար օգտագործում են արագ պատասխաններ։

Եղեք հոգատար։ Սիրալիրության փոքր դրսևորումները կարող են է՛լ ավելի լավը դարձնել այցը ձեզ և հյուրերի համար։ Եթե խնդիր է առաջանում, հյուրերը հաճախ ասում են, որ իրենց համար ամենակարևորն այն է, թե ինչպես են դրան արձագանքում հյուրընկալողները։

Օգտվեք տեխնոլոգիաներից։ Հյուրերի հետ Airbnb հավելվածի միջոցով շփվելը կօգնի պաշտպանել ձեզ, քանի որ ամբողջ նամակագրությունը գրանցվում է այն դեպքերի համար, երբ խնդիրներ են առաջանում, և անհրաժեշտ է լինում դրանց հղում անել հաճախորդների աջակցման ծառայությանը դիմելիս։ Դա նաև հեշտացնում է ձեր բոլոր հյուրերի մասին տեղեկությունները մեկ տեղում գտնելը։

Հյուրերի հետ շփվելու կարևոր պահեր

Ամրագրման հարցում։ Հյուրերը գնահատում են արագ պատասխանը, երբ ձեզ դիմում են տարածքն ամրագրելու համար։ Աշխատեք հյուրերի բոլոր հարցումներին պատասխանել 24 ժամվա ընթացքում։

Արագ պատասխանելը կարևոր է ոչ միայն հյուրերին գոհունակություն պատճառելու համար, այլև սուպերտանտեր դառնալու չափանիշներից է։ Օգտագործեք պլանավորված հաղորդագրություններ, որպեսզի ժամանակին տրամադրեք հյուրերին անհրաժեշտ տեղեկությունները։

Ամրագրման ժամանակ։ Հիմնականում հյուրերը գնահատում են, երբ հյուրընկալողներն ամրագրման համար շնորհակալական հաղորդագրություն են ուղարկում։

Կարող եք անհատականացնել ձեր ողջույնի հաղորդագրությունը՝ օգտագործելով հյուրի պրոֆիլից վերցրած տեղեկություններ։ Այն կարող է ներառել հարցեր նրա հետաքրքրությունների, հայրենի քաղաքի և հոբբիների մասին։ Սա նաև հնարավորություն է լրացուցիչ հարցեր տալու, որոնք վերաբերում են, օրինակ, նրա այցի նպատակին կամ ուղեկիցներին։

Ժամանումից առաջ։Տարածք հասնելու հստակ ուղղությունները և ժամանման վերաբերյալ մանրամասները հյուրերին կազատեն ավելորդ սթրեսից։

Պատասխանեք հաճախ տրվող հարցերի՝ «Հայտարարություններ» ներդիրում լրացնելով Տեղեկություններ հյուրերի համար բաժինը, այդ թվում՝ նշելով տարածք հասնելու ուղղությունները, ժամանման վերաբերյալ ցուցումները և Wi-Fi-ի տվյալները։ Այդ տեղեկությունները կցուցադրվեն հյուրերի «Ուղևորություններ» ներդիրում՝ պլանավորված ժամանումից 48 ժամ առաջ։

Ժամանում։ Հյուրերը, հատկապես նրանք, ովքեր պատմականորեն մարգինալացված համայնքներից են, նշել են, որ նախընտրում են ինքնուրույն ժամանումը։ Նաև կարող եք ստեղծել տան ուղեցույց՝ ներառելով տեղեկություններ այն մասին, թե ինչպես օգտվել ձեր տարածքում առկա տարբեր համակարգերից և կենցաղային սարքերից։

Առաջին գիշերվանից հետո։ Հյուրընկալողներից շատերն ասում են, որ սիրում են հյուրերի ուղևորության ընթացքում կապի մեջ մնալ նրանց հետ։ Նախաձեռնող եղեք և հարցրեք՝ արդյոք ամեն ինչ կարգին է։

Մեկնումից առաջ։ Նշեք, թե ինչ պետք է հյուրերն անեն մինչ մեկնելը։ Մենք պլանավորված մեկնումից մեկ օր առաջ հյուրերին հիշեցում ենք ուղարկում մեկնման ժամի և ձեր ցուցումների մասին։

Մեկնումից հետո։ Լավ կլինի անմիջապես կարծիք գրել հյուրերի մասին։ Եղեք հարգալից և բոլոր հյուրերին գնահատեքմիևնույն չափանիշներով։ Որոշ հյուրընկալողներ նաև սիրում են հաղորդագրություն ուղարկել հյուրերին և շնորհակալություն հայտնել այցի համար։

Airbnb
8 հնվ, 2020 թ.
Հոդվածն օգտակա՞ր էր։