Ճիշտ գին յուրաքանչյուր սեզոնի համար

Գնանշման և ազատ ամսաթվերի ճշգրիտ կարգավորումը կօգնի ամրագրումներ գրավել և ավելի շատ վաստակել։ Այս նոր կարգավորումները թույլ են տալիս փոփոխել գներն ըստ սեզոնի, լրացնել օրացույցի վերջին պահի բացերը և հաշվի առնել ազատ ամսաթվերի պատուհանից դուրս ամրագրման հայտերը։

Պիկ և ոչ պիկ սեզոնների համար գները փոփոխելը կօգնի մրցունակ մնալ։ Մենք կվերլուծենք ձեր տարածաշրջանում առկա պահանջարկը և կառաջարկենք սեզոնային գներ, որոնք կօգնեն մեծացնել ամրագրումների քանակը և եկամուտը։ Ահա թե ինչ է գործարկվելու հուլիսից։

• Գնանշում ամբողջ տարվա ընթացքում․ փոփոխեք ձեր հիմնական գինը ըստ ամիսների, որպեսզի արձագանքեք պահանջարկի սեզոնային փոփոխություններին։
• Հանգստյան օրերի համար ճշգրտված գումար․ փոխեք հանգստյան օրերի գները սահմանված տոկոսով, օրինակ՝ +15%-ով, որպեսզի հեշտությամբ թարմացնեք դրանք տարբեր սեզոնների համար։

Մեր առաջարկած գները պայմանավորված են ձեր տարածաշրջանում նմանատիպ տարածքների պահանջարկով և մի շարք գործոններով, օրինակ՝ տարածքի տեղադրությամբ և հարմարություններով։ Միշտ կարող եք քարտեզի վրա համեմատել մոտակայքում գտնվող նմանատիպ տարածքների գները և փոփոխել մեր առաջարկած գները նախքան որևէ թարմացում կատարելը։

Կարող եք ճշգրտել վերջին պահի ազատ ամսաթվերը և գները, որպեսզի մրցունակ մնաք, երբ մոտենան չամրագրված գիշերները։ Մենք կառաջարկենք եղանակներ, որոնք կօգնեն, որ ձեր հայտարարությունը հայտնվի որոնման ավելի շատ արդյունքներում, և կմեծացնեն ամրագրումների քանակը։ Ահա թե ինչ է գործարկվելու օգոստոսից։

• Վերջին պահին ամրագրման դեպքում գիշերների նվազագույն քանակը․ թույլատրեք ավելի կարճ տևողությամբ այցեր չամրագրված գիշերների համար ժամանմանը նախորդող 2 շաբաթվա ընթացքում։
• Վերջին պահի զեղչեր․ աստիճանաբար մեծացրեք ձեր վերջին պահի զեղչերը այն հյուրերի համար, որոնք ամրագրում են ժամանումից 8–14, 2–7 և 0–1 օր առաջ։

Կարող եք կիրառել մեր առաջարկած գիշերների նվազագույն քանակն ու զեղչերը կամ ընտրել ձեր սեփականը։

Եթե ակտիվացրել եք ակնթարթային ամրագրումը, ապա այժմ հնարավորություն ունեք ընդունել ամրագրման հայտեր՝ ազատ ամսաթվերի պատուհանից դուրս։ Սա կարող է օգնել ձեզ ավելի շատ վաստակել՝ անձամբ ընդունելով ավելի ուշ ժամկետների ամրագրումները։

• Ավելի մեծ հասանելիություն․ հյուրերը կարող են որոնման արդյունքներում գտնել ազատ ամսաթվերի պատուհանից դուրս օրերի համար հայտարարություններ և ուղարկել ամրագրման հայտեր, որոնք դուք պետք է ստուգեք 24 ժամվա ընթացքում։
• Ամրագրման կարգավորումներ․ ակնթարթային ամրագրման կարգավորումները թողեք նույնը, որպեսզի հյուրերը նախկինի պես կարողանան անմիջապես ամրագրել ձեր տարածքն ազատ ամսաթվերի պատուհանի շրջանակներում։

Կարող եք ցանկացած պահի հրաժարվել ավելի մեծ հասանելիությունից՝ թարմացնելով ազատ ամսաթվերի կարգավորումները։

Գները ներկայացված են ԱՄՆ դոլարով։ Գտնվելու վայրից կախված՝ օգտատիրոջ փորձառությունը կարող է տարբեր լինել։

Դուք եք միշտ վերահսկում գնանշումը և մյուս կարգավորումները։ Հնարավոր է՝ դրանք տարբերվեն մյուս հյուրընկալողների գներից և կարգավորումներից։

Այս հոդվածում պարունակվող տեղեկությունները կարող են փոխված լինել հրապարակումից հետո։