Ինչպես է Airbnb-ն պաշտպանում հյուրընկալողներին
Մենք պատրաստ ենք ձեր հյուրընկալման ընթացքում աջակցելու ձեզ։ Քանի դեռ հաղորդակցման, ամրագրման և վճարման նպատակներով օգտվում եք Airbnb-ից, դուք պաշտպանված եք մեր կանոններով և ծառայությունների մատուցման պայմաններով։
Հյուրընկալողների AirCover
Հյուրընկալողների AirCover-ն ամբողջական պաշտպանություն է հյուրընկալողների համար։ Այն ներառում է Հյուրընկալողի պատասխանատվության ապահովագրություն 1 միլիոն ԱՄՆ դոլարի չափով։ Այն նաև ներառում է Հյուրընկալողի պաշտպանություն գույքային վնասից 3 միլիոն ԱՄՆ դոլարի չափով՝ արվեստի գործերի, թանկարժեք իրերի, սեփականության տարածքում կայանված կամ պահվող ավտոմեքենաների, նավակների, այլ ավտոտրանսպորտային միջոցների և ջրային փոխադրամիջոցների ապահովագրական ծածկույթով, և ավելին։
Հյուրընկալողների AirCover-ը տրամադրում է երաշխիքներ ուղևորությունից առաջ՝ ապահովելու ամրագրող հյուրերի նույնականացումը ինքնության հաստատման միջոցով։ Մենք օրենքով թույլատրված դեպքերում կատարում ենք ամրագրող հյուրերի կենսագրական տվյալների ստուգումներ և ստուգում ենք՝ արդյոք նրանք ներառված չեն «սև» կամ պատժամիջոցների ցուցակներում։ Ամրագրման ստուգման մեր սեփական տեխնոլոգիան նաև օգնում է նվազեցնել անհանգստություն պատճառող երեկույթների կազմակերպման և գույքի վնասման հավանականությունը։
Airbnb-ի աջակցման թիմ
Airbnb-ն պատրաստ է 64 լեզվով աջակցելու ձեզ 24/7 ռեժիմով։
- Հեռախոսահամար և առցանց աջակցություն։ Հրատապ խնդիրների դեպքում զանգահարեք մեզ։ Ոչ հրատապ խնդիրների, օրինակ՝ օրացույցի թարմացման կամ գների ճշգրտման դեպքում հաղորդագրություն ուղարկեք մեզ։
- Սուպերտանտերերի հարցերով զբաղվող աջակցման ծառայություն։ Սուպերտանտերերն Airbnb-ին դիմելիս ավտոմատ կերպով կապվում են Airbnb-ի աջակցման թիմի մասնագետի հետ։
- Անվտանգության շուրջօրյա գիծ։ Եթե երբևէ անապահով զգաք ձեզ, մեր հավելվածը տրամադրում է անվտանգության հարցերով հատուկ պատրաստություն անցած մասնագետների ծառայություններից օրվա և գիշերվա ցանկացած ժամի մեկ հպումով օգտվելու հնարավորություն։
Հիմնական կանոններ հյուրերի համար
Airbnb-ն բոլոր հյուրերից պահանջում է հետևել հիմնական կանոններին։ Նրանք պարտավոր են հարգանքով վերաբերվել ձեր տարածքին, հետևել տան կանոններին, խնդիրների առաջացման դեպքում անհապաղ հայտնել այդ մասին և ձեր տունը թողնել այնպիսի վիճակում, որը չի պահանջում չափից ավելի մաքրման աշխատանքներ։ Նախքան ամրագրում կատարելը յուրաքանչյուր հյուր համաձայնում է այս հիմնական կանոններին։
Եթե հյուրը չհետևի հիմնական կանոններին, կարող եք հաղորդել այդ մասին՝ դիմելով Airbnb-ի աջակցման թիմին կամ հյուրին ցածր գնահատելով մաքրության կամ տան կանոնների պահպանման կատեգորիաներում կարծիք գրելիս։ Տան ստանդարտ կանոնները բազմիցս խախտող հյուրերի հաշիվները կարող են կասեցվել կամ հեռացվել Airbnb-ից, եթե խնդիրները պահպանվեն։
