Բոլորովին նոր գաղափարներ, որոնք կօգնեն ավելի գրավիչ դարձնել ձեր հայտարարությունը
Մենք ներկայացնում ենք անհատականացված գաղափարներ, որոնք կօգնեն հայտնվել որոնման ավելի շատ արդյունքներում, ստանալ ավելի շատ ամրագրումներ և բարելավել ձեր մասին կարծիքները։
Գնանշման և ազատ ամսաթվերի վերաբերյալ գաղափարներ
Գնանշման և ազատ ամսաթվերի վերաբերյալ գաղափարներն օգնում են ավելի մեծ եկամուտ ստանալ և գրավիչ դարձնել ձեր հայտարարությունը։ Դրանք չափազանց տեղայնացված են և տրամադրում են ներքին տվյալներ, որոնք կարող եք ստանալ միայն Airbnb-ից։ Մենք հետևում ենք ձեր տարածաշրջանում անցյալ ամսվա ընթացքում կատարված որոնումներին ու ամրագրումներին և այդ տվյալներն օգտագործում ենք ձեզ խորհուրդներ տալու նպատակով։
Գաղափարներն առաջարկում են գործողություններ, որոնք կարող եք կատարել հյուրերին գրավելու նպատակով, այդ թվում՝
- հյուրերին թույլ տալ ամրագրել շատ ավելի վաղ
- կրճատել նախնական ծանուցման ժամանակը
- ավելացնել զեղչեր
- ճշգրտել հիմնական գինը
- նվազեցնել գիշերների նվազագույն քանակը, որը պահանջում եք այցերի համար
«Այլ տարածաշրջանում գտնվող իմ նոր տարածքի համար այս խորհուրդները հատկապես օգտակար են»,– ասում է Ավստրալիայում Հյուրընկալողների խորհրդի անդամ Բրին։ «Ցանկացած բան, որն ինձ կօգնի հասկանալ տեղական պահանջարկը, որոնումների օրինաչափությունները և հյուրերի նախասիրությունները, ինձ շատ ավելի մեծ վստահություն կհաղորդի որոշում կայացնելիս»։
Կարծիքների վերլուծություն
Կարծիքների վերլուծությունն օգտագործում է հյուրերի կարծիքները, որոնց հիման վրա կարելի է ստանալ գործնական առաջարկներ հյուրընկալման բարելավման վերաբերյալ։ Airbnb-ի տվյալների վրա հիմնված այս խորհուրդները նախատեսված են հյուրընկալողներին 5 աստղանի կարծիքներ ստանալու հարցում օգնելու համար։
Օրինակ՝ եթե հյուրը նշում է, որ ձեր խոհանոցը նման չէր լուսանկարներում պատկերվածին, հնարավոր է, որ տեսնեք լուսանկարները թարմացնելու մասին խորհուրդ։ Կամ, եթե հյուրը ասում է, որ ներս մտնելու հետ կապված խնդիր է ունեցել, գուցե տեսնեք ժամանման վերաբերյալ ցուցումները թարմացնելու առաջարկ։ Այս գաղափարները կարող են օգնել ձեզ ձևավորել ակնկալիքներ և գոհացնել ապագա հյուրերին։
Գնանշման և ազատ ամսաթվերի վերաբերյալ գաղափարներն ու կարծիքների վերլուծությունն արդեն հասանելի են, իսկ եկամուտների վերլուծությունը հասանելի կլինի այս տարի ավելի ուշ։
Գները ներկայացված են ԱՄՆ դոլարով։ Գտնվելու վայրից կախված՝ օգտատիրոջ փորձառությունը կարող է տարբեր լինել։
Այս հոդվածում պարունակվող տեղեկությունները կարող են փոխված լինել հրապարակումից հետո։