Ինչ է պահանջվում Airbnb փորձառություններ հյուրընկալելու համար
Airbnb փորձառություններն ամբողջովին վերաիմաստավորված փորձառություններ են, որոնք հյուրընկալվում են իրենց քաղաքը լավագույնս իմացող տեղացիների կողմից։ Միջոցառումներից են յուրահատուկ շրջայցերը, համտեսումները, բացօթյա միջոցառումները, սեմինարները և այլն։
Փորձառությունների որակը ստուգվում է, և հյուրընկալողներից, համահյուրընկալողներից ու հայտարարություններից ակնկալվում է համապատասխանություն մեր ստանդարտներին և պահանջներին։ Ահա որոշ կարևոր բաներ, որոնք պետք է իմանալ։
Հիմնական ստանդարտներ
- Ինքնության հաստատում. հաստատեք ձեր ինքնությունը և անհրաժեշտության դեպքում անցեք կենսագրական տվյալների ստուգումներ և այլ ստուգումներ։
- Լիցենզիա և հավաստագիր. ունեցեք ձեր միջոցառմանը վերաբերող վավեր լիցենզիաներ, ապահովագրություն և հավաստագրեր։ Անհրաժեշտության դեպքում տրամադրեք հաստատող փաստաթղթեր։
- Գիտելիքներ․ անցեք հատուկ վերապատրաստում կամ ունեցեք այլ համապատասխան փորձ, օրինակ՝ կրթություն, աշակերտություն կամ ժառանգաբար փոխանցված ընտանեկան բիզնես։ Մենք կարող ենք ստուգել ձեր հայտարարության մեջ նշված կրթությունը, աշխատանքային պատմությունը կամ մրցանակներն ու գնահատանքները։
- Միջոցառում. միջոցառումը պետք է առնչվի տեղական մշակույթին, խոհանոցին կամ մարդկանց։ Փորձառությունը պետք է հյուրերին հնարավորություն տա ակտիվ մասնակցություն ունենալու և ծանոթանալու ձեզ և միմյանց հետ։
- Վայրը․ փորձառության համար ընտրեք անվտանգ, մաքուր, հարմարավետ և լավ կահավորված վայր։
Հայտարարության ստանդարտներ
- Լուսանկարներ. ներկայացրեք առնվազն 5 բարձրորակ, գունավոր լուսանկար։ Լուսանկարները պետք է լինեն անհրաժեշտ քանակի, որպեսզի հյուրերի մոտ ձևավորվեն հստակ ակնկալիքներ։
- Վերնագիր. կենտրոնացեք գլխավոր միջոցառման վրա։ Վերնագիրը սկսեք բայով, որը ներկայացնում է, թե ինչ են հյուրերն անելու փորձառության ընթացքում, օրինակ՝ «ուսումնասիրեք», «բացահայտեք» կամ «համտեսեք»։
- Նկարագրություն․ վերնագիրը լրացրեք մանրամասներով, որոնք հյուրին կխրախուսեն ամրագրել փորձառությունը, կներկայացնեն ձեզ և անցկացման վայրի առանձնահատկությունը։
- Ուղեպլան․ մանրամասնորեն նկարագրեք փորձառության կոնկրետ միջոցառումները սկզբից մինչև վերջ, որպեսզի հյուրերը կարողանան որոշել՝ արդյոք փորձառությունը հարմար է իրենց։ Նշեք առնվազն մեկ միջոցառում։
Փորձառությունների հայտերը և հաստատված հայտարարություններում կատարված փոփոխությունները ստուգվելու են։
Հյուրընկալման վերաբերյալ պահանջներ
- Ամրագրումներ․ հարգեք հյուրերի ամրագրումները և խուսափեք կանխարգելելի պատճառներով չեղարկումներից։
- Հաղորդագրությունների փոխանակում. արագ արձագանքեք հյուրերի հաղորդագրություններին նախքան նրանց ամրագրման մեկնարկը։
- Անվտանգություն. ընտրեք փորձառության անցկացման անվտանգ վայր, հյուրերին պատշաճ կերպով հրահանգավորեք և տրամադրեք սարքավորումներ՝ մարմնական վնասվածքները կանխելու համար։ Ունեցեք արտակարգ իրավիճակներում գործողությունների ծրագիր։
- Գնահատականներ. աշխատեք ստանալ բարձր գնահատականներ հյուրերից։
- Հայտարարություն. հայտարարության մեջ տրամադրեք ճշգրիտ մանրամասներ, այդ թվում՝ անցկացման վայրի, մեկնարկի և ավարտի ժամերի, ինչպես նաև համահյուրընկալողների առկայության և հյուրերին ներկայացվող պահանջների մասին, օրինակ՝ համապատասխան տարիքը և անհրաժեշտ պատրաստվածության մակարդակը։
Ստուգման գործընթացը շարունակական է։ Airbnb-ն ուսումնասիրում է հյուրերի կարծիքները, հյուրընկալողի կողմից չեղարկումները և հաճախորդների սպասարկման ծառայությանը ներկայացվող հաղորդումները փորձառությունների անվտանգության և որակի վերաբերյալ։
Բացի վերը նշվածից՝ դուք նաև պետք է հետևեք Airbnb-ի Ծառայությունների մատուցման պայմաններին և պահպանեք Հիմնական կանոնները հյուրընկալողների համար և Հյուրընկալման անվտանգության կանոնները։
Մեր ստանդարտներին և պահանջներին չհամապատասխանող հյուրընկալողների հայտարարությունը կամ հաշիվը կարող է կասեցվել կամ հեռացվել։ Ամբողջությամբ ծանոթացեք Airbnb փորձառությունների ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։