Տան կանոնները կիրառվում են հիմնական կանոնների համաձայն և թույլ են տալիս սահմանել, թե ինչ եք հյուրերից ակնկալում կոնկրետ ձեր տարածքում։ Տան ստանդարտ կանոնների մեր ցանկից կարող եք ընտրել հետևյալ բաժինները՝
- տնային կենդանիներ
- միջոցառումներ
- ծխախոտ՝ սովորական և էլեկտրոնային
- հանգստի ժամեր
- ժամանման և մեկնման ժամեր
- հյուրերի առավելագույն թիվ
- կոմերցիոն նպատակներով լուսանկարահանում և տեսանկարահանում
Եթե ունեք հատուկ ցուցումներ, որոնք ներառված չեն տան ստանդարտ կանոններում, կարող եք դրանք գրել հայտարարության կարգավորումների «Լրացուցիչ կանոններ» բաժնում։ Օրինակ՝ կարող եք խնդրել հյուրերին նախքան մեկնելը փակել և կողպել բոլոր պատուհանները։
Հյուրերի պրոֆիլներ և կարծիքներ
Ամրագրող կամ ուղևորությանը միացող հյուրերին առաջարկվում է ստեղծել լուսանկարով և իրենց ներկայացնող մանրամասներով ամբողջական պրոֆիլ, որի միջոցով կծանոթանաք հյուրերի հետ նախքան նրանց այցը։
Կարող եք վստահ լինել, որ հյուրերի կարծիքները հիմնված են իրական շփումների վրա, քանի որ հյուրընկալողները և հյուրերը կարող են միմյանց մասին կարծիք հայտնել միայն այցի ավարտից հետո։ Նաև կարող եք հյուրերի ժամանումից առաջ ցանկացած պահի հարցեր տալ նրանց և ներկայացնել ձեր ակնկալիքները։
Եթե օգտագործում եք ակնթարթային ամրագրում, կարող եք այն առաջարկել միայն այն հյուրերին, որոնք ավարտել են առանց միջադեպերի կամ ցածր գնահատականների առնվազն մեկ այց։ Եթե նախընտրում եք անձամբ հաստատել ամրագրման հայտերը, կարող եք նախքան ամրագրում ընդունելը մուտք գործել հյուրերի պրոֆիլներ և կարդալ կարծիքներ նրանց մասին։
Դուք միշտ կարող եք չեղարկել որևէ ամրագրում, որի ընթացքում, ըստ ձեր հիմնավոր ենթադրության, հյուրը կկազմակերպի երեկույթ՝ պայմանով, որ պահպանում եք Հյուրընկալողի կողմից չեղարկման կանոնները։ Եթե ձեզ անհանգստացնում է ուղևորության հայտը, կարող եք մերժել այն՝ պայմանով, որ հետևում եք Խտրականության դեմ քաղաքականությանը։
Հավելյալ աջակցությո՞ւն է հարկավոր
Հյուրընկալողների AirCover-ի շրջանակներում Հյուրընկալողի պաշտպանությունը գույքային վնասից, Հյուրընկալողի պատասխանատվության ապահովագրությունը և Փորձառություններ և սերվիսներ հյուրընկալողի պատասխանատվության ապահովագրությունը չեն ներառում այն հյուրընկալողներին, որոնք տներ կամ փորձառություններ են առաջարկում Ճապոնիայում, որտեղ գործում են Ճապոնիայում հյուրընկալողների ապահովագրությունը և Ճապոնիայում Փորձառությունների պաշտպանության ապահովագրությունը, կամ այն հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Ծածկույթի բոլոր սահմանաչափերը ցուցադրվում են ԱՄՆ դոլարով։
Հյուրընկալողի պատասխանատվության ապահովագրությունն ու Փորձառություններ և սերվիսներ հյուրընկալողի պատասխանատվության ապահովագրությունը երաշխավորված են կողմնակի ապահովագրական ընկերությունների կողմից։
