Ինչպես ընդգծել գործիմացությունը

Հյուրերը գնահատում են, երբ հյուրընկալողը նոր բան է առաջարկում և օգնում սովորել։ Կիսվեք ձեր փորձով և գիտելիքներով՝ փորձառությունն առանձնահատուկ դարձնելու համար։

Հյուրերի հետ շփումը վստահություն է ներշնչում և օգնում է նրանց ավելի լավ հասկանալ ձեր ներդրումը փորձառության մեջ։

• Առանձնացեք մյուսներից։ Հյուրերի հետ շփվելիս ձեր գործիմացությունը ներկայացնող մանրամասներ ներկայացրեք։
• Պատմություններ պատմեք։ Պլանավորեք միջոցառումներ, որոնք ընդգծում են ձեր փորձը և ստեղծում հաճելի պահեր, որոնք կվայելեք հյուրերի հետ միասին։

Դեբորան, որը խոհարարության դաս է հյուրընկալում Հռոմում գտնվող իր տանը, ցուցադրում է մատռվակի և շեֆ խոհարարի իր վկայականները, որպեսզի հյուրերին խրախուսի հարցեր տալ։ Նրա պատին նաև փակցված է ընտանեկան ավանդույթները փոխանցած տատիկի շրջանակված լուսանկարը։ «Մենք կիսվում ենք նրա պատմություններով և բաղադրատոմսերով»,- ասում է նա։- «Կարծիքները ոչ միայն սննդի, այլև այն մասին են, թե ինչ ֆանտաստիկ են եղել խմբի հետ մեր շփումները»։

Հայտարարության «Հյուրընկալողի առանձնահատկությունները» բաժինն օգնում է բարձրացնել վստահելիությունը ձեր նկատմամբ և ցույց տալ ձեր տրամադրած փորձառության որակը։ Ավելացրեք հնարավորինս շատ մանրամասներ, որոնք ձեզ կառանձնացնեն մյուսներից, և մի մոռացեք թարմացնել ձեռքբերումների մասին տեղեկությունները։

• Ձեզ բնութագրեք։ Դա կերևա որպես վերնագիր և թույլ կտա մարդկանց հասկանալ՝ ինչ եք առաջարկում։
• Նկարագրեք ձեր փորձը։ Ձեր հավատարմագրերը, այդ թվում՝ դիպլոմներն ու հավաստագրերը, կազմում են ձեր հմտությունների ընդհանուր նկարագիրը։
• Ներկայացրեք ձեր ձեռքբերումները։ Պատվոգրերը, մրցանակները և մամուլի ուշագրավ լուսաբանումները խոսում են ձեր գործիմացության մասին։

Օրինակ՝ Ջիբը, որը խոհարարության դաս է հյուրընկալում Բանգկոկում, գրում է, որ նախկինում սննդի վերաբերյալ մամուլի տեսաբան է եղել։ Թերեզան, որը գինու համտեսի դաս է հյուրընկալում Լիսաբոնում, գրում է, որ մատռվակ է և պորտվեյնի հավաստագրված մասնագետ։ Իսկ Թոմազոն, որն արվեստի զբոսանքներ է հյուրընկալում Հռոմում, գրում է, որ բազմապրոֆիլ նկարիչ է և ցուցադրվում է նշանավոր վայրերում, օրինակ՝ Fondazione Pastificio Cerere-ում։

Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։

Այս հոդվածում պարունակվող տեղեկությունները կարող են փոխված լինել հրապարակումից հետո։