Պաշտպանեք ձեր եկամուտը

Եկամուտների պաշտպանության ապահովագրությունը վճարում է ձեզ, երբ չեք կարողանում հյուրընկալել անբարենպաստ եղանակային պայմանների, հյուրերի պատճառած վնասի, էլեկտրաէներգիայի անջատումների և այլ պատճառներով։

Դուք կստանաք ծածկույթի ամբողջական գումարը՝ հիմնվելով ձեր նախկին եկամուտների վրա, յուրաքանչյուր ստուգված և հաստատված հայցի համար։ Առանց նվազեցման ենթակա գումարի, առանց ամրագրման վերաբերյալ պահանջների, առանց ջանքերի։ Սա ապահովագրություն է, որը գործում է այնտեղ, որտեղ մյուսները չեն գործում։

Եկամուտների պաշտպանությունը հնարավոր է ձեռք բերել ԱՄՆ-ի 45 նահանգներում և Վաշինգտոնում (Կոլումբիայի շրջան), իսկ հաջորդ տարվա սկզբից այն կգործի նաև Ինդիանայում, Մենում, Միսսուրիում, Նյու Ջերսիում և Նյու Յորքում։ Հյուրընկալողները պետք է բավարարեն համապատասխանության պահանջները՝ ունենան 5 հայտարարություն և անցյալ տարվա ընթացքում յուրաքանչյուր հայտարարության համար 50-ից ավելի գիշերների ամրագրում։

• Չնախատեսված վնաս․ եղանակային պայմանների, հյուրերի պատճառով կամ այլ հանգամանքների բերումով առաջացած վնաս, որի վերականգնումը կտևի առնվազն 4 օր։
• Էլեկտրաէներգիայի անջատումներ․ ձեր տարածքում առնվազն 3 օր անընդմեջ էլեկտրաէներգիա չկա։
• Հասանելիության բացակայություն․ փակված ճանապարհների կամ այլ սահմանափակումների պատճառով ձեր տարածքը անհասանելի է առնվազն 7 օր անընդմեջ։
• Եղանակային ծանր պայմաններ․ սա ներառում է ձեր սեփականության տարածքում տեղի ունեցած անվանակոչված արևադարձային փոթորիկ կամ 4-րդ կամ ավելի բարձր կատեգորիայի փոթորիկ։
• Բնական աղետներ․ դրանք ներառում են 7,5 կամ ավելի բարձր մագնիտուդով երկրաշարժ կամ 15 000 կամ ավելի ակր տարածք զբաղեցնող անվանակոչված անտառային հրդեհ, որն ազդում է ձեր սեփականության վրա։

Կալիֆոռնիայում հյուրընկալող Գաբին գրանցվեց Եկամուտների պաշտպանության ծրագրում, որից հետո փոթորկի պատճառով էլեկտրաէներգիան անջատվեց, և նրա տարածք տանող ճանապարհը մեկ շաբաթով փակվեց։ Նա իր վերջնավճարը արագ ստացավ հայտի հաստատումից հետո։ «Մենք շատ թերահավատ էինք, բայց ամեն ինչ սահուն էր։ Հայտը ներկայացնելուց մինչև վճարումը տևեց 2 շաբաթից պակաս»։

• Ներկայացրեք հայցն առցանց։
• Ստացեք պատասխանը սեղմ ժամկետում։
• Ուսումնասիրեք և լրացրեք ձեր կորուստը հաստատող կարճ ձևը։
• Հաստատումից հետո մի քանի օրվա ընթացքում ձեր բանկային հաշվին ստացեք ծածկույթի ամբողջական գումարը։
  

Եկամուտների պաշտպանության ապահովագրությունը ձևակերպվում է STP Insurance Services LLC ընկերության միջոցով և առաջարկվում է Airbnb Insurance Agency LLC ընկերության կողմից։ Ապահովագրական ծածկույթը կարգավորվում է պոլիսի բոլոր պայմաններով և դրույթներով, որոնք հորդորում ենք ընթերցել ամբողջությամբ։ Անկանխատեսելի վնասի, հասանելիության հետ կապված խնդիրների կամ էներգահամակարգի խափանման դեպքում ծածկույթը գործում է, երբ չեք կարողանում հյուրընկալել տևական ժամանակով։ Բոլոր հայցերի դեպքում եկամտի կորուստը պետք է լինի այնպիսի պատճառի անմիջական հետևանք, որը հատուկ չի բացառվում պոլիսով։ Ապահովագրավճարները տարբեր են լինում՝ գտնվելու վայրից կախված, և ենթակա են փոփոխման։

Հյուրընկալողի պաշտպանություն գույքային վնասից ծրագիրը ապահովագրական պոլիս չէ և կարգավորվում է դրույթներով, պայմաններով և սահմանափակումներով։ Այն չի պաշտպանում հյուրընկալողներին, որոնք տարածքներ են առաջարկում Ճապոնիայում, որտեղ գործում է Ճապոնիայում հյուրընկալողների ապահովագրությունը,  կամ հյուրընկալողներին, որոնք տարածքներ են առաջարկում Airbnb Travel LLC-ի միջոցով։ Ծածկույթի բոլոր սահմանաչափերը ցուցադրվում են ԱՄՆ դոլարով։ Վաշինգտոն նահանգում առաջարկվող տարածքների դեպքում Հյուրընկալողի պաշտպանություն գույքային վնասից ծրագրի շրջանակներում Airbnb-ի պայմանագրային պարտավորությունները ներառված են Airbnb-ի կողմից գնված ապահովագրական պոլիսում։ 

Այս հոդվածում պարունակվող տեղեկությունները կարող են փոխված լինել հրապարակումից հետո։