Եթե այցեր եք ընդունում տներում կամ փորձառություններ կամ սերվիսներ եք հյուրընկալում Միացյալ Թագավորությունում, ապա Հյուրընկալողի պատասխանատվության և Փորձառությունների և ծառայությունների պատասխանատվության ապահովագրական պոլիսները երաշխավորված են Zurich Insurance Company Ltd.-ի կողմից և Միացյալ Թագավորության հյուրընկալողների համար կազմակերպվում ու կնքվում են առանց լրացուցիչ ծախսերի՝ Airbnb UK Services Limited-ի կողմից, որը Ֆինանսական վերահսկողության վարչության (FCA) կողմից թույլատրված և կարգավորվող Aon UK Limited ընկերության նշանակված ներկայացուցիչն է։ Aon-ի FCA գրանցման համարն է՝ 310451։ Դա կարող եք ստուգել՝ այցելելով Ֆինանսական ծառայությունների ռեգիստր կամ կապվելով FCA-ի հետ 0800 111 6768 հեռախոսահամարով։ «Հյուրընկալողների AirCover» ծրագրի շրջանակներում Հյուրընկալողի պատասխանատվության և Փորձառություններ և սերվիսներ հյուրընկալողի պատասխանատվության ապահովագրական պոլիսները կարգավորվում են Ֆինանսական վերահսկողության վարչության կողմից։ Մնացած պրոդուկտներն ու ծառայությունները Airbnb UK Services Limited ընկերության (FPAFF609LC) կողմից տրամադրված կարգավորվող պրոդուկտներ չեն։
Եթե հյուրընկալում եք տներում, փորձառություններ կամ սերվիսներ եք հյուրընկալում Եվրոպական տնտեսական տարածքում (ԵՏՏ), ապա Հյուրընկալողի պատասխանատվության և Փորձառություններ և սերվիսներ հյուրընկալողի պատասխանատվության ապահովագրական պոլիսները երաշխավորված են Zurich Insurance Europe AG-ի՝ Իսպանիայում գործող մասնաճյուղի կողմից և ԵՏՏ-ում հյուրընկալողների համար առանց լրացուցիչ ծախսերի կազմակերպվում ու կնքվում են Airbnb Spain Insurance Agency S.L.U.-ի (ASIASL) կողմից, որը անկախ ապահովագրական գործակալություն է, վերահսկվում է Ապահովագրական և կենսաթոշակային ֆոնդերի գլխավոր տնօրինության (DGSFP) կողմից և գրանցված է Իսպանիայում՝ DGSFP-ի Ապահովագրական դիստրիբյուտորների ռեեստրում՝ AJ0364 համարի ներքո։ Կարող եք ստուգել այս գրանցումը՝ այցելելով DGSFP-ի Ապահովագրական դիստրիբյուտորների ռեեստր, իսկ ASIASL-ի բոլոր տվյալները կարող եք գտնել այստեղ։
Հյուրընկալողի պաշտպանությունը գույքային վնասից ապահովագրություն չէ և կապված չէ Հյուրընկալողի պատասխանատվության ապահովագրության հետ։ Վաշինգտոն նահանգում առաջարկվող տարածքների դեպքում «Հյուրընկալողի պաշտպանություն գույքային վնասից» ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ Այն հյուրընկալողների համար, որոնց բնակության կամ գործունեության երկիրը Ավստրալիան չէ, գործում են «Հյուրընկալողի պաշտպանություն գույքային վնասից» ծրագրի այս պայմանները։ Այն հյուրընկալողների համար, որոնց բնակության կամ գործունեության երկիրը Ավստրալիան է, հյուրընկալողի պաշտպանությունը գույքային վնասից կարգավորվում է Ավստրալիայի օգտատերերի համար մշակված «Հյուրընկալողի պաշտպանություն գույքային վնասից» ծրագրով։
Այս հոդվածում պարունակվող տեղեկությունները կարող են փոխված լինել հրապարակումից հետո։