Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    Ռասայական նախապաշարմունքների դեմ պայքարի ռեսուրսներ Airbnb համայնքի համար

    Ահա մի քանի եղանակ, թե ինչպես կարելի է դրսևորել համերաշխություն։
    Հեղինակ՝ Airbnb, ամսաթիվ՝ 1 հնս, 2020 թ.
    2 րոպե ընթերցում
    Թարմացվել է՝ 28 ապր, 2021 թ.

    Առանձնահատկություններ

    Անցյալ տարի Ջորջ Ֆլոյդի, Բրեոննա Թեյլորի, Ահմադ Արբերիի և անհամար այլ սևամորթների ողբերգական մահերը շատ ծանր ժամանակներ ստեղծեցին շատերի, նաև՝ հյուրընկալողների և հյուրերի համար։ Մենք նաև տեսանք բռնության աճ ասիական ծագում ունեցող մարդկանց նկատմամբ։

    Airbnb-ի աշխատակիցների աջակցման Black@ խումբը պատրաստել է Ակտիվիզմի և համերաշխության ուղեցույց, որը տրամադրել ենք մեր ԱՄՆ համայնքին։ Նպատակը՝ աջակցել հյուրընկալողներին և հյուրերին, որոնք վիրավորված, վրդովված, վախեցած էին կամ չգիտեին, թե ինչպես հասնել փոփոխությունների, ինչպես նաև միջոցներ տրամադրել մեր համայնքի անդամներին՝ իրենց շահերն ավելի լավ պաշտպանելու համար։

    Խտրականությունը լուրջ սպառնալիք է պատկանելության և փոխհանդուրժողականության վրա հիմնված համայնքի համար։ Դա հակասում է մեր բոլոր սկզբունքներին և համոզմունքներին։ Airbnb-ն մերժում է ռասիզմը, ծայրահեղականությունը և ատելությունը։ Թեև ողջունում ենք Ջորջ Ֆլոյդի մահվան գործով դատավճիռը, գիտենք, որ այն չի վերադարձնի ողբերգականորեն ընդհատված ոչ մի կյանք և վերջ չի դնի ավելի արդար և ներառական հասարակություն կառուցելու համար մղվող բազմադարյա պայքարին։
    Airbnb-ն մերժում է ռասիզմը, ծայրահեղականությունը և ատելությունը։

    Մենք չենք կարող խոսել վերջին իրադարձությունների մասին՝ առանց ընդունելու նաև այն ցավալի ճշմարտությունը, որ ամբողջ աշխարհում որոշ հյուրընկալողներ և հյուրեր դեռևս ենթարկվում են խտրականության, ինչը ուղղակիորեն հակասում է պատկանելության զգացողություն ստեղծելու մեր առաքելությանը։ 2016 թվին Airbnb-ն գործարկեց Խտրականության դեմ քաղաքականությունը և Համայնքի պարտավորությունը։ Այդ ժամանակից ի վեր՝ մեր հարթակից հեռացվել է ավելի քան 1,3 միլիոն հոգի, որոնք հրաժարվել են ընդունել դրանք։ Մենք դեռ շատ աշխատանք ունենք անելու և շարունակում ենք պայքարել խտրականության դեմ։

    Վերջերս մենք տրամադրել ենք ռեսուրսներ, որոնք կօգնեն աջակցել Ասիայի և խաղաղօվկիանոսյան կղզիների համայնքներին, և նոր տեղեկություններով ենք հարստացրել վերը հիշատակված Ակտիվիզմի և համերաշխության ուղեցույցը։

    Թարմացված Ակտիվիզմի և համերաշխության ուղեցույցը պարունակում է ԱՄՆ-ում, Միացյալ Թագավորությունում և Եվրամիությունում, ինչպես նաև Իռլանդիայում, Հարավաֆրիկյան Հանրապետությունում, Կանադայում և այլ երկրներում հակառասիստական շարժման ակտիվիստների ու փորձագետների հոդվածներ և առաջարկվող գործողություններ։ Մտածում էինք՝ օգտակար կլիներ այս նոր ռեսուրսներով կիսվել ձեզ հետ, քանի որ բոլորս միասին ձգտում ենք դառնալ ավելի լավ և ակտիվ դաշնակիցներ մեր ընդհանուր գործում։

    Եղեք զգույշ և առողջ։

    Ի նշան համերաշխության՝

    Airbnb-ի թիմ

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    Airbnb
    1 հնս, 2020 թ.
    Հոդվածն օգտակա՞ր էր։

    Ուսումնասիրեք ավելի շատ թեմաներ