Ինչպես ընտրել ճիշտ տեղադրությունը
Հյուրերը սիրում են ժամանակ անցկացնել այնպիսի յուրահատուկ վայրերում, որոնք օգնում են զգալ տեղական մշակույթը։ Ցույց տվեք, թե ինչ առանձնահատուկ նշանակություն ունի ձեր ընտրած տեղադրությունը, և ինչու եք ընտրել այն։
Հարմար տեղի ընտրություն
Վայրը պետք է առնվազն լինի հարմարավետ, մաքուր և անվտանգ։ Այն նաև պետք է համապատասխան լինի միջոցառման համար։
- Բացատրեք՝ ինչու եք ընտրել այդ վայրը։ Պատմեք դրա հարուստ պատմության և մշակութային նշանակության մասին, որպեսզի ցույց տաք, թե ինչու է այն կարևոր։ Դեբորան, որը խոհարարական դասընթացներ է հյուրընկալում Հռոմում գտնվող իր տանը, կիսվում է իր տատիկի փոխանցած բաղադրատոմսերով, երգերով և այլ ավանդույթներով։ «Մեր արած ամեն ինչի հետևում մի պատմություն կա»,- ասում է նա։
- Մնացեք տեղանքում։ Փնտրեք վայրեր, որոնք հյուրերը չեն կարող գտնել որևէ այլ տեղ։ Ռուբին, որը գաստրոնոմիական շրջագայություն է հյուրընկալում Լիսաբոնում, ասում է, որ հյուրերին տանում է միայն տեղական ընտանեկան հաստատություններ, օրինակ՝ հրուշակեղենի փոքրիկ խանութ։ «Դա ցնցող ազդեցություն է թողնում»,- ասում է նա։
Տեղական մշակույթի վրա կենտրոնացում
Ընտրեք հիշարժան վայր, որն արտացոլում է տեղի մշակույթը։
- Տվեք արտոնյալ մուտք։ Այցելեք այնպիսի վայրեր, որտեղ հյուրերը չէին կարողանա ինքնուրույն մտնել։ Թերեզան, որը գինու համտեսի դաս է հյուրընկալում Լիսաբոնում, փորձում է «գրավչություն» ավելացնել իր փորձառություններին, օրինակ՝ գտնել հանրության համար անհասանելի վայրեր կամ անսովոր պահերին վարպետության դասեր անցկացնել։ «Սա ստեղծում է բացահայտման զգացողություն»,- ասում է նա։
- Կենտրոնացեք տեղանքի բնույթի վրա։ Տեսարժան վայրերը, ձայները և համերը նպաստում են միջավայրը ուժեղ զգալուն։ «Մթնոլորտը պետք է ակնթարթորեն գրավի ձեզ»,- ասում է Գրասիելան, որը խոհարարական դաս է հյուրընակալում Մեխիկոյում։- «Ժամանումից հետո մի քանի րոպեի ընթացքում հյուրերը հասկանում են՝ արդյոք լավ փորձառություն կունենան, թե ոչ»։
Հյուրընկալումը մի վայրում, որն ինքնատիպ է և համապատասխանում է ձեր գործունեությանը, կարող է նպաստել ավելի լավ գնահատականներ և կարծիքներ ստանալուն։
Